Saman Nərimancahan: “Mən də türkəm, təbrizliyəm, Azərbaycan millisində...“
Tarix: 01.02.2020 | Saat: 22:46:00 | E-mail | Çapa göndər



"Neftçi"nin futbolçusu Saman Nərimancahan Azərbaycan Premyer Liqasının 15-ci turunda "Sumqayıt"la 1:1 hesablı heç-heçə etdikləri matçdan sonra Qol.az-ın müxbirinin də iştirak etdiyi brifinqdə jurnalistlərin suallarını cavablandırıb. O, əvvəlcə matç haqda fikirlərini bildirib.


- Qırmızı vərəqə ilə cəzalandırılana qədər yaxşı çıxış edirdik. Azlıqda qaldıq, buna görə də bir az çətin oldu. Allaha şükür, 10 nəfərlə də qol vurmağa çalışdıq. Bir neçə epizodumuz da oldu, qolla nəticələnə bilərdi. Biz "Neftçi" komandasıyıq, güclüyük. 1:1 hesabı bizi qane etmir. O biri matçda bundan da yaxşı oynayacağıq.

- Baqali Dabonun vurduğu qolun ötürməsini siz vermisiniz. Hansı hissləri keçirirsiniz? Ümumiyyətlə, Azərbaycan çempionatına alışdınızmı, gözlədiyiniz kimi oldumu?

- Çox şükür, uğurlu çıxış etdim. Əlavə 2 ötürməm də oldu ki, qolla nəticələnə bilərdi. Amma alınmadı. İnşallah, növbəti görüşlərdə də komanda yoldaşlarımla birləşib, birgə yaxşı oyun göstərərik.

- Gələn matçı "Qarabağ"a qarşı keçirəcəksiniz. Premyer Liqanın lideri olan komandadır. Bu turda hələ oynamayıblar, amma sizdən 5 xal öndədirlər. Əsas müdafiəçilərinizdən biri də yoxdur. Bu oyun haqda nə düşünürsünüz?

- "Qarabağ" güclü komandadır. Amma biz də istəyirik ki, çempion olaq. Onları məğlub edib, xal fərqini azaltmağa çalışacağıq. Çətin oyun olacaq. Amma biz də "Neftçi"yik. Hər iki komanda güclüdür. İnşallah, hər şeyi oyun göstərəcək. Fikrimcə, hansı komanda rəqibin səhvlərindən yararlana bilsə, o da udacaq.

- Siz bu komandaya gələndə baş məşçiniz Roberto Bordin idi. Sonra isə dəyişərək Füzuli Məmmədov oldu. Onların arasında hansısa fərq hiss edirsiniz?

- Mən komandaya gələndən sonra Bordin 10 gün baş məşqçilik etdi. Həmin vaxt da ancaq yoxlama oyunları olurdu. Ona görə də bir şey deyə bilmirəm. Amma Füzuli Məmmədov da çox can yandırır. Yaxşı taktikaları var. O, ilk dəfədir ki, baş məşqçi kimi "Neftçi"ni rəsmi oyuna çıxardl. Məncə, bundan sonra hər şey yaxşılaşacaq. Amma 1:1 hesabı ilə razılaşmamalıyıq. Bu, bizim üçün yaxşı nəticə deyil. Qaneedici tək şey odur ki, bunu azlıqda qaldığımız halda etmişik.

- Azərbaycan və İran çempionatı arasındakı fərq çox böyükdür?

- Bir matçla nəsə deyə bilmərəm. Orada 9-10 il çıxış etmişəm. Burada isə cəmi 1 qarşılaşmada oynamışam. Fərq var. Amma İran çempionatında da texnikalı futbolçu çoxdur. Hər komanda da 5-6 belə oyunçu var. Burada isə oyunun sürəti yaxşıdır. Hərəsinin özünə görə üstünlüyü var. Ona görə də hansının üstün olduğunu deyə bilmərəm. Mən yaxın zamanda komandaya uyğunlaşıb, daha yaxşı çıxış etmək istəyirəm.

- Bəs, Azərbaycan millisində oynamağı düşünürsünüz? Gələcəkdə belə bir şey ola bilər?


- Mən İranda 23 yaşlılardan ibarət milli komandada çıxış etmişəm. Mən də bir türkəm, təbrizliyəm. Niyə olmasın? Olarsa, özüm də çox sevinərəm.




 
Bölməyə aid digər xəbərlər
30.03.2020
“Çox sağ olun, əziz müəllimlərimiz”
29.03.2020
Dilşad Musadan karantin günləri ilə bağlı valideynlərə tövsiyələr!
28.03.2020
Psixoloq Tünzalə Verdiyeva: “Azərbaycanda “İtaliya təcrübəsi”ni yaşamamaq üçün son dərəcə məsuliyyətli olmaq vacibdir”
28.03.2020
Bir az daha sərt tədbirlərlə vəziyyəti tam nəzarət altına almaq olar
25.03.2020
“Bütün vətəndaşlar xüsusi karantin rejiminə əməl etməlidirlər”

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11488

1 “Bütün vətəndaşlar xüsusi karantin rejiminə əməl etməlidirlər”
2 Evdə qalmaq niyə vacibdir? – Rəşad Mahmudov səbəbləri açıqladı- VİDEO
3 Biləsuvar Rayon İcra Hakimiyyətinin rəsmi təkzibi
4 Həkim-fitoterapevt: “Koronavirusa qalib gəlmək üçün şəxsi gigiyena qaydalarına tam əməl edilməlidir”
5 Psixoloq Tünzalə Verdiyeva: “Azərbaycanda “İtaliya təcrübəsi”ni yaşamamaq üçün son dərəcə məsuliyyətli olmaq vacibdir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info