Koronavirus təhlükəsinə qarşı bütün tədbirlər həyata keçirilir
Tarix: 25.02.2020 | Saat: 19:52:00 | E-mail | Çapa göndər


Ölkədə koronavirusa yoluxma halının müəyyənləşdirilməsi üçün bütün imkanlar, o cümlədən diaqnostik alətlər və tibbi ləvazimatlar yetərincədir

Son günlər dünyada cərəyan edən COVİD-19 koronavirus adlı infeksiya Azərbaycanda müşahidə edilməsə də ölkəmizlə geniş sərhəddə malik olan İranda bir sıra arzuolunmaz fəsadlar törədib. Xəstəliyə yoluxanlar arasında ondan çox ölüm halının olması və bu ölkənin Azərbaycanla iqtisadi cəhətdən sıx bağlılığını nəzərə alsaq operativ şəkildə bir sıra ehtiyat tədbirlərin genişləndirilməsi qaçılmaz idi. Artıq Azərbaycan hökuməti bu istiqamətdə bir sıra tədbirlər də görüb. İlin əvvəlindən Azərbaycan Prezidentinin tapşırığına əsasən xəstəliyin Azərbaycan ərazisində yarada biləcəyi təhlükənin qarşısını almaq məqsədilə bir sıra ciddi tədbirlər həyata keçirilir.
Qeyd edək ki, Çin Xalq Respublikasında COVİD-19 koronavirus infeksiyası yayılmağa başladıqdan sonra mümkün risklərin və onun Azərbaycan ərazisində yarada biləcəyi təhlükənin qarşısını almaq məqsədilə Nazirlər Kabineti tərəfindən müvafiq komissiyası yaradıldı, yanvarın 30-da isə Fəaliyyət Planı təsdiqlənib. Bütün sərhəd-keçid məntəqələrində, o cümlədən hava limanlarda profilaktik tədbirlərin həyata keçirilir. Bundan başqa, Azərbaycana gələn sərnişinlər ciddi şəkildə yoxlanılır və bu günədək koronavirusa yoluxma halı da qeydə alınmayıb. Azərbaycanla həmsərhəd olan İranda virusun aşkar olunması və artıq insan tələfatı faktları barədə rəsmi məlumatların yayılmasından sonra Azərbaycanın bu ölkə ilə sərhəd-keçid məntəqələri xüsusi rejimdə fəaliyyətə keçdi. Hazırda da sərhəd-keçid məntəqələrində sanitar-dezinfeksiya işləri aparılır, Azərbaycan ərazisindən tranzit yüklərin daşınmasına nəzarət gücləndirilib.

ASCO koronavirusla bağlı ehtiyat tədbirlərini gücləndirib

Bu arada qeyd edək ki, dünyada yayılan məlum virusla bağlı “Azərbaycan Xəzər Dəniz Gəmiçiliyi” QSC-də (ASCO) ehtiyat tədbirlərini davam etdirir.
ASCO-dan “Palitra”ya verilən məlumata görə QSC sədri Rauf Vəliyevin tapşırığı ilə şirkətin balansında olan gəmilərdə, struktur idarələrin ərazilərində, keçid-mühafizə postlarında və yeməkxanalarında mütəmadi olaraq aparılan dezinfeksiya işlərinə nəzarət gücləndirilib.
Müəyyənləşdirilmiş qrafikə əsasən, 24 fevral 2020-ci il tarixində ASCO-nun Xəzər Dəniz Neft Donanmasının inzibati binasında, “General Əsədov”, “Lütoqa”, “İrgiz” və “Ədalət Gülməmmədov” gəmilərində, eləcə də Dəniz Nəqliyyatı Donanmasının “Bəstəkar Qara Qarayev” və “Naxçıvan” gəmilərində tələblərə uyğun dezinfeksiya işləri aparılıb.
İşlər xüsusi lisenziya əsasında fəaliyyət göstərən və bu sahə üzrə ixtisaslaşmış şirkətlə birlikdə Sosial inkişaf və nəqliyyat şöbəsinin əməkdaşlarının müşayiəti ilə həyata keçirilir.
Tapşrığa uyğun olaraq dezinfeksiya tədbirləri xüsusi qrafiklə gəmilərdə ayda bir dəfə, sahildə yerləşən strukturların inzibati binaları və ərazilərində isə iki dəfə yerinə yetiriləcək. Səlahiyyətli qurumların göstəriş və təlimatlarına müvafiq olaraq sanitar-gigiyenik tədbirlərin təkrarlanması da diqqətdə saxlanılır.
Bütün bunlarla bərabər, sahil heyətinin virusa yoluxmasına qarşı yönəlmiş tədbirlər çərçivəsində ASCO-nun “Dənizçilər poliklinikası” MMC-nin həkimləri ciddi maarifləndirmə işləri aparırlar.

