Azərbaycan BMT-nin təhsil proqramında təmsil olunub
Tarix: 11.07.2020 | Saat: 09:54:00 | E-mail | Çapa göndər


BMT-nin Cenevrə bölməsinin təşkilatçılığı ilə keçirilən 58-ci təhsil proqramında Azərbaycanı “Aşıq Şəmşir” Mədəniyyət Ocağı İctimai Birliyinin nümayəndəsi Fazil Qasımov təmsil edib.

AZƏRTAC xəbər verir ki, pandemiyaya görə ilk dəfə onlayn keçirilən təhsil proqramına 50 ölkədən 80 iştirakçı qatılıb. Magistr və doktorantlar üçün təşkil olunan təhsil proqramında iştirakçılara BMT-nin fəaliyyət mexanizmi, dayanıqlı inkişaf məqsədləri və qurumda karyera imkanları haqqında ətraflı məlumat verilib. “BMT-nin yaradılmasının 75-ci ildönümündə gələcəyimizi birlikdə quraq” mövzusunda keçirilən seminarlarda təşkilatın Cenevrə bölməsinin rəhbər şəxsləri, o cümlədən baş direktor Tatyana Valovaya və BMT Baş katibinin müşaviri Fabritso Hoçşild məruzələrlə çıxış ediblər.

İstanbul Universitetində iqtisadiyyat üzrə doktorantura təhsili alan Fazil Qasımov BMT rəsmilərinə Ermənistan-Azərbaycan Dağlıq Qarabağ münaqişəsinə dair 1993-cü ildə Təhlükəsizlik Şurası tərəfindən qəbul edilən BMT qətnamələrinin icrası və məcburi köçkünlərin evlərinə qayıdışı barədə suallar ünvanlayıb. İctimai birliyin nümayəndəsi təhsil proqramında iştirak edənlərə müraciətlə BMT-nin gələcək fəaliyyəti haqqında fikirlərini bu sözlərlə ifadə edib: “Mən bir çoxunuzun yalnız televiziya ekranlarında gördüyü şəraitdə, məcburi köçkün ailəsində böyümüşəm. Bütün təhsil pillələrimi təqaüdlə oxumuşam. Əks təqdirdə ali təhsil almağa imkanım yox idi. Hazırda iqtisadiyyat üzrə doktorantura təhsili alıram. Mənə təhsil almaq imkanı yaradanlara çox minnətdaram. Təəssüf ki, dünyada milyonlarla insan məcburi qaydada evlərindən didərgin salınıb və ağır şəraitdə yaşamağa məhkum edilib. Atamın ən böyük arzusu, evimizin dağıdıldığını bilməsinə rəğmən evimizə qayıtmaq idi. Təəssüf ki, atam evimizə qayıtmadan vəfat etdi. Mən bizə bu vəhşilikləri edənləri deyil, dünyada dinc insanların didərgin düşməsini, əzab çəkməsini və öldürülməsini dayandırmayanları günahlandırıram. Gözləntim budur ki, növbəti 25 ildə BMT bu cür insan faciələrinin bir daha baş verməməsi üçün mexanizmlər hazırlayar. Buna nail olmaq üçün BMT humanist liderliyi qlobal miqyasda təbliğ etməli və liderləri insan hüquqlarının pozulmasına görə məsuliyyətə cəlb etməlidir”.

Fazil Qasımov, həmçinin “Aşıq Şəmşir” Mədəniyyət Ocağının fəaliyyəti, qurumun UNESKO ilə əməkdaşlığı və inklüziv incəsənət təhsili sahəsində layihələri barədə iştirakçılara məlumat verib.

Beş gün davam edən proqramın sonunda iştirakçılardan BMT-nin 75 illiyinə dair esse yazılması tələb edilib və tapşırığı uğurla yerinə yetirənlərə sertifikatlar verilib.




 
Bölməyə aid digər xəbərlər
12.08.2020
Sabah 19 mindən çox abituriyent qəbul imtahanı verəcək
12.08.2020
Bakı Dövlət Universiteti 2020/2021-ci tədris ilində əlavə təhsil almaq üçün tələbə qəbulu elan edir
11.08.2020
Vyana Texnologiyalar Universiteti Bakıda ilk Magistr proqramına müsabiqə elan edib
11.08.2020
Azərbaycan Texniki Universitetində onlayn yay məktəbi davam edir
11.08.2020
“Regionlarda ailə dəyərlərinin təbliği və gənc ailələrə psixoloji yardımın göstərilməsi”

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 Dr. Səttar Yaqubov: Koronovirusla mübarizə aparan Mərkəzi Gömrük Hospitalının tibb personalının sağlamlığının qorunması bizim əsas vəzifə borcumuzdur
2 Gürcüstanın turizm gəlirləri 80 faiz azalacaq
3 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır
4 Turizm Agentliyi sahibkarlara müraciət edib
5 Azərbaycan mətbəxi: Naxçıvan bozpörtü -VİDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info