Kukla teatrının direktoru beynəlxalq festivalda
Tarix: 27.02.2020 | Saat: 15:51:00 | E-mail | Çapa göndər


Abdulla Şaiq adına Azərbaycan Dövlət Kukla Teatrının direktoru, UNİMA Milli Mərkəzinin prezidenti Rəşad Əhmədzadə növbəti beynəlxalq sənət festivalından qayıdıb. O, ölkəmizi IX Monodram Tamaşalar Festivalında fəxri qonaq qismində təmsil edib.
Teatrların beynəlxalq əlaqələrinin genişləndirilməsi, yeni yaradıcılıq təşəbbüslərinin dəstəklənməsi və təcrübə mübadiləsinin təmin edilməsi məqsədilə Mədəniyyət Nazirliyinin təşkilatçılığı ilə reallaşan səfər 20-24 fevral tarixlərini əhatə edib. Birləşmiş Ərəb Əmirliklərinin Əl-Füceyra əmirliyində iki ildən bir baş tutan bu sənət tədbiri III Əl-Füceyra İncəsənət Festivalı çərçivəsində keçirilir.
Əmirliyin Mədəniyyət və Media Müvəkkilliyinin təşkil etdiyi tədbir əsasən ərəb dövlətləri olmaqla ümumilikdə dünyanın fərqli qütblərindəki teatr, musiqi, sənət adamlarını bir araya gətirir. Hər il öz əhatə dairəsini daha da genişləndirən sənət bayramında bu dəfə 60 ölkədən 600 nəfərdən çox iştirakçı öz yaradıcılıq imkanlarını nümayiş etdiriblər.
Festival çərçivəsində tamaşaların nümayişi və mükafatlandırılması ilə yanaşı seminarlar, forumlar, kitab təqdimatları, konsertlər də təşkil olunur.
Xatırladaq ki, festivalın təşkilində əsas məqsəd ərəb dünyasında o qədər də tanınmayan monodrama diqqət çəkmək və onu bir sənət növü kimi daha da inkişaf etdirməkdir. Səfər təəssüratlarını bölüşən Əməkdar mədəniyyət işçisi Rəşad Əhmədzadə bu kimi sənət tədbirlərinin fərqli mədəniyyətləri birləşdirən körpü olduğunu deyir: “Bu festivalda artıq üçüncü dəfədir ki, iştirak edirdim. Qısa zamanda populyarlıq qazanan, ən fərqli sənət istiqamətlərini bir səhnədə birləşdirən bu tədbir də möhtəşəmliyi ilə diqqət çəkdi. Zəngin proqram, rəngarəng nümayişlər, müxtəlif teatr estetikalarından seçkin nümunələr və ən əsası nüfuzlu sənət adamlarını, teatr təmsilçilərini bir araya gətirməsi baxımından çox maraqlı və yaddaqalan oldu. Qlobal mədəniyyət hərəkatında diqqətəlayiq töhfə olan, baxımlı yaradıcılıq məhsulları təqdim edən bu festivalın digər önəmli cəhəti ərəb dünyasının məşhur sənət adamlarını dünyaya tanıtmaqdır ki, hər dəfə onlardan birinin şərəfinə mükafat təsis edilir və qalib iştirakçılara təqdim olunur.
Hər bir festival kimi bu tədbir də bizim üçün yeni yaradıcılıq əlaqələrinin qurulması, qarşılıqlı təcrübə mübadiləsinin reallaşması və növbəti əməkdaşlıq üçün körpü rolunu oynayırdı. Mən də teatrımız adına bu fürsətdən maksimum istifadə etməyə çalışdım”.
Vyetnam, Hindistan və Tunisdən olan teatr təmsilçiləri ilə danışıqlar apardığını deyən R. Əhmədzadə müştərək layihələr üzərində işləyəcəklərini də əlavə etdi.




 
Bölməyə aid digər xəbərlər
09.04.2020
Balacalar üçün müsabiqə
09.04.2020
“Xəta və Xatirə“ bədii-sənədli filminin çəkilişləri yekunlaşmaq üzrədir
09.04.2020
Bu gün Xalq artisti Sidqi Ruhullanın doğum günüdür
08.04.2020
Azərbaycan poeziyası Venesuela mətbuatında
08.04.2020
Qələbənin 75 illiyinə həsr olunmuş mahnı müsabiqəsi elan olunub

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11499

1 Prezident Bakı-Sumqayıt yolunda görülən işlərlə tanış olub YENİLƏNİB
2 Azərbaycana gələn əcnəbilərin sayı artıb
3 Samir Abbasov: “Xaricdə olan Azərbaycan vətəndaşlarının ölkəyə qaytarılması istiqamətində operativ addımlarla böyük nailiyyət əldə edilib”
4 Azərbaycanda müalicəvi turizmin inkişafında tibb zəlisinin rolu
5 GMO-nun zərərləri


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info