ABŞ-ın İndiana Universitetində Azərbaycanla bağlı tədbir və sərgi keçirilib
Tarix: 22.11.2013 | Saat: 17:21:00 | E-mail | Çapa göndər


Azərbaycanın ABŞ-dakı səfiri Elin Süleymanov İndiana ştatına səfəri çərçivəsində Bluminqton şəhərində yerləşən İndiana Universitetində geniş auditoriya qarşısında çıxış edib.
E.Süleymanov Azərbaycanın dövlətçilik ənənələrindən bəhs edərək Azərbaycan Xalq Cümhuriyyətinin fəaliyyətindən, Şərqdə ilk parlamentli respublikanın ölkəmizdə yaradılmasından, qadınlara səsvermə hüququnun verilməsindən danışıb. Müstəqilliyini bərpa etdikdən keçən 22 il ərzində Azərbaycanın beynəlxalq arenada nüfuzunun getdikcə daha da artdığını bildirən səfir ölkəmizin BMT Təhlükəsizlik Şurasına qeyri-daimi üzv seçilməsinin buna bariz nümunə olduğunu qeyd edib.
Azərbaycanın dövlət müstəqilliyinin bərpasından sonra enerji sektorunda köklü dəyişikliklərin baş verdiyini və enerji diplomatiyasının ilkin rüşeymlərinin formalaşdığını bildirən səfir bu xüsusda 1994-cu ildə imzalanmış “Əsrin müqaviləsi” barədə məlumat verib. O, ABŞ hökumətinin regionla bağlı ən uğurlu layihəsi olan bu müqavilənin dövrün reallıqları fonunda ümummilli lider Heydər Əliyevin uzaqgörən strateji baxışının nəticəsi olduğunu bildirib. Həmin müqavilə ilə Xəzər dənizinin Qərbə açıldığını bildirən səfir Azərbaycanın enerji diplomatiyasının əsasında enerji resurslarının nəqli yollarının şaxələndirilməsinin mühüm amil olduğunu deyib. Diplomat Azərbaycanın hazırkı uğurlu iqtisadi inkişafının təsadüfi deyil, ölkə rəhbərliyinin düzgün strategiyasının göstəricisi olduğunu əlavə edib. Hazırda dünya enerji bazarında təbii qazın nəqlinin daha aktual olduğunu qeyd edən səfir bu xüsusda gündəmdə olan layihələrə toxunub, xüsusilə “Cənub” qaz dəhlizi layihəsi barədə məlumat verib və bu layihələrin regional inteqrasiyaya öz töhfəsini verəcəyinə ümidvar olduğunu qeyd edibr. Ümumilikdə reallaşdırılan layihələrin Azərbaycanla yanaşı, Türkiyəni də vacib tranzit dövlətinə çevirdiyini, Gürcüstanın isə sosial iqtisadi rifahında mühüm rol oynadığını qeyd edən səfir ölkəmizin Avropanın enerji təhlükəsizliyinin təminində önəmli rol oynamasından bəhs edib.
E.Süleymanov Ermənistan-Azərbaycan, Dağlıq Qarabağ münaqişəsi barədə məlumat verərək ABŞ-ın da həmsədrlərindən biri olduğu Minsk qrupunun vasitəçilik səyləri çərçivəsində problemin ədalətli həllini tapmasının Azərbaycan və erməni xalqlarının ümumi rifahına xidmət edəcəyini və regionun daha da inkişafı üçün yeni perspektivlər açacağını deyib. Hərtərəfli regional inteqrasiyaya mane olan əsas amilin Dağlıq Qarabağ münaqişəsi olduğunu bildirən səfir bu problemin ən qısa zamanda həllinin bütün region dövlətləri üçün çox faydalı olacağını bildirmiş və Ermənistan hakimiyyətinin tezliklə qeyri-konstruktiv mövqeyindən əl çəkib erməni xalqının rifahına və ümumilikdə regionun parlaq gələcəyinə hesablanmış addım atacağına ümidvar olduğunu deyib.
Tədbirdən sonra təşkil olunmuş ziyafətdə “Molla Nəsrəddin” jurnalının müxtəlif buraxılışlarından ibarət sərgi nümayiş etdirilib.
Səfər çərçivəsində səfir E.Süleymanov İndiana Universitetinin rəhbərliyi, həmçinin rektoru Maykl Makrobi ilə görüşüb və potensial əməkdaşlıq sahələrinə dair geniş müzakirələr aparılıb.
1820-ci ildə yaradılmış İndiana Universiteti ABŞ-ın ən nüfuzlu ali təhsil ocaqlarından biridir. Universitetdə türk dünyası ölkələri üzrə mərkəz yaradılmışdır və burada müxtəlif türkdilli xalqların adət-ənənələri, tarixi, mədəniyyəti, eləcə də dili öyrədilir.




 
Bölməyə aid digər xəbərlər
18.10.2019
Avropadakı diaspor təşkilatları Vətənimizə qarşı təxribatçı çağırışlara etiraz edir
18.10.2019
Heydər Əliyev Fondu ilə UNİSEF arasında Anlaşma Memorandumu imzalanıb
18.10.2019
Avropada icazəsiz aksiya təşkilatçılarını və iştirakçılarını pul cəriməsi və həbs gözləyir
18.10.2019
Yenilənmiş Azərbaycana yeni müxalifət lazımdır: radikal və dağıdıcı müxalifətdən qurtuluşun zamanı yetişib
18.10.2019
Minsk Qrupu ermənilərə təsir etməlidir ki, qanunsuz, cinayətkar fəaliyyətlərinə son qoysunlar

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10921

1 Prezident: Gələn ilin büdcəsi həm sosial, həm investisiya yönümlü olmalıdır
2 Vasim Məmmədəliyev vəfat edib
3 “Xoşbəxtlikdən, Azərbaycanın qolu sayılmadı“
4 “Zəngəzurun Ermənistana birləşdirilməsi böyük Türk Dünyasını parçaladı”
5 70 saylı Masallı şəhər və 71 saylı Masallı kənd seçki dairələrində seminarlar keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info