Anna Xovner: “Paşinyanı dinləyərkən utandığımdan yerə girmək istədim”
Tarix: 17.02.2020 | Saat: 16:22:00 | E-mail | Çapa göndər


Erməni ekspertlər: “Paşinyan debat zamanı özünü və Ermənistanı gülünc vəziyyətə saldı”

Münxen Təhlükəsizlik Konfransı çərçivəsində Azərbaycan və Ermənistan liderləri arasında keçirilən açıq görüş erməni baş naziri Nikol Paşinyan üçün əsl məğlubiyyət oldu. Ermənistan haqqında qədim miflərə «istinad» edən Paşinyan özünü gülünc duruma saldı. Hətta görüşün sonunda izləyicilər də onun sözlərinə gülməyə başladılar. Erməni saytları yazırlar ki, Paşinyanın debat zamanı məğlub duruma düşməsi həm Ermənistanda, həm də erməni diasporunda etiraf edilir. Maraqlıdır ki, Nikol Paşinyanın məğlubiyyəti ilə bağlı «Erməni Milli Konsensusu»nun həmsədri Lusine Aroyan-Dalakyan «Facebook»da status yazıb: "Mətbuat konfransını izlədim. Biz biabırcasına uduzduq. Əgər erməni olmasaydım, Əliyevə inanardım. O yaxşı hazırlaşmışdı, jestlərin dili savadlı seçilmişdi. Paşinyan nə bir suala tam cavab verdi, nə də əks-zərbələr vurdu.
Əliyev öz xeyrinə onu oynadı ki, Qarabağ Azərbaycanın tərkibindədir. Paşinyan bu sahədə lazımlı biliklərə malik deyildi və yarımçıq cavabları onu gülməli vəziyyətə qoydu. O həmçinin Dağlıq Qarabağın Azərbaycanın tərkibində saxlanılmasının qeyri-mümkünlüyü barədə heç nə deyə bilmədi. Yaxşı ki, sonra köməyinə Böyük Tiqran yetişdi. Amma qələbə artıq Əliyevin tərəfində idi". Xatırladaq ki, erməni müğənni Anna Xovner də Paşinyanın debatdakı çıxışını «sıfır» səviyyəsində dəyərləndirib. O, Azərbaycan rəhbəri qarşısında Paşinyanın tutarsız iddialarını dinləyərkən utandığından yerə girməyə hazır olduğunu bildirib.
Münxen səfərindən sonra Paşinyanın komandasını nəzərdə tutaraq, onların öz liderlərini müdafiə etməkdə aciz olduqlarını bildirən «Alternativ Layihələr Qrupu»ndan Vaqe Ovannisyan bununla yanaşı, yaşananların təkcə Paşinyanın faciəsi olmadığını da gizlətməyib. “Tert. am” saytına danışan qrup nümayəndəsi bildirib: “Bu o deməkdir ki, hazırda ölkədə siyasi çoxluq, siyasi sistem, siyasi düşüncə yoxdur və buna görə də uğursuzluqların qarşısını almaq üçün zəmanət yoxdur. Bu, çox ciddi narahatlıq doğurur. Bu, bizim dövlətçiliyimiz üçün də böyük riskdir. Eyni zamanda bu o deməkdir ki, ölkədəki siyasi düşüncə Ermənisyanı irəli apara bilməz”.
Dağlıq Qarabağ məsələsində Paşinyandan müsbət irəliləyiş və ya qərar gözləmədiyini bildirən Ermənistanın keçmiş müdafiə naziri Artak Zakaryan Münxendə baş verənlərin mümkün olan bütün ümidləri sarsıtdığını etiraf edib. Zakaryanın fikrincə, Dağlıq Qarabağ məsələsində Paşinyan üçün artıq bundan sonra “pauza” götürmək də çətin məsələyə çevrilə bilər.
Görüşü şərh edən erməni ekspert Andranik Tevanyan tələblərini qəti şəkildə səsləndirən Azərbaycan Prezidenti qarşısında Paşinyanın uduzduğunu etiraf edib. Bu barədə o, öz «Facebook» səhifəsində yazıb. Biliyi, özünə inamı və tez cavab vermək qabiliyyəti olmayan Nikol Paşinyanın davranışını tənqid edən Tevanyan hesab edir ki, bununla da erməni baş nazir “həqiqi çəkisini” ortaya qoymuş oldu. Paşinyanın beynəlxalq auditoriya qarşısında özünü gülünc vəziyyətə saldığını xatırladan erməni ekspert, erməniləri belə bir hakimiyyətə dözdüyü üçün günahkar sayır.
Ağasəf Babayev




 
Bölməyə aid digər xəbərlər
26.10.2020
Ermənistan təyyarələri Rusiyadan silah daşıyır
26.10.2020
Ermənistan Makronun İslamla bağlı kursunu tam dəstəklədiyini ifadə edib
25.10.2020
Putin Həbib Nurməhəmmədovu təbrik etdi
25.10.2020
Gürcüstanda daha 1928 nəfər koronavirusa yoluxub
25.10.2020
Qarabağda öldürülən və hazırda vuruşan xarici muzdlular - ADLAR

