“Nikolun rəhbərlik etdiyi qrup hakimiyyətdə qalacağı təqdirdə, ölkədə vəziyyət daha da pisləşəcək”
Tarix: 05.05.2020 | Saat: 17:53:00 | E-mail | Çapa göndər


“Artıq 2 ay ərzində ölkədəki bir çox obyektlər bağlanıb. Ölkədəki işsizlərin sayında təsəvvüredilməz səviyyədə artım var”

“Bu gün Ermənistan ölüm və infeksiya statistikasında Cənubi Qafqaz ölkələri arasında lider olmaqda davam edir”. Ermənilərin «Qolos Armenii» saytı bu fikirlərə diqqət çəkərək Nikol Paşinyanın Ermənistanda koronavirusun lokallaşdırılması ilə bağlı səsləndirdiyi bayağı fikirlərə münasibət bildirib.
Sayta görə, bu gün baş nazir də daxil olmaqla, hakimiyyətdə olan Levon Ter-Petrosyanın tələbələri onun vəsiyyətinə əməl edərək dövlət maşınını məhv etməyə davam edirlər. Məsələnin məğzində dayanan əsas məsələ bundan ibarətdir ki, hazırda ölkədə koronavirusun yayılmasını lokallaşdıra bilməyən hökumət, nə qədər çalışsa da ölkəni gözləyən iqtisadi tənəzzülündən də qaça bilməyəcək. Xatırladaq ki, bir müddət əvvəl erməni hakimiyyəti ölkədə ehtiyacı olan ailələrə «Lusavor Hayastan» fraksiyasının təklifi ilə 100 min dram verməkdən iimtina etdikdən sonra, baş nazirin reytinqi demək olar ki, sıfıra enib. Təbii ki, bunu anlayan Paşinyan bir neçə təşəbbüsü, o cümlədən uğursuz «kommunal həmrəyliyi» də effekt vermədi. Reallıq budur ki, bu gün Ermənistanda koronavirusa yoluxanların sayının artmaqda davam etməsinə baxmayaraq, hökumət indi də ölkədə iqtisadi karantin tətbiq edir.

“Qolos Armenii”: “Ölkədə koronavirusun yayılmasını lokallaşdıra bilməyən hökumət, nə qədər çalışsa da ölkəni gözləyən iqtisadi tənəzzülündən də qaça bilməyəcək”


Doğrudan da, saytın erməni rəhbərliynə ünvanladığı sualda da müəyyən məntiq var: “Bu gün Ermənistanda vəziyyət pisləşməyə doğru gedirsə, bu halda ölkədə karantin rejimini ləğv etməyə nə ehtiyac vardı? Axı, bu gün qonşu ölkələrdə koronavirusa yoluxma halları azalmağa doğru getdiyi halda, Ermənistanda bunun təm əksi müşahidə edilməkdədir”. Maraqlıdır ki, Ermənistanda mayın 4-dən etibarən hakimiyyət mərkəzləşdirmə mərhələsini elan edərək, vəziyyətə görə bütün məsuliyyətdən imtina edib. Sayt məhz hakimiyyətin bu addımına diqqət çəkərək yazır ki, Nikolun rəhbərlik etdiyi qrup hakimiyyətdə qalacağı təqdirdə, ölkədə epidemiya ilə bağlı vəziyytin daha da pisləşə biləcək. Ona görə də, yaranmış şəraitdə Paşinyanın istefası zamanın zərurəti kimi dəyərləndirilir. Çünki, artıq itirilən etimad qarşılıqlıdır. Sayta görə, bu gün Ermənistanda iqtisadi karantinin ləğvi iqtisadi və sosial vəziyyətin yaxşılaşdırılmasına zəmanət deyil. Artıq 2 ay ərzində ölkədəki bir çox obyektlər bağlanıb. Ölkədəki işsizlərin sayında təsəvvüredilməz səviyyədə artım var. Paşinyan isə özünü qorumaq, xalqın diqqətini aktual problemlərdən yayındırmaq üçün yeni variantlar axtarışındadır. Belə ki, o, yüksək səviyyəli kadr dəyişikliyinə müraciət etmək qərarına gəlib və artıq baş nazirin müavini Tiqran Avinyanın istefası barədə şayələr dolaşmaqdadır.
Ağasəf Babayev




 
Bölməyə aid digər xəbərlər
29.06.2020
“Azərbaycanın olmadığı yerdə Türkiyə, Türkiyənin də olmadığı yerdə Azərbaycan var” - bu bizlərin şüarıdır…”
22.06.2020
“Keşişlər kilsəni erməni quldur dəstələrini silahlandıran cəbbəxanaya çevirmişdilər”
11.06.2020
“ Tibb sənayesinin inkişafı artıq milli təhlükəsizliyin bir atributuna çevrilməkdədir”
02.06.2020
“Tez bir zamanda mükəmməl təhsil sisteminə malik dövlətlərdən biri olacağıq”
01.06.2020
Uşaqların layiqli vətəndaş kimi formalaşması prioritet istiqamətdir Azərbaycanda uşaq hüquqlarının müdafiəsi: inkişaf və perspektivlər

Şərh əlavə olunmayıb

    ,    
Tural RASİMOĞLU
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11548

1 “Türkiyədə sənədsiz yaşayan soydaşlarımızın yanında olmağa çalışmışam”
2 312 nəfər əcnəbi “Azərbaycan turizmi üzrə ekspert” statusunu qazanıb
3 Tanınmış həkim COVID-19-dan tez sağalmağın yolunu göstərdi: Çoxlu qarpız yeyin...
4 Nə edək ki, koronadan yaxa qurtaraq?
5 Ənvər Məmmədxanlı yaradıcılığı beynəlxalq virtual aləmdə


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info