Məhkəmə aparatı işçiləri üçün bağlı təlim
Tarix: 26.11.2013 | Saat: 14:51:00 | E-mail | Çapa göndər


Azərbaycan Respublikası Ümumi Məhkəmə Hakimləri İctimai Birliyinin təşkilatçılığı ilə Yasamal Rayon Məhkəməsinin inzibati binasında “Məhkəmə aparatı işçilərinin etik davranışının xüsusiyyətləri” mövzusunda təlim keçirilib.
Təlimdə Bakı şəhərinin bütün rayon məhkəmələrindən, habelə Abşeron rayon və Sumqayıt şəhər məhkəmələrinin aparatlarından 25 nəfər iştirak edib.
Təlimdə iştirak edən məhkəmə işçiləri əvvəlcə Yasamal Rayon Məhkəməsinin yeni inzibati binası ilə tanış olublar.
Tədbiri açan Yasamal Rayon Məhkəməsinin sədri, Azərbaycan Respublikası Ümumi Məhkəmə Hakimləri İctimai Birliyinin (Assosiasiyası) sədri Ələddin Cəfərov seminarın məhkəmə aparatı işçilərinin fəaliyyətində əhəmiyyətindən danışıb. O, belə tədbirlərin əksəriyyəti gənclərdən ibarət olan məhkəmə aparatı işçilərinin fəaliyyətinə müsbət təsir edəcəyini qeyd edib.
Azərbaycan Hüquq İslahatları Mərkəzi (AHİM) İctimai Birliyinin sədri, Vəkillər Kollegiyası Rəyasət Heyətinin üzvü Anar Bağırov hakim və məhkəmə işçiləri arasında münasibətlərin etik xüsusiyyətləri mövzusuna toxunub. Bu mövzu ilə bağlı beynəlxalq sənədlərdə olan müddəaları da qeyd edən Anar Bağırov xüsusilə 2001-ci ildə BMT-də qəbul edilmiş “Hakimlərin davranışı üzrə Banqalor prinsipləri”ndən danışıb. Anar Bağırov həmin sənədin sədri olduğu birlik tərəfindən Azərbaycan dilinə tərcümə edildiyini diqqətə çatdırıb.
Bu mövzuda AHİM tərəfindən hazırlanan Avropa Vəkillər Kollegiyalarının və Hüquq Birlikləri Şurasının (CCBE) “Avropada vəkil peşəsinə dair əsas prinsiplər haqqında Xartiya”sının və “Avropa vəkillərinin davranış Kodeksi”nin kommentariyaları, BMT-nin Ədalətli Məhkəmə Hakimiyyətinin Gücləndirilməsi üzrə Hakimlər Qrupu tərəfindən hazırlanmış “Məhkəmə aparatı işçiləri üçün davranış prinsipləri” və ölkəmizin müxtəlif dövlət orqanlarının etik davranış qaydalarını ehtiva edən “Etik Davranış Kodekslərinin Toplusu” kitablarının da məhkəmə işçilərinə, vəkillərə və ümumiyyətlə dövlət orqanlarında çalışan işçilərə yararlı olacağı bildirilib.
Sonra təlim Məhkəmə-Hüquq Şurası Aparatının korrupsiyaya qarşı mübarizə sektorunun böyük məsləhətçisi Zahid Məmmədovun mühazirəsi davam edib. Zahid Məmmədov tədbir iştirakçılarına etik davranışla bağlı beynəlxalq sənədlərin və milli qanunvericiliyin məhkəmə aparatı işçilərinin fəaliyyətindəki rolundan danışıb.
Nərimanov Rayon Məhkəməsinin sədri Tofiq Paşayev isə çıxışında məhkəmə aparatlarının işçiləri tərəfindən vətəndaşların qəbulu və bu zaman nəzərə alınmalı olan etik cəhətlərə diqqət yetirib.
Daha sonra mövzu ilə bağlı müzakirələr aparılıb.




 
Bölməyə aid digər xəbərlər
05.08.2020
Masallıda “Vətənə sevgi ən ülvi hissdir” onlayın konfrans keçirmişdir
05.08.2020
«Baba bulağı»nın bu günkü işi...
05.08.2020
2020-ci il dövlət büdcəsinə dəyişiklik birinci oxunuşda qəbul