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11799

1 Xudatda əsgər ailələrinə yardım paylanılıb
2 Карен Шахназаров о Карабахе: надо признать, что это бесспорные территории Азербайджана
3 Kolleclərin boş qalan plan yerlərinə qəbulun nəticələri elan olunub
4 Xudafərin körpülərinin UNESCO-nun Dünya Mədəni İrs Siyahısına salınması məqsədilə tədbirlər keçiriləcək
5 Qripə qarşı vaksinasiya COVİD-ə yoluxmanın azalmasına təsir göstərməyəcək - TƏBİB


26.10 18:50 Azərbaycan Respublikası Xarici İşlər Nazirliyi (XİN) və Latviya Respublikasının Xarici İşlər Nazirliyi arasında videokonfrans formatında siyasi məsləhətləşmələr keçirilib. XİN-dən Trend-ə verilən məlumata görə, nümayəndə heyətlərinə Azərbaycan tərəfindən Xarici İşlər nazirinin müavini Xələf Xələfov, Latviya tərəfindən isə bu ölkənin Xarici İşlər Nazirliyinin dövlət katibinin müavini, siyasi direktoru Yaniş Mazeiks rəhbərlik ediblər. Məsləhətləşmələr zamanı, iki ölkə arasında əlaqələrin hazırkı vəziyyəti təhlil olundu və əməkdaşlıq perspektivləri barədə fikir mübadiləsi aparıldı. Tərəflər, Azərbaycan və Latviya arasında siyasi dialoqun yüksək səviyyədə olduğundan məmnunluq ifadə etdi. Bu xüsusda, Azərbaycan və Latviya arasında 2017-ci ildə imzalanmış Strateji Tərəfdaşlığın Yaradılması haqqında Bəyannamə xüsusi əhəmiyyət kəsb edən hadisə kimi dəyərləndirildi. İkitərəfli iqtisadi əməkdaşlığın geniş potensiala malik olduğu qeyd edildi və ikitərəfli iqtisadi-ticari, elmi-texniki və mədəni sahələrdə əlaqələrin təşviqinə dair məsələlərin müzakirəsi və həlli məqsədilə Hökumətlərarası Komissiyanın növbəti 8-ci iclasının 2021-ci ildə keçirilməsinin mümkün olacağına ümid ifadə edildi. Həmçinin, mədəniyyət, elm və təhsil sahələrində əlaqələr müzakirə edildi, bu xüsusda hər il Azərbaycandan çox sayda gənclərin Latviya universitetlərində təhsil almasından məmnunluq bildirildi. Görüşdə, Ermənistan-Azərbaycan Dağlıq Qarabağ münaqişəsi mövzusu ətrafında fikir mübadiləsi aparıldı. Münaqişənin sülh yolu ilə həlli üçün müvafiq BMT Təhlükəsizlik Şurasının qətnamələrinin yerinə yetirilməsinə diqqət çəkildi. X.Xələfov Latviyanın Azərbaycanın ərazi bütövlüyü və suverenliyini dəstəklədiyinə görə Latviya tərəfinə təşəkkürünü bildirdi. Nazir müavini Latviya tərəfinə Ermənistanın Azərbaycana qarşı təcavüzkar siyasəti, o cümlədən cari ilin 12-16 iyul tarixlərində Azərbaycan–Ermənistan dövlət sərhədində həyata keçirdiyi hərbi təxribatı və 27 sentyabrda Azərbaycana qarşı növbəti təcavüz aktı barədə məlumat verdi. X.Xələfov Ermənistan silahlı qüvvələrinin humanitar atəşkəsi pozmaqda davam etməsi, münaqişə zonasından uzaqda yerləşən Azərbaycan şəhərlərinin, dinc əhalinin, mülki infrastrukturların məqsədyönlü şəkildə etdiyi raket atəşinə tutması, 27 sentyabrdan başlayaraq, Azərbaycana qarşı yeni təcavüzü nəticəsində 65 mülki şəxsin həyatını itirdiyi və 300-ə yaxın mülki şəxsin yaralandığını həmsöhbətinin diqqətinə çatdırdı. Nazir müavini qeyd etmdi ki, Azərbaycan özünümüdafiə hüququna əsaslanaraq, beynəlxalq tanınmış sərhədləri çərçivəsində Ermənistan tərəfindən işğal edilmiş ərazilərinin azad olunması üçün hərbi-siyasi tədbirləri davam etdirir. Ermənistan işğalçı qüvvələrinin Azərbaycan ərazilərində Azərbaycan silahlı qüvvələrinə qarşı müharibə aparmasına görə məsuliyyət bütövlükdə Ermənistan hərbi-siyasi rəhbərliyinin üzərinə düşür. Ermənistan silahlı qüvvələri Azərbaycan ərazilərini tam tərk etməyənədək bölgədə dayanıqlı sülh təmin oluna bilməz. Tərəflər, həmçinin qarşılıqlı maraq doğuran digər regional və beynəlxalq məsələlər ətrafında fikir mübadiləsi apardı.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info