Azərbaycan Prezidenti Milli Məclisdəki nitqində qarşıya bütün sahələr üzrə hədəflər qoydu
Tarix: 14.03.2020 | Saat: 14:18:00 | E-mail | Çapa göndər



Azərbaycan Respublikasının Prezidenti İlham Əliyevin altıncı çağırış Milli Məclisin ilk iclasındakı nitqi proqram xarakterli idi. Dövlətimizin başçısı nitqində qarşıya bütün sahələr üzrə ölkəmizin gələcəyini müəyyən edən hədəflər qoydu. Azərbaycanın, dövlətçiliyimizin inkişaf istiqamətləri hədəfimizin ana xəttini təşkil edir. Prezident nitqində həm hökumətin, həm də qanunverici orqan kimi Milli Məclisin üzərinə düşən vəzifələri müəyyənləşdirdi, tapşırıqlar verdi.

Bu fikirləri AZƏRTAC-a açıqlamasında Milli Məclisin Mədəniyyət komitəsinin sədri Qənirə Paşayeva bildirib.
Qənirə Paşayeva deyib: “Prezident İlham Əliyev birmənalı olaraq vurğuladı ki, qarşıya qoyulan əsas məqsəd ölkəmizin daha da inkişaf etdirilməsi, xalqımızın rifah halının daha da yaxşılaşdırılması, eləcə də narahatlıq doğuran məsələlərin tezliklə öz həllini tapmasıdır”.

Azərbaycan Prezidentinin nitqində iki mühüm məqamı diqqətə çatdıran deputat deyib: “Vacib məqamlardan biri ölkəmizdə bütün sahələrdə islahatların aparılması ilə yanaşı, Milli Məclisin fəaliyyətinin daha da yaxşılaşdırılması istiqamətində də çox önəmli mexanizmlərin həyata keçirilməsidir. İkinci məqam onunla bağlıdır ki, vətəndaşların problemlərinin həlli üçün mexanizmlərin daha da gücləndirilməsi istiqamətində dövlət başçısı çox ciddi tapşırıqlar verdi. Prezident diqqətə çatdırdı ki, deputatlar seçicilərinin yanında olmalı, onların problemlərini dinləməli və həll etməlidirlər. Milli Məclisin üzvləri problemlərin həlli ilə bağlı icra qurumları ilə əlaqə yaratmalı, görüşlərdə birgə iştirak etməlidirlər. Bu baxımdan, yerlərdə insanları narahat edən problemlərin vaxtında həll olunması vacib məsələ kimi qarşıya qoyulur. Prezident vurğuladı ki, vətəndaşların problemlərinə həssas yanaşma mütləqdir və bu problemlər vaxtında həll olunmalıdır”.
Müxtəlif qurum rəhbərlərinin Milli Məclisin komitə iclaslarında iştirak edəcəklərini bildirən deputat qeyd edib ki, onların komitə iclaslarında iştirakı və deputatların qaldırdıqları məsələlərin onların iştirakı ilə müzakirə olunması çox yaxşı haldır. Bu, müzakirə olunan məsələlərin həllində müsbət rol oynayacaq.
Q.Paşayeva bildirib ki, Prezident nitqində hər zaman olduğu kimi, ölkəmizin bir nömrəli problemi olan Ermənistan-Azərbaycan Dağlıq Qarabağ münaqişəsi ilə bağlı da fikirlər səsləndirdi. Azərbaycan həqiqətlərinin bütün platformalarda daha geniş şəkildə dünyaya çatdırılması deputatların da üzərinə düşən ciddi məsuliyyətdir.
“Beləliklə, dövlət başçısının altıncı çağırış Milli Məclisin ilk iclasındakı nitqində qaldırdığı məsələlərin mərkəzində Azərbaycan vətəndaşı və onun rifahının təmin olunması, problemlərinin vaxtında öz həllini tapması məsələləri durur. Milli Məclisin yeni tərkibi dövlət başçısının tövsiyələrini əsas tutaraq bundan sonra daha məhsuldar fəaliyyət göstərəcək, ölkəmizdə həyata keçirilən islahatların dərinləşməsinə öz töhfəsini verəcək”, – deyə deputat fikirlərini tamamlayıb.




 
Bölməyə aid digər xəbərlər
06.04.2020
Amerikalı baş infeksiyaçı: Koronarivus mövsümi xarakter daşıya bilər
06.04.2020
“Tehranda koronavirusa yoluxma sayı artsa, vəziyyət nəzarətdən çıxacaq”
06.04.2020
“COVİD-19 pandemiyası nəticəsində qlobal səviyyədə məişət zorakılığı artıb“
05.04.2020
“Bizim ölkənin koronavirusla mübarizədə atdığı addımlar qonşu və yaxın ölkələrdə təkrarlanmaqdadır“
05.04.2020
“Tədbirlər planı həm məşğul, həm də işləməyən vətəndaşlarımızın sosial təminatına hesablanıb“

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11497

1 İtalyan mətbəxindən “Osso Bucco“-VİDEO
2 Türkiyədə azan vaxtı çəkilən bu video heyrətə gətirdi-VİDEO
3 “300 minə yaxın işçinin əməkhaqqısının 50 faizə qədərinin dövlət tərəfindən dəstəklənməsi nəzərdə tutulur”
4 “Dövlət tərəfindən iqtisadiyyatın sabitləşməsi üçün bütün lazımi addımlar atılır”
5 İtaliyada koronavirusdan 5 nəfər ölüb, qalanları isə...


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info