Onlayn dərslər uşaqların pisixologiyasında nələri dəyişəcək?
Tarix: 24.09.2020 | Saat: 10:55:00 | E-mail | Çapa göndər


Bugünkü pandemiyadan ən çox təsirlənən sahələrdən biri uşaqların sosiallaşması, onların düzgün fiziki və pedaqoji inkişafı ilə bağlıdır.
Bunu Trend-ə psixoloq Elnarə Baxışlı deyib.

Onun sözlərinə görə, qeyd olunan sahələr sağlam şəxsiyyətin formalaşması üçün zəruri şərt hesab olunur:
“Təbii ki, onlayn, virtual təhsil kimi hər bir yeniliyin həm müsbət, həm də mənfi təsirləri var. Çünki bu, könüllü seçim deyil, bunu etmək məcburiyyəti var. Onlayn təhsil əvvəlki illərdə də bəzi ölkələrdə olub. Məsələn, əlverişsiz şəraiti olan Avstraliyada bu tətbiq edilib, lakin orada bu, fərdi seçim əsasında olub”.

Onlayn təhsilin mənfi tərəfini qeyd edən psixoloq hesab edir ki, davamlı olaraq, telefon və kompüterlə keçən bir həyat tərzi uşaqların fiziki inkişafında problemlər yaradacaq. Evdə ailədaxili vəziyyətlə bağlı da narahatlıq varsa, bu, uşağa onlayn dərsdə oturmaqda çətinlik yaradacaq. Çoxuşaqlı imkansız ailələrin uşaqları da eyni vaxtda telefon və ya kompüterdə dərs keçə bilməyəcəklər. Digər tərəfdən, müəllimin eyni vaxtda onlayn olaraq bütün uşaqları izləmə imkanı olmaya bilər.
Psixoloq qeyd edib ki, internet problemləri dərsin axıcılılığını, emosional təsirini azaldacaq.

Belə mənfi nüansların hansı formada aradan qaldırılmasının mümkünlüyünə gəldikdə, E.Baxışlı qeyd edib ki, uşaqların psixoloqla əlaqəsi təmin edilməli, həftədə 1 dəfə uşaqlarla üz-üzə, canlı təmaslı dərslər qurulmalıdır. Bundan başqa, həftədə 1 dəfə açıq havada və ya geniş qapalı meydanda məsafə saxlamaq şərtilə idman dərsləri keçirilə bilər. Müəllimlərə gəldikdə, onlar üçün xüsusi onlayn təhsilin aparılmasına dair metodik kurslar keçməli və psixoloji konsultativ dəstək göstərilməli, pedaqoji bacarıqların virtual yollarla keçirilməsi ilə əlaqədar başqa ölkələrə məxsus təcrübələrin paylaşılması üçün xarici pedaqoji işçilərlə əməkdaşlıq etmək olar.

Onlayn təhsilin müsbət təsirlərindən danışan E.Baxışlı bildirib ki, onlayn təhsil sosial fobiyası olan uşaqlar üçün öz pedaqoji, intellektual bacarıqlarının göstərməsi baxımından daha səmərəli olacaq. Uşaqlar məktəbə getmək və gəlmək üçün vaxt itirməyəcəklər. Davamlı olaraq, ağır məktəb çantaları daşımayacaqlar. Ev şəraitində olduqlarından tənəffüslərdə “fast food” yeməkləri deyil, ev yeməkləri yeyərək daha sağlam qidalanacaqlar. Evdə daha gigiyenik şəraitdə olacaqlar. Valideynlər isə onlayn dərslərin hesabına evdə uşaqlarının dərsdəki fəaliyyətini izləmək imkanı əldə edirlər:

“O ki qaldı azyaşlı məktəblilərimizə, onların kompüter qarşısında davamlı otura bilməsi dərsin məzmun və tempinin təşkilindən asılıdır. Bu qrup üçün dərslər daha hərəkətli, emosional çalarlı, diqqəti müəllimdə saxlaya biləcək şəkildə olmalıdır. Əsas müraciətim isə valideynlərə olacaq. Yeni dərsə başlamış uşaqlar valideynlər üçün nümunə və özünüsübüt obyekti olmalı deyil. Ona görə də onlayn dərslər zamanı uşaqların səhv dediklərinə müdaxilə etmək, danlamaq, kiminləsə müqayisə etmək gərək deyil. Bu, onların sinif qarşısında özlərinə hörmət hissini aşağı salacaqdır”.




 
Bölməyə aid digər xəbərlər
31.10.2020
BDU-da Qarabağ ruhu
31.10.2020
BDU-nun birinci kurs tələbələrinin 15-i Prezident təqaüdçüsüdür
30.10.2020
İndiki vəziyyətdə ən düzgün yol distant təhsildir - Emin Əmrullayev
29.10.2020
Noyabrın 2-dən bütün təhsil müəssisələrində tədris distant formada təşkil olunacaq
29.10.2020
Təhsil Nazirliyi vətəndaşların qəbulunu dekabrın 1-dək dayandırıb

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11805

1 Burunda olan tükləri kəsmək olmaz...
2 Azərbaycan əsgərinə həsr edilən mahnı Türkiyədə təqdim olunub
3 Şimpanzelər və yaşlı insanlar özlərinə dostu eyni yolla seçirlər
4 Минская группа ОБСЕ должна прекратить помогать Армении в оккупации земли Азербайджана
5 Qubadlıda 5 mindən çox nadir muzey eksponatı talan edilib -Tarixçi


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info