Yetmiş minə yaxın gənc ilk dəfə seçkidə iştirak edəcək
Tarix: 23.09.2013 | Saat: 23:02:00 | E-mail | Çapa göndər


Prezident seçkilərində gənclərin seçki prosesinə cəlb olunması məqsədilə başlanan “Səs Ver” kampaniyasının təqdimat mərasimi olub. Kampaniya “İrəli” İctimai Birliyinin təşəbbüsü, Mərkəzi Seçki Komissiyasının (MSK) dəstəyi ilə həyata keçiriləcək.

Tədbirdə çıxış edən MSK katibliyinin müdiri Rövzət Qasımov seçkinin cəmiyyətin inkişafındakı rolundan danışıb və bu prosesdə gənclərin iştirakının vacibliyini vurğulayıb. O, oktyabrın 9-da keçiriləcək prezident seçkilərində gənclərin fəallıq nümayiş etdirəcəyinə ümidvar olduğunu da qeyd edib.
R.Qasımov bildirdi ki, bu il ilk dəfə olaraq təxminən 70 minə yaxın gənc seçkidə iştirak edəcək. Prezident seçkilərində isə ilk dəfə iştirak edən gənclərin sayı 500 minə yaxındır. R. Qasımov qeyd etdi ki, seçki günü-oktyabrın 9-da 150 gənc seçicinin 18 yaşı tamam olacaq və bu gənclərin də səsvermədə iştirakı təmin olunacaq: “Biz bununla bağlı bəzi layihələr hazırlayırıq. Bu, artıq xüsusi statusun onlara şamil olunmasıdır. Yəni bununla da onlar tam hüquqlu vətəndaş qismində ölkə həyatında gedən bütün proseslərdə iştirak edəcəklər”. R.Qasımov vurğuladı ki, MSK Gənclər və İdman Nazirliyi ilə bu istiqamətdə bir sıra tədbirlər həyata keçirir: “Yaxın vaxtlarda bu mövzuda xüsusi çarxlar da nümayiş etdiriləcək. Bu çarxlar gəncləri seçkilərdə fəal olmağa çağırır. Bütün bunlar MSK-nın gənc seçicilərimizi fəal seçici, vətəndaş olmağa təşviq etməsidir, onlarda seçkilərə diqqət aşılamaqdır”.
“İrəli” İctimai Birliyinin sədri Rauf Mərdiyev bildirdi ki, bu il ümumilikdə 5 milyon nəfər seçici səsvermədə iştirak edəcək və onların 2 milyon nəfəri, yəni 40 faizi gənclərdir. Gənclər arasında təxminən 500 min nəfəri ilk dəfə prezident seçkilərində səs verəcək ki, bu da ümumi seçicilərin 10 faizini təşkil edir. R. Mərdiyev onu da bildirdi ki, “Səs Ver” kampaniyasının məqsədi qarşıdan gələn seçkilərdə səsvermə hüququndan ilk dəfə istifadə edəcək gənclərin maarifləndirilməsi, onların seçkilərdə fəal iştiraka həvəsləndirilməsi, gənclər arasında fəal vətəndaşlığın təbliği, bütün ölkə üzrə ilk dəfə səs verəcək gənclərin şəbəkəsinin yaradılmasını təmin etməkdir.
Mərasimdə kampaniya çərçivəsində hazırlanan saytın və gəncləri seçkilərdə fəal olmağa səsləyən “Səs Ver” mahnısının da təqdimatı keçirildi.
Nigar Abdullayeva




 
Bölməyə aid digər xəbərlər
17.09.2019
Bakıda növbəti beynəlxalq ekoloji aksiya keçiriləcək
17.09.2019
Basqalda 432 şagird yerlik yeni məktəb binası istifadəyə verilib
17.09.2019
Naxçıvanda ilk milli hərbi hissənin yaradılmasının 27-ci ildönümü münasibətilə silsilə tədbirlər keçirilib
17.09.2019
Müdafiə Nazirliyi cəbhədəki vəziyyət barədə məlumat yayıb
16.09.2019
Bilik Günü Masallıda üç yeni məktəb binası istifadəyə verilib

Şərh əlavə olunmayıb

    ,    
Ağasəf Babayev
Namiq Əliyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10887

1 Prezident İlham Əliyev AŞPA-nın prezidentini qəbul edib
2 Daxili İşlər nazirindən yeni təyinat
3 Prezident Bakı Metropoliteninin “Xətai” stansiyasında görülən işlərlə tanış olub
4 Masallı rayonunun Çaxırlı ərazisinin Kəlbəhüseynli kəndində səyyar görüş
5 5 mindən artıq müəllimin maaşı 1000 manatı ötüb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info