Millət vəkili: “Ailənizin sağlamlığı naminə evdə qalın”
Tarix: 31.03.2020 | Saat: 15:45:00 | E-mail | Çapa göndər


Bu gün bəşəriyyət dərk edir ki, çox dəhşətli və bu gün üçün qarşısı alınmaz bir bəla ilə üzləşib. Koronavirusun ciddiliyini başa düşün, ailənizin sağlamlığı naminə evdə qalın.
Bunu Milli Məclisin deputatı İlham Məmmədov deyib.
İ.Məmmədov bildirib ki, bu bəlanın ölüm statistikası da öz sözünü deyir:
“Dünyanın ən inkişaf etmiş ölkələri belə bu virusun qarşısında aciz qalıb. Hətta dünyanın hegemon dövləti olan ABŞ-ın Prezidenti Donald Tramp bildirdi ki, "əgər bu prosesi 200 min insanın ölümü ilə başa vura bilsək, biz bu mübarizədən qalib çıxmış hesab olunuruq.
Artıq dünyanın inkişaf etmiş ölkələrində koronavirusa yoluxmuş insanların çeşidlənməsi aparılır. Yəni yaşlı və ağır vəziyyətdə olan insanlar xəstəxanaya qəbul olunmur və onları ölümlə üz-üzə buraxırlar. İnsanlar hətta öz yaxınları ilə vidalaşa bilmirlər. Ölkələrin bir çox sosial məsələlərdə imkanları tükənmək üzrədir.
Tibbi ən inkişaf etmiş ölkələr belə bu bəlanı qarşılayacaq gücdə deyil. Bu ağır durum səhlənkarlığın nəticəsində baş verib. İnsanların koronavirusu ciddiyə almaması və dövlətin qoyduğu qadağalara əməl etməməsi bu çətin vəziyyətin yaranmasına səbəb olub”.
Deputat vurğulayıb ki, koronavirusa qarşı mübarizədə yeganə metod, bu virusa yoluxmamaq üçün yeganə yol evdə qalmaq, izolyasiya olunmaqdır:
“Bütün dünya ölkələrinin rəhbərləri öz vətəndaşlarına bu müraciəti edirlər. İtaliyada həkimlər bu bəlaya düçar olmağın səbəbini insanların bu xəstəliyə laqeyd yanaşmasında görürlər. Ona görə də mən vətəndaşlara müraciət edirəm ki, bu məsələnin ciddiliyini nəzərə alsınlar. Bu infeksiya ciddi şəkildə yayılmağa başlayıb. Bəzi insanlar bu xəstəliyin ciddiliyini başa düşmək istəmir. Dövlət bütün resurslarını səfərbər edib ki, bu xəstəliyə qarşı effektiv mübarizə aparsın. Prezident İlham Əliyev dəfələrlə bununla bağlı xalqa müraciət edib. Gəlin, məsələyə ciddi yanaşaq. Dövlət lazımi tədbirləri görür, siz də buna dəstək olun, evinizdə oturun, virusa yoluxmanın qarşısını alın. Hələ bilmək olmur, bu virus nə qədər davam edəcək, nə qədər can alacaq".
Deputat qeyd edib ki, dünyanın inkişaf etmiş ölkələri belə bu virusun qarşısında aciz qalıblar:
"Siz də bu virusun ciddiliyini başa düşün, ailənizin, yaxınlarınızın sağlamlığı naminə evdə qalın, qoyulan qaydalara riayət edin. Artıq başqa yol yoxdur. Bu xəstəliklə ən effektiv mübarizə yolu, özünü və yaxınlarını qorumağın yeganə vasitəsi evdə qalmaqdır”.
Xatırladaq ki, koronavirus (COVID-19) infeksiyasının Azərbaycan ərazisində geniş yayılmasının qarşısının alınması üzrə dövlət tərəfindən həyata keçirilən tədbirlər çərçivəsində insanların fərdi evlərində və mənzillərində, daimi və ya müvəqqəti yaşadıqları (olduqları) yerlərdə qalmaları tələb olunur.
Qeyd olunanlarla əlaqədar insanların həyat və fəaliyyəti üçün zəruri olan iş və xidmət sahələrindən başqa digər istiqamətlər üzrə fəaliyyət 2020-ci il 31 mart saat 00:00-dan 2020-ci il 20 aprel saat 00:00-dək dayandırılır.
Fərdi evlərdən və mənzillərdən insanların çıxışı - təxirəsalınmaz tibbi yardıma zərurət olduqda, həyat və sağlamlığa bilavasitə təhlükəli vəziyyət yarandıqda, fəaliyyətinə icazə verilən pərakəndə satış və əhaliyə xidmət göstərən obyektlərə getmək, məişət tullantılarının atılması hallarında, eləcə də xüsusi rejim dövründə fəaliyyət göstərən təşkilatlarda xidməti vəzifələrini icra etmək məqsədilə mümkündür.
İnsanların bir-biri ilə ünsiyyətini minimuma endirmək və bununla da infeksiyaya yoluxmanın sürətinin azaldılması məqsədilə bir sıra iş və xidmət sahələri üzrə fəaliyyət elan olunan müddətdə qadağan edilib.
Trend




 
Bölməyə aid digər xəbərlər
31.05.2020
Azərbaycana səfər edən Türkiyə vətəndaşlarından 90 günədək viza tələb olunmayacaq
31.05.2020
Müdafiə Nazirliyi: Silah gücü düşmənlə danışılacaq yeganə dildir
31.05.2020
Dünyada sosial şəbəkələrlə bağlı real vəziyyət Trampın qərarının tam əsaslı olduğunu göstərir
31.05.2020
ABŞ Konqresmenləri Azərbaycanın Respublika Günü münasibətilə bəyanat veriblər
31.05.2020
Niderland və Azərbaycan bərpa olunan enerji sahəsində əməkdaşlıq imkanlarını tədqiq edir

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 Leyla Abdullayeva: Ermənistan beynəlxalq ictimaiyyətin diqqətini qanunsuz işğal və dinc əhalinin üzləşdiyi etnik təmizləmə faktlarından yayındırmağa çalışır
2 Prezident İlham Əliyev və birinci xanım Mehriban Əliyeva Şamaxıda Pirsaat Baba ziyarətgahında olubla
3 Qasımbəy yeməyi -VIDEO
4 “Azərbaycanda daxili turizmin 2025-ci ilə qədər inkişaf perspektivləri”
5 Azərbaycan filminə ABŞ-dan sponsorluq təklifi gəldi -VIDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info