“Mən həmişə fəxr etmişəm ki, Sizin kimi Prezidenti olan ölkənin vətəndaşıyam“
Tarix: 30.05.2020 | Saat: 19:29:00 | E-mail | Çapa göndər


Prezidentə yazırlar


Azərbaycan Prezidenti İlham Əliyevə vətəndaşlardan təşəkkür məktubları gəlməyə davam edir.
Palitranews.az məktublardan bir neçəsini təqdim edir:


“Möhtərəm Prezident, cənab Ali Baş komandan.
Dünyanı cənginə alan pandemiya ilə mübarizədə həmişə olduğu kimi atdığınız düzgün addımlar, səmərəli tədbirlər nəticəsində vətəndaşlarımızın bu təhlükəli virusa yoluxma riskini minimuma endirə bilmisiniz.
Müxtəlif xəstəlikləri və əlillik dərəcələri olan Qarabağ qaziləri üçün koronavirus böyük təhlükəlidir. Belə bir çətin dövrdə vətəndaşlarımızın bu pandemiyadan xilas olunması uğrunda mübarizəniz Sizin vətənpərvərliyinizi, cəsur sərkərdəliyinizi bir daha sübut etdi.
Mən bütün xalqım adından, Qarabağ qaziləri adından Sizə və Azərbaycanın Birinci vitse-prezidenti Mehriban xanım Əliyevaya dərin minnətdarlığımı bildirirəm. Fürsətdən istifadə edərək, həmçinin Sizi və ailə üzvlərinizi müqəddəs Ramazan bayramı və Respublika Günü münasibətilə təbrik edirəm.
Allah Sizi qorusun!

Hörmətlə,
Zeynalov Əfqan Behbud oğlu,
məcburi köçkün, II qrup Qarabağ müharibəsi əlili.
Kəlbəcər rayonu”.




“Hörmətli cənab Prezident.
Sizə müraciət etməyimin əsas məqsədi səmimi minnətdarlığımı bildirməkdir. Mən çox şadam ki, ümummilli liderimiz Heydər Əliyevin banisi olduğu tərəqqi strategiyası ilə Azərbaycanımız uğurla irəliləyir, gündən-günə inkişaf edir, çiçəklənir. Bir zamanlar Ümummilli Liderimiz tərəfindən Azərbaycanımız vətəndaş müharibəsindən, parçalanmadan və tənəzzüldən xilas edildiyi kimi, bu gün də Sizin apardığınız siyasət nəticəsində Azərbaycan xalqı gözə görünməyən düşməndən - COVID-19 pandemiyası bəlasından xilas olunmaqdadır. Qəbul etdiyiniz qərarlar nəticəsində Azərbaycanımız böyük dövlətlərlə müqayisədə bu bəladan ən az zərər çəkən ölkələrdən biridir. Xalqımızın sağlamlığının qorunması sahəsində qəbul etdiyiniz qərarlar ulu öndər Heydər Əliyev strategiyasının düzgünlüyünü növbəti dəfə sübut etmişdir.
Cənab Prezident, bütün bunlar üçün bir daha Sizə minnətdarlığımı bildirirəm. Var olun!

Dərin hörmətlə,

Hüseynov Səfər Məmməd oğlu
Naxçıvan Muxtar Respublikası, Şərur rayonu, Oğlanqala kəndi”.



“Hörmətli cənab Prezident.
Siz pandemiya dövrünə baxmayaraq ölkədə yeni iş yerləri yaratdınız. Mən neçə illər idi ki, işsiz idim. Xəstə anamın himayəsində qalırdım. Sizə böyük təşəkkür edirəm ki, mənim kimi işsizlər işlə təmin olunduq. Uca Allahdan Sizə uzun ömür, cansağlığı arzu edirik.
Mən həmişə fəxr etmişəm ki, Sizin kimi Prezidenti olan ölkənin vətəndaşıyam. Siz Azərbaycan Respublikasına rəhbərlik etdiyiniz dövrdən bu günə kimi ölkədə güclü iqtisadiyyat yaratdınız. Siz həmişə hər bir vətəndaşın yanında olmusunuz. Bu günlərdə harınlamış məmurlara qarşı apardığınız mübarizə aztəminatlı təbəqəni çox sevindirir. Bizə bu sevinci yaşadan Sizin qüdrətinizdir.
Allah-Təala Sizi heç vaxt bizim xalqın, millətin başı üzərindən əskik etməsin. Sizə anamın adından da böyük təşəkkürmüzü bildirirəm.