Profilaktik tədbirlər görülməlidir

Maarifləndirmə işlərindən söz açmışkən, Mərkəzi Gömrük Hospital da bu istiqamətdə bir sıra tədbirlər görür. Hospitaldan “Palitra”ya verilən məlumata görə, məlum virus hazırda ölkəmizdə müşahidə edilməsə də mütəxəssislərin rəyi ilə hazırlanan bəzi tövsiyələr əsasında koronavirus təhlükəsini önləmək üçün insanlar maarifləndirilirlər. Yəni, hər hansı yoluxma faktı qeydə alınmasa belə, hər ehtimala qarşı qabaqlayıcı tədbirlər görmək vacibdir. Bununla bağlı təlimatda deyilir ki, virus daha çox öskürək və asqırma (hava-damcı) yolu ilə yayılır. Profilaktika üçün isə kütləvi yerlərdə mütləq qoruyucu maskadan istifadə etmək lazımdır: “İnsanlar əllərini ən azı 20 saniyə isti su və sabun ilə yumalı və ya spirt tərkibli dezinfektantlarla ovuşdurmalıdırlar. Bundan başqa tibbi maskalardan düzgün istifadə qaydalarına riayət edilməlidir-burun və ağız örtülməli, maska taxıldıqdan sonra ona toxunulmamalı, hər 2-3 saatdan bir dəyişdirilməlidir.
Həmçinin kirli əllərinizlə üzünüzə, gözünüzə, ağız və burnunuza toxunmayın”.

Hospitaldan verilən təlimat xarakterli məlumatda o da vurğulanıb ki, bu epidemiya bütün dünya əhalisini narahat edir. Qızdırma ilə başlayan xəstəlik daha sonra quru öskürəklə müşayiət olunur və qısa müddət ərzində təngnəfəslik əmələ gətirir. Bu təhlükəli virus yüngül soyuqdəymədən ölümcül xəstəliyə səbəb ola bilər. Əsas isə insanların gigiyenik qaydalara düzgün əməl etməsi və immunitetlərini gücləndirən qidalara üstünlük vermələridir. Vətəndaşlar kəskin respirator virus infeksiyalarına yoluxmuş insanlarla təmasdan çəkinməlidirlər. Əllər tez-tez yuyulmalı, xəstə insanlarla və onların əşyaları ilə təmasdan sonra bu prosedura mütləq şəkildə əməl olunmalıdır. Xəstəliyin simptomları müşahidə olunan şəxslər öskürərkən və asqırarkən məsafə saxlamlı, ağız və burnu kağız dəsmal və ya dirsək bükümü ilə bağlamalıdırlar. Xəstəliyin simptomları ilə bağlı şübhə yarandığı halda, dərhal həkimə müraciət olunmalıdır. Vətəndaşlar üzərlərində dezinfeksiya vasitələri gəzdirməsi və ondan istifadə etməlidirlər. İnsanların çox olduğu yerlərdə, məsələn hava limanlarında, metroda və s. xüsusilə ehtiyatlı olmaq lazımdır.

Bir məqamı da qeyd edək ki, Ümumdünya Səhiyyə Təşkilatı Azərbaycanın aidiyyəti qurumları ilə daimi təmasdadır. Ölkədə koronavirusa yoluxma halının müəyyənləşdirilməsi üçün bütün imkanlar, o cümlədən diaqnostik alətlər və tibbi ləvazimatlar yetərincədir. Bununla yanaşı, adətən belə beynəlxalq miqyaslı hallar müşahidə olunan zaman ayrı-ayrı şəxslər tərəfindən təxribat xarakterli, yanlış məlumatlar dövriyyəyə buraxılır. Ümumdünya Səhiyyə Təşkilatı bəyan edib ki, əhali saxta xəbərlərə etibar etməsin, yalnız Azərbaycanın rəsmi qurumlarının məlumatlarına etibar etsin.

Tural Tağıyev




 
Bölməyə aid digər xəbərlər
25.09.2020
Prezident İlham Əliyevin açıqlamaları Paşinyanı küncə sıxışdırdı
14.09.2020
Prezident İlham Əliyev: Biz daxili tələbatı nə qədər mümkünsə, yerli məhsullar hesabına təmin etməliyik
24.08.2020
Prezident: Rayonlarda vəziyyət düzgün təhlil edilməli, mövcud nöqsanlar, çatışmazlıqlar araşdırılmalı, insanları narahat edən problemlər öz həllini tapmalıdır
19.08.2020
Paşinyan rejimi Ermənistanda daha bir anti-rus addım atır?
22.07.2020
Ermənistanda ilin sonuna qədər iqtisadi tənəzzül qaçılmazdır

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11603

1 Düşmən astanada: Pentaqon rəsmiləri nə üçün amerikalıları böyük müharibə ilə qorxudur?-VİDEO
2 Ekspert: İşləyən pensiyaçılar üçün yeni pensiya kapitalı formalaşacaq
3 Şamaxıda Kələxana türbələrində ilk dəfə tamaşa təqdim olunub
4 Təhsil müddəti ümumi pensiya stajına daxil ediləcək
5 Azərbaycan Turizm Assosiasiyası ekspertlər səviyəsində fəaliyyətini genişləndirir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info