Sergey Markov: “Paşinyan qorxur ki, onu güllələyəcəklər”
Tarix: 14.10.2020 | Saat: 17:52:00 | E-mail | Çapa göndər


ATƏT-in Minsk qrupunun həmsədrləri Rusiya, Azərbaycan və Ermənistan XİN başçılarının Moskva görüşünün yekunları üzrə bəyanatla çıxış ediblər. Lakin gözləntilərə baxmayaraq, mətndə Ermənistan qoşunlarının Azərbaycanın işğal olunmuş ərazilərindən çıxarılması cədvəlinə dair heç bir söz yoxdur. ATƏT-in Minsk qrupu humanitar atəşkəs rejiminə əməl etməklə bağlı zəruri tədbirlər görməyə çağırıb.

Həmsədrlərin danışıqlar yolu ilə həllə nail olmaq məqsədilə Dağlıq Qarabağda siyasi tənzimlənmə prosesinin əhəmiyyətli məsələləri üzrə tərəflərlə işlədiklərinə dair cümlə də yer alıb.

Rusiyanın tanınmış ictimai xadimi, politoloq, Siyasi Araşdırmalar İnstitutunun baş direktoru Sergey Markov “Media.Az”a verdiyi şərhdə bildirib ki, hazırda ATƏT-in Minsk qrupu həmsədrlərinin Dağlıq Qarabağlıq halları yoxdur və onların bəyanatı böyük ölçüdə Rusiya Prezidenti Vladimir Putin tərəfindən təşəbbüs göstərilib:

“Fransa və ABŞ Qarabağ probleminin həllində az köməklik göstərirlər, lakin Allaha şükür çox da mane olmurlar. Vasitəçi böyük rol oynayan Rusiya ola bilər”.

– Humanitar məqsədlə atəşkəs haqqında razılaşmalara baxmayaraq, atəş səsləri eşidilir…

– Burada qeyri-sabit tarazlıq var, bunu belə adlandırardım. Aydındır ki, hərbi üstünlük Azərbaycanın tərəfindədir. Ermənistanda isə öz əks-hücumlarına inanırlar. Ona görə hazırda vəziyyət məhz döyüş meydanında müəyyən edilir. Siyasi intriqa da var. Başa düşdüyümüz qədərilə Ermənistanın baş naziri Nikol Paşinyan Azərbaycanın təkid etdiyi üzrə Ermənistan silahlı qüvvələrinin ən qısa müddətə çıxarılması və Qarabağ ətrafındakı rayonların təhvil verilməsinə başlamağa dair razılaşmaları imzalamağa meyillənir. Bütün bunlar “Madrid prinsiplərinin” və “Kazan formulasının” əsasında yer alır. Lakin Paşinyan qorxur ki, belə olan halda onu devirəcəklər və ya hətta güllələyəcəklər. Ona Rusiyadan müdafiə təminatları lazımdır. Amma onu qorumaq Rusiyanın nəyinə lazımdır? Nikol Paşinyan Qərbyönümlü, Amerikayönümlü, Rusiyanın düşməni hesab edilir. Odur ki, onu devirsələr, deməli elə də olmalıdır. İndi Moskva və Paşinyan arasında hansısa qapalı danışıqlar baş verə bilər. Bir daha təkrar edirəm: Paşinyan təminatlar istəyir, Moskva ona bunları verməyə hazır deyil. Buna görə də döyüş meydanı kimin qalib gələcəyini bütünlüklə təsdiq etməlidir.

– Axı bir daha qeyd edim ki, formal atəşkəs bağlanıb…

– O, humanitar xarakter daşıyır və sizin doğru olaraq dediyiniz kimi daha çox formaldır. Tərəflər ondan dincəlmək, yenidən qruplaşmaq üçün istifadə edirlər.

– Bəs Türkiyənin rolu barədə nə deyə bilərsiniz? Ermənistanın XİN başçısı onu mənfi adlandırır, Rusiyanın Xarici İşlər naziri isə Ankara ilə məsləhətləşmələrdən və onun Moskva razılaşmalarına dəstək verməsindən danışır.

– Mənə elə gəlir ki, Türkiyənin rolu Azərbaycanın mövqeyini gücləndirməkdən ibarətdir. Və daha bir mühüm məqam Ankara və boru kəmərləridir (Azərbaycandan Gürcüstana və Türkiyəyə gedən – red.). Ermənistan hazırda neft və qaz kəmərlərinə zərbələr endirmir, çünki Türkiyənin reaksiyasından qorxur.




 
Bölməyə aid digər xəbərlər
27.10.2020
Hikmət Hacıyev “Al Jazeera” kanalına müsahibə verib-VİDEO
22.10.2020
Birinci vitse-prezident Mehriban Əliyeva: Bu gün Prezident İlham Əliyev başda olmaqla Azərbaycan xalqı yeni tarix yazır
14.10.2020
Aleksey Fenenko: “Paşinyan KTMT-yə ehtiyac duymadığını və dostlarının Qərbdə olduğunu söyləyirdi”
09.10.2020
Prezident İlham Əliyevin “CNN International” televiziya kanalının “Connect the World” verilişində müsahibəsi yayımlanıb
09.10.2020
“Ayrı-ayrı bölgələrdə fəal sakinləri ekoturizmin internetdə təbliğinə cəlb etmək lazımdır”

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11799

1 Карен Шахназаров о Карабахе: надо признать, что это бесспорные территории Азербайджана
2 Qripə qarşı vaksinasiya COVİD-ə yoluxmanın azalmasına təsir göstərməyəcək - TƏBİB
3 Məktəb direktoru olmaq üçün 2256 namizəd imtahan verəcək
4 Türkiyəli müğənni “Qarabağ türküsü” səsləndirib
5 Dağlıq Qarabağda sülhün təmin olunmasının əsas yolu Azərbaycanın ərazi bütövlüyünün bərpasıdır - “The Telegraph”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info