Paşinyan Prezident İlham Əliyevin qarşısında növbəti dəfə aciz vəziyyətdə qaldı
Tarix: 16.02.2020 | Saat: 15:28:00 | E-mail | Çapa göndər



Sözün həqiqi mənasında Ermənistanın baş naziri Nikol Paşinyan siyasi süquta düçar oldu. Prezident İlham Əliyev bütün beynəlxalq ictimaiyyət qarşısında Paşinyanı darmadağın etdi.

Bu fikirləri AZƏRTAC-a açıqlamasında Münxendə Prezident İlham Əliyevlə Paşinyanın görüşünü şərh edən Sosial Tədqiqatlar Mərkəzinin baş məsləhətçisi, politoloq Tural İsmayılov bildirib.
O qeyd edib ki, Münxendə bu ayın ən önəmli siyasi hadisələrindən biri baş verdi. Ölkə başçısı küçə hərəkatçısı Paşinyana real siyasətdə yeri olmadığını bir daha göstərdi. Prezident İlham Əliyev çıxışında bildirdi ki, Dağlıq Qarabağ Azərbaycanın tərkib hissəsidir və Azərbaycanın ərazi bütövlüyü bütün beynəlxalq ictimaiyyət tərəfindən tanınır. Beynəlxalq birlik tərəfindən Azərbaycanın ərazi bütövlüyünün dəstəklənməsi arqumenti qarşısında Paşinyan sadəcə məğlub formada susmağa üstünlük verdi. Prezident dedi ki, Ermənistan Azərbaycan ərazisinin 20 faizini işğal edib və işğal olunmuş torpaqlarda mülki azərbaycanlılara qarşı etnik təmizləmə aparıb, o cümlədən Xocalı soyqırımını törədib. Paşinyanın məhz bu kontekstdən “cavabları” gülüşə səbəb olub. Məhz buna görə də dünəndən bütün erməni diaspor və lobbi təşkilatları Paşinyana qarşı kəskin fikirlər tirajlayırlar.

Prezident, həmçinin deyib ki, ermənilər işğal olunmuş torpaqlarımızda bütün azərbaycanlıları etnik təmizləməyə məruz qoyublar. Onlar işğal altındakı torpaqlarda mədəni irsimizi məhv ediblər. Dağlıq Qarabağda Ermənistanın heç bir tarixi irsi yoxdur. Paşinyanın saxta “tarixi ekskursiyası” da ölkə başçımız və zaldakı müşahidəçilər tərəfindən gülüşlə qarşılandı”, - deyə politoloq əlavə edib. Onun sözlərinə görə, Paşinyan bir daha göstərdi ki, onun ciddi siyasi açıqlamalar verəcək nə arqumenti, nə də siyasi bazası var.

Tural İsmayılov vurğulayıb ki, dövlət başçısı təkcə siyasi dərs keçməyib, O, soyqırımı da bütün dünyanın gözü önündə Paşinyanın üzünə çırpdı. “Azərbaycan Prezidenti əlavə edib ki, Ermənistanın bütün liderləri mövcud status-kvonu müxtəlif yollarla saxlamağa çalışıblar. Bu həm də Ermənistanda kimin hakimiyyətdə olmağından asılı olmayaraq qəsbə və işğala haqq qazandırdığının bütün dünyaya bəyanı idi. Dağlıq Qarabağdakı separatçı rejimin heç bir hüquqi və siyasi çəkisinin olmamağı və Ermənistan tərəfindən tərəf kimi təqdim edilmə cəhdləri də məhv edildi. T.İsmayılovun sözlərinə görə, Prezident İlham Əliyev çıxışında diqqətə çatdırdı ki, Ermənistanın baş naziri BMT Təhlükəsizlik Şurasının qətnamələrinin əsl mənasını uğursuz olaraq şərh edir. BMT-nin 4 qətnaməsinə Ermənistanın məhəl qoymamağı ilə bağlı fikrə də Paşinyan heç bir cavab verə bilmədi.
O qeyd edib ki, çıxışında tarixi faktlara istinad edən Azərbaycan Prezidenti İlham Əliyev Münxendə Ermənistanın baş naziri Nikol Paşinyanı növbəti dəfə susdurub, işğalçı ölkə rəhbəri geniş auditoriya qarşısında çıxılmaz vəziyyətdə qalıb.




