ADA Universiteti magistr proqramlarına sənəd qəbulu elan edir
Tarix: 20.11.2020 | Saat: 00:23:00 | E-mail | Çapa göndər


ADA Universiteti 2021-2022-ci tədris ili üçün magistr proqramlarına sənəd qəbulu elan edir.

Bu barədə AZƏRTAC-a ADA Universitetindən məlumat verilib. Bildirilib ki, ikiillik magistr proqramlarında tədris yerli və xarici müəllimlər tərəfindən ingilis dilində aparılır. Dərslər axşam saatları və həftəsonu keçirildiyindən işləyən namizədlər üçün də ali təhsillərini davam etdirmək imkanı yaradır.

Magistratura proqramlarının siyahısı aşağıdakıdır:

· Diplomatiya və beynəlxalq münasibətlər

· Dövlət idarəetməsi

· Təhsil üzrə menecment

· Təlim və tədrisin təşkili və metodikası

· Biznesin idarə edilməsi (MBA)

· Maliyyə üzrə MBA (Rusiyanın MQİMO Universiteti ilə birgə)

· Kompüter elmləri və Data analitikası (ABŞ-ın Corc Vaşinqton Universiteti ilə birgə)

Bu tədris ilində də ADA Universiteti ikili diplom proqramları təklif edir. Belə ki, ADA Universitetinin Moskva Dövlət Beynəlxalq Münasibətlər İnstitutu (MQİMO) ilə birgə Maliyyə üzrə MBA proqramı minimum 3 il iş təcrübəsinə malik namizədlər üçün nəzərdə tutulub. Proqramda təhsil alan tələbələr 2 dəfə Moskvada modul dərslərdə iştirak edərək maliyyə sahəsində fəaliyyət göstərən şirkət rəhbərləri və peşəkarlarla görüşmək imkanı qazanırlar. Proqram xərclərinin 50 faizi dövlət tərəfindən maliyyələşdirilir.

ADA Universiteti və Corc Vaşinqton Universiteti tərəfindən təklif olunan Kompüter elmləri və Data analitikası üzrə yeni magistr proqramı isə "2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı" çərçivəsində həyata keçirilir və BP və tərəfdaşları tərəfindən maliyyələşdirilir.

Tədris yay semestri də daxil olmaqla, beş semestr ərzində aparılır. Bu semestrlərdən üçü Bakıda, iki semestr isə Corc Vaşinqton Universitetində keçirilir. Proqramın məzunları ADA və Corc Vaşinqton universitetlərindən magistr dərəcəsi əldə edirlər. Tələbələrin hər iki universitetdə təhsil haqqı, Vaşinqtona səfəri və oradakı yaşayış xərcləri Dövlət Proqramı və BP və tərəfdaşları tərəfindən ödənilir.

Bundan əlavə, keçən il uğurla təsis olunmuş yeni magistr proqramı təlim və tədrisin təşkili və metodikasına da bu il qəbul aparılacaq.

Tələbələr ADA Universitetinin təsis etdiyi Tədqiqat Təqaüdündən də faydalanaraq ödənişsiz magistratura təhsili ala bilərlər.

ADA-nın magistr proqramlarına sənədlərin qəbulu Azərbaycan vətəndaşları üçün 2021-ci il aprelin 1-i, xarici vətəndaşlar üçün isə iyulun 15-dək davam edəcək.

ADA Universitetində magistr təhsili almaq istəyən Azərbaycan vətəndaşları Dövlət İmtahan Mərkəzinin magistraturaya qəbul imtahanında iştirak etməli və ingilis dili bilikləri üzrə müvafiq sertifikat (“IELTS” və ya “TOEFL” və ya “Duolingo”) təqdim etməlidirlər. İlkin mərhələdən uğurla keçən namizədlər individual müsahibəyə dəvət olunurlar.

Proqramlar barədə ətraflı məlumat almaq istəyən namizədlər ADA Universitetinin veb-səhifəsinə daxil ola (ada.edu.az), əlavə suallarla isə admissions@ada.edu.az ünvanına və ya 994502569906 nömrəsinə müraciət edə bilərlər.

Magistraturaya qəbul üzrə ilk onlayn məlumat sessiyası noyabrın 27-də keçiriləcək. Məlumat sessiyasında iştirak etmək istəyən namizədlərdən events@ada.edu.az elektron ünvanına yazmaları xahiş olunur.




 
Bölməyə aid digər xəbərlər
05.12.2020
Məişət zorakılığına qarşı mübarizə sahəsində ixtisaslı kadrlar hazırlanacaq
05.12.2020
Belçikada magistratura səviyyəsi üzrə təhsil almaq imkanı
04.12.2020
Bakı Dövlət Universitetində ehtiyacı olan tələbələr pulsuz internet paketi ilə təmin ediləcək
03.12.2020
Təhsil Nazirliyi tələbələrə müraciət edib
02.12.2020
Azərbaycanda dərsliklər Sinqapur modeli əsasında hazırlanacaq

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 12130

1 Dağlıq Qarabağ və ətraf regionların bərpa olunan enerji resurslarından səmərəli istifadə qarşıda duran əsas prioritetdir - Pərviz Şahbazov
2 Azan sədasında quşların möhtəşəm rəqsi - VİDEO
3 Distant təhsilin müddəti uzadıldı - QƏRAR
4 Laçını ziyarət etmək üçün səbirsizlənirəm...- Sami Yusuf
5 Turizm Təlim və Sertifikasiya Mərkəzi 2021-ci il üçün təlim proqramını elan edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info