“Bu simptomları keçirmiş bütün uşaqlar yenidən yoxlanmalıdır”
Tarix: 15.05.2020 | Saat: 14:03:00 | E-mail | Çapa göndər


Köln Universiteti Klinikasının azərbaycanlı tibb elmləri doktoru


“Uşaqlar arasında pandemik vəziyyətin olmaması və ya onların bu virusu yüngül keçirtməsi hələ COVID-19 virusu pandemiya mərhələsinə keçmədən öncə inanılan deyildi. Bunu artıq son elmi tədqiqatlar da göstərməkdə davam edir və hətta o tədqiqatlar uşaqlarda simptomların böyüklərdən də tamamən fərqli keçirtməsini sübut edib”.

Bunu APA-ya açıqlamasında Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının tibb elmləri doktoru Nuran Abdullayev deyib.
Onun sözlərinə görə, belə elmi tədqiqatlardan biri də İtaliyada aparılıb: “Bu tədqiqat nəticəsində aydın olub ki, uşaqların bəziləri bu virusu sadə qrip və soyuqdəymə simptomları ilə keçirsə də, müəyyən qismində ürək xəstəliklərində olan simptomlar, ürək ritminin pozulması, ürək əzələsinin zədələnməsi, bundan başqa təzyiqin kəskin düşməsinə rast gəlinən toksik şok sindromu, yüksək hərarət, dəridə və büküşlərdə olan səpgilər, eləcə də qızartılar, ağızın və dodaqların selikli qişasında dəyişikliklər, gözlərdə iltihab, əl və ayaq barmaqlarının dərisinin soyulması və kiçik damar patologiyaları müşayiət edilib. Bütün bunlardan ən önəmlisi isə xəstəliyin gedişinin bu simptomları özündə əks etdirən bildiyimiz klassik “Kawasaki“ sindromundan çox fərqli və bəzi hallarda ağır olmasıdır”.

N. Abdullayev bildirib ki, tədqiqat zamanı bu xəstələrin müəyyən qismi aktiv COVID-19 virus daşıyıcısı olsalar da, müəyyən qismində artıq virusu keçirdiklərinə dair anticism tapılıb: “Bu da o deməkdir ki, uşaqlar bu simptomları mütləq olaraq kəskin fazada deyil, müəyyən zaman keçdikdən sonra orqanizmin virusa qarşı iltihabi reaksiyası kimi biruzə veriblər”.

O qeyd edib ki, bu günə qədər bu istiqamətdə olan bütün elmi tədqiqatların Azərbaycan üçün də xüsusi önəmi var: “Belə ki, bu günə qədər belə simptomlar keçirmiş bütün uşaqlar və onların ailələri yoxlanmalıdır və COVID-19-a yoluxmaları təsdiq olunarsa, pandemiyanın Azərbaycanda yayılması məsələsinə və hansı mərhələdə olmasına daha da aydınlıq gəlmiş olacaq. Bundan başqa isə bu uşaqların həyatı vacib orqanları, xüsusən də ürək və ürəyi qidalandıran damarları ciddi müayinə olunmalıdır, çünki orada baş verə biləcək qalıcı dəyişikliklər gələcəkdə ciddi problemlər yarada bilər”.




 
Bölməyə aid digər xəbərlər
01.06.2020
“Gənc nəslin düzgün yetişdirilməsi dövlət siyasətinin prioritet istiqamətlərindən biridir”
30.05.2020
“Maskaya görə cərimənin tətbiqinin tərəfdarı deyiləm“
30.05.2020
Ordumuz torpaqlarımızı düşmən tapdağından azad etməyə tam hazırdır
30.05.2020
Azərbaycanda məcburi köçkünlərlə iş ardıcıl və planlı sürətdə həyata keçirilir
29.05.2020
Dağlıq Qarabağ münaqişəsi üzrə danışıqlarda mərhələli həll planı hazırda alternativsiz variantdır

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 Leyla Abdullayeva: Ermənistan beynəlxalq ictimaiyyətin diqqətini qanunsuz işğal və dinc əhalinin üzləşdiyi etnik təmizləmə faktlarından yayındırmağa çalışır
2 Qasımbəy yeməyi -VIDEO
3 “Azərbaycanda daxili turizmin 2025-ci ilə qədər inkişaf perspektivləri”
4 Azərbaycan filminə ABŞ-dan sponsorluq təklifi gəldi -VIDEO
5 Yaponiya turistlərə gündəlik 185 dollar verəcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info