 
Bölməyə aid digər xəbərlər
26.10.2020
Dağlıq Qarabağ münaqişəsinin tənzimlənməsi prosesi kəskin mərhələdədir - Peskov
26.10.2020
Azərbaycanın bütün xalqı birləşib və qələbə qazanacaq - Rus icmasının rəhbəri
26.10.2020
Makronun islamofob açıqlamaları müsəlmanların qətlinə təhrikçilikdir - Livanlı vəkil
24.10.2020
Sergey Markov: Azərbaycanın müharibədə qələbəsi yaxınlaşır
24.10.2020
NATO zabiti: Erməni əsgərləri Qarabağda hədər yerə ölür

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11799

1 Xudatda əsgər ailələrinə yardım paylanılıb
2 Карен Шахназаров о Карабахе: надо признать, что это бесспорные территории Азербайджана
3 Kolleclərin boş qalan plan yerlərinə qəbulun nəticələri elan olunub
4 Xudafərin körpülərinin UNESCO-nun Dünya Mədəni İrs Siyahısına salınması məqsədilə tədbirlər keçiriləcək
5 Qripə qarşı vaksinasiya COVİD-ə yoluxmanın azalmasına təsir göstərməyəcək - TƏBİB


26.10 18:50 Azərbaycan Respublikası Xarici İşlər Nazirliyi (XİN) və Latviya Respublikasının Xarici İşlər Nazirliyi arasında videokonfrans formatında siyasi məsləhətləşmələr keçirilib. XİN-dən Trend-ə verilən məlumata görə, nümayəndə heyətlərinə Azərbaycan tərəfindən Xarici İşlər nazirinin müavini Xələf Xələfov, Latviya tərəfindən isə bu ölkənin Xarici İşlər Nazirliyinin dövlət katibinin müavini, siyasi direktoru Yaniş Mazeiks rəhbərlik ediblər. Məsləhətləşmələr zamanı, iki ölkə arasında əlaqələrin hazırkı vəziyyəti təhlil olundu və əməkdaşlıq perspektivləri barədə fikir mübadiləsi aparıldı. Tərəflər, Azərbaycan və Latviya arasında siyasi dialoqun yüksək səviyyədə olduğundan məmnunluq ifadə etdi. Bu xüsusda, Azərbaycan və Latviya arasında 2017-ci ildə imzalanmış Strateji Tərəfdaşlığın Yaradılması haqqında Bəyannamə xüsusi əhəmiyyət kəsb edən hadisə kimi dəyərləndirildi. İkitərəfli iqtisadi əməkdaşlığın geniş potensiala malik olduğu qeyd edildi və ikitərəfli iqtisadi-ticari, elmi-texniki və mədəni sahələrdə əlaqələrin təşviqinə dair məsələlərin müzakirəsi və həlli məqsədilə Hökumətlərarası Komissiyanın növbəti 8-ci iclasının 2021-ci ildə keçirilməsinin mümkün olacağına ümid ifadə edildi. Həmçinin, mədəniyyət, elm və təhsil sahələrində əlaqələr müzakirə edildi, bu xüsusda hər il Azərbaycandan çox sayda gənclərin Latviya universitetlərində təhsil almasından məmnunluq bildirildi. Görüşdə, Ermənistan-Azərbaycan Dağlıq Qarabağ münaqişəsi mövzusu ətrafında fikir mübadiləsi aparıldı. Münaqişənin sülh yolu ilə həlli üçün müvafiq BMT Təhlükəsizlik Şurasının qətnamələrinin yerinə yetirilməsinə diqqət çəkildi. X.Xələfov Latviyanın Azərbaycanın ərazi bütövlüyü və suverenliyini dəstəklədiyinə görə Latviya tərəfinə təşəkkürünü bildirdi. Nazir müavini Latviya tərəfinə Ermənistanın Azərbaycana qarşı təcavüzkar siyasəti, o cümlədən cari ilin 12-16 iyul tarixlərində Azərbaycan–Ermənistan dövlət sərhədində həyata keçirdiyi hərbi təxribatı və 27 sentyabrda Azərbaycana qarşı növbəti təcavüz aktı barədə məlumat verdi. X.Xələfov Ermənistan silahlı qüvvələrinin humanitar atəşkəsi pozmaqda davam etməsi, münaqişə zonasından uzaqda yerləşən Azərbaycan şəhərlərinin, dinc əhalinin, mülki infrastrukturların məqsədyönlü şəkildə etdiyi raket atəşinə tutması, 27 sentyabrdan başlayaraq, Azərbaycana qarşı yeni təcavüzü nəticəsində 65 mülki şəxsin həyatını itirdiyi və 300-ə yaxın mülki şəxsin yaralandığını həmsöhbətinin diqqətinə çatdırdı. Nazir müavini qeyd etmdi ki, Azərbaycan özünümüdafiə hüququna əsaslanaraq, beynəlxalq tanınmış sərhədləri çərçivəsində Ermənistan tərəfindən işğal edilmiş ərazilərinin azad olunması üçün hərbi-siyasi tədbirləri davam etdirir. Ermənistan işğalçı qüvvələrinin Azərbaycan ərazilərində Azərbaycan silahlı qüvvələrinə qarşı müharibə aparmasına görə məsuliyyət bütövlükdə Ermənistan hərbi-siyasi rəhbərliyinin üzərinə düşür. Ermənistan silahlı qüvvələri Azərbaycan ərazilərini tam tərk etməyənədək bölgədə dayanıqlı sülh təmin oluna bilməz. Tərəflər, həmçinin qarşılıqlı maraq doğuran digər regional və beynəlxalq məsələlər ətrafında fikir mübadiləsi apardı.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info