Hörmətlə,

Qədirova Nuriyyə Məhərrəm qızı
Neftçala şəhəri”.



“Hörmətli cənab Prezident.
Mən Sizin fəaliyyətinizi izlədikcə qürur hissi ilə ümummilli lider Heydər Əliyevin kəlamını təkrarlayıram: “Mən fəxr edirəm ki, Azərbaycanlıyam”.
Bu qürur hissini bizə yaşatdığınıza görə çox sağ olun. Bu torpaqda, Azərbaycanda dünyaya gəldiyimə, Sizin kimi rəhbərim olduğuna görə şanslı insanam.
Yürütdüyünüz siyasətə, Azərbaycanımızın inkişafı, insanlarımızın sağlamlığının qorunması naminə atdığınız addımlara görə Sizə təşəkkür edirəm.
Mənim 2 övladım var. Mən və ailə üzvlərin hər an dövlətin keşiyində durmağa hazırıq. Sizin uzaqgörən siyasətiniz sayəsində ölkəmiz əmin-amanlıq şəraitində yaşayır.
Sizi çox sevir və dəstəkləyirik. İnanırıq ki, Sizin rəhbərliyiniz altında Azərbaycanımız daha da inkişaf edəcək. Sizə uzun ömür, cansağlığı arzulayırıq.
Biz Sizinlə fəxr edirik!
Hörmətlə,
Abasov Asim
Bakı şəhəri, Yasamal rayonu”.



“Möhtərəm cənab Prezident.
Vətənini, millətini sevən hər kəs dünya ölkələrinin iqtisadi cəhətdən böhran keçirdiyi bir vaxtda koronavirus pandemiyasının yarada biləcəyi təhlükənin qarşısının alınması ilə əlaqədar həyata keçirilən tədbirlərə, xalqa möhtəşəm dəstəyiniz və yardımınıza görə Sizə “Çox sağ ol!” deyir. Sizin təşkilatçılıq bacarığınız, hər zaman insan amilinə önəm verməyiniz xalqımız tərəfindən yüksək dəyərləndirilir. Sizin qətiyyətli və mütəşəkkil fəaliyyətiniz sayəsində bu gün ölkəmizin ən ucqar kəndlərində belə insanlara qayğı ilə yanaşılır. Vətəndaşların qarşılaşdıqları problemlərin həll edilməsi istiqamətində məqsədyönlü işlər həyata keçirilir. Bu gün uğurlu kadr islahatlarınız sayəsində insanlarla müvafiq icra hakimiyyəti orqanları arasında olan ünsiyyət problem aradan qaldırılıb. Hər kəs qarşılaşdığı çətinliklə bağlı müraciət edir. Problemlər öz həllini tapır. Vətəndaş onu dinləməyi bacaran, öz işinin məsuliyyətini dərk edən, vicdanlı məmurlarla qarşılaşır. Bu amil bizim dövlətimizə və onun gələcəyinə olan inamımızı daha da artırır. Qazax rayonu Xanlıqlar kəndi S.Vurğun küçəsinin sakinlərinin 50-60 ildir ki, qarşılaşdığı tullantı sularının axıdılması problemi də öz həllini tapmışdır.
Cənab Prezident, xalqımız üçün gördüyünüz işlərə görə Sizə kənd sakinləri adından dərin təşəkkürümüzü bildirir, uzun ömür, cansağlığı arzulayırıq.
Hörmətlə,
Əliyev Orxan Fazil oğlu
Qazax rayonu, Xanlıqlar kəndi”.



“Hörmətli cənab Prezident.
Sizin bütün addımlarınız, qərarlarınız bir daha göstərdi ki, koronavirus pandemiyası ilə üzləşdiyimiz dövrdə belə xalqımızın rifahının yaxşılaşdırılması istiqamətində gördüyünüz işlər dünya ölkələrinə nümunə oldu. Xalqımızın sağlamlığı və rifahı Sizin üçün birinci dərəcəli məsələdir. Mən də Sizin humanistliyinizdən bəhrələndim. Bu günlərdə məni tələbə olaraq dövlət təqaüdü, bacımı isə müəllim olaraq əməkhaqqı ilə təmin etdiniz. Bu, Sizin bir daha tələbələrə, gənclərə həm maddi, həm də mənəvi cəhətdən göstərdiyiniz qayğının bariz nümunəsidir.
Cənab Prezident, göstərdiyiniz diqqət və qayğıya görə Sizə dərin minnətdarlığımı bildirirəm. Ulu Tanrıdan Sizə möhkəm cansağlığı və ölkəmizin daha da inkişafı naminə güc-qüvvət arzulayıram.

Hörmətlə,
Bayramov Vüqar Habil oğlu
Suraxanı rayonu, Yeni Suraxanı qəsəbəsi”.



“Hörmətli cənab Prezident,

Mən, Hüseynli Günay Məsum qızı Sumqayıt şəhəri Təbiət elmləri təmayüllü gimnaziyanın 6a sinif şagirdiyəm. Bir Azərbaycan övladı olaraq xalqımızın rifahı naminə etdiyiniz təmənnasız yaxşılıqlardan məlumatlıyam və Sizə bu təşəkkür məktubunu yazmağı özümə borc bilirəm.

Siz qabaqlayıcı tədbir olaraq, biz şagirdlərin sağlamlığını düşünərək mart ayının əvvəlindən bütün ümumtəhsil müəssisələrinin fəaliyyətini dayandırdınız. Bu, biz vətəndaşların sağlamlığına verdiyiniz önəmin bariz nümunəsidir. Bizləri düşündüyünüz üçün Sizə dərin minnətdarlığımı bildirirəm. Biz də öz vəzifələrimizi dərk edərək "Evdə qal, təhsildən qalma" aksiyasına qoşulduq. Bizə yaratdığınız şəraitdən istifadə edərək "Dərs saatı" və müəllimlərimizin bizə onlayn keçdikləri dərslər vasitəsilə gələcəkdə dövlətimizin müxtəlif sahələrinin inkişafına töhfə vermək üçün səylə çalışırıq.
Bu koronavirus deyilən qara bulud bir çox böyük, güclü dövlətləri çox aciz vəziyyətə salmışdır. Bu ölkələrdə ölüm sayı artmış, pandemiya geniş ərazilərə yayılmışdır. Biz inanırıq ki, Sizin uzaqgörən siyasətiniz, qayğınız və üstün zəkanızla "Biz birlikdə güclüyük" şüarı altında birləşərək COVID-19 pandemiyasına qalib gələcəyik.
Allah Sizi və Azərbaycanımızı qorusun!
Hörmətlə,
Hüseynli Günay Məsum qızı
Abşeron rayonu, Saray qəsəbəsi”.



“Cənab Preziden
t, Sizi salamlayır və dünyanı cənginə alan koronavirus pandemiyasının yayılmasının qarşısının alınması məqsədilə öncədən görülən tədbirlərə görə dərin təşəkkürümü bildirirəm.
Bu çətin günlərdə xalqın yanında olmağınız, vaxtında və yerində görülmüş tədbirlər Sizin böyük liderliyinizin əyani sübutudur. Tez bir zamanda tibbi maska istehsalı müəssisəsinin işə salınması, "Yeni klinika" tibb müəssisəsinin pandemiyaya yoluxmuş xəstələrin müalicəsi üçün istifadəyə verilməsi dövlətimizin qüdrətindən və ona xalqına əvəzsiz bir sevgisi olan, hər sahədə dərin biliklərə malik bir liderin rəhbərlik etməsindən xəbər verir. Dünyanın super dövlətlərində belə böyük fəlakət və itkilərə səbəb olan bu amansız pandemiya dövründə vaxtında düşünülmüş və görülmüş tədbirlər nəticəsində respublikamızda həmin dəhşətlər yaşanmadı. Bu ağır zamanlarda Siz bir neçə cəbhədə mübarizə aparırdınız - həm COVID-19, həm xarici düşmənlər, həm daxildə olan xainlər və s. Cənab Prezident, Siz tək deyilsiniz, bizlər Sizinləyik, Sizin uğurlu siyasətin arxasındayıq, qüdrətli dövlətimizin yanındayıq! Biz birlikdə güclüyük!

Hörmətli,
Paşayev Mahir Mail oğlu
Ağcabədi rayonu”.



“Çox hörmətli Prezident.
Bu gün bəşəriyyət ağır sınaq qarşısındadır. Bütün Yer kürəsini bürümüş yeni növ koronovirus (COVID-19) infeksiyası ağır fəsadlar verməkdədir. Günü-gündən yoluxmanın və ölənlərin artması pandemiyanın miqyasını xarakterizə edir. Həm iqtisadi, həm də siyasi cəhətdən dünya nəhənglərinin qarşısında aciz qaldığı koronavirusla mübarizə doğma Azərbaycanımızda az itkilərlə, həm də mütəşəkkil qaydada həyata keçirilir. Sizin məsələyə vaxtında müdaxiləniz, yerində verilmiş qərarlar, görülən tədbirlər xalqı bu bəlaya qarşı səfərbər etməklə itkilərin miqyasını xeyli azaltdı. Məhz Rəhbərin, hakimiyyətin xalqla vəhdəti pandemiyaya mübarizə şəraitində özünü bir daha sübut etdi. Necə ki, vaxtilə ümummilli lider Heydər Əliyev xalqın səsinə səs verdi, dövlətçiliyi xilas etdi.
Təşəkkür edirik cənab Prezident. Çox sağ olun ki, hər zaman bizimləsiniz, hər zaman yanımızdasınız.

Hörmətlə,

Qurbanov Hakim Mirzə oğlu
Masallı rayonu”.



“Hörmətli cənab Prezident.
Azərbaycan xalqı, Azərbaycan gəncliyi Sizi dəstəkləyir. Bütün məsələlərdə, xüsusuən son dövrdə dünyanı bürüyən koronavirus pandemiyası ilə mübarizədə Azərbaycan xalqının yanında olduğunuza, xalqın sosial-iqtisadi rifahını yaxşılaşdıran çevik və operativ qərarlar qəbul etdiyinizə görə Sizə öz təşəkkürümüzü bildiririk.
Ulu Tanrı Sizi və ailənizi qorusun!

Hörmətlə,
Hüseynov Novruz Həsən oğlu
İmişli rayonu”.




 
Bölməyə aid digər xəbərlər
07.07.2020
Narınclar kəndinin nisbi mühasirəsi necə yarıldı?
07.07.2020
Azərbaycan Prezidenti: Biz son illər ərzində o qədər böyük iqtisadi-maliyyə potensialı yaratmışıq ki, istənilən böhranla bacara biləcəyik
06.07.2020
Azərbaycan Prezidenti: Seçim qarşısında olanda bizim seçimimiz birmənalı, tərəddüdsüz idi, insanların sağlamlığı ön plandadır, iqtisadiyyat ikinci plandadır
06.07.2020
Prezident: Ermənistan yenə də dilənə-dilənə, yalvara-yalvara, oradan-buradan hansısa yardım hesabına yaşamağa çalışır
06.07.2020
Azərbaycan Prezidenti: Hətta çətin bir dövrdə biz 30-dan çox ölkəyə yardım göstərmişik və düz etmişik

Şərh əlavə olunmayıb

    ,    
Tural RASİMOĞLU
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11547

1 Tural Gəncəliyev: “Dağlıq Qarabağ xalqı” deyə bir anlayış yoxdur, sadəcə Azərbaycanın Dağlıq Qarabağ bölgəsinin əhalisi anlayışı var
2 Azərbaycan Turizm Agentlikləri Assosiasiyası və AZAL ikitərəfli əməkdaşlığı genişləndirir
3 Dizayner Gülnarə Xəlilova “İpək sərvət” adlı kolleksiyasını təqdim edib
4 Turizm böhranı ilə əlaqədar dünya iqtisadiyyatının itkiləri hesablanıb
5 “Ermənistanda “oliqarx“ qruplar və ya klanlar arasında daxili çəkişmələrlə xarakterizə edilən sistem mövcuddur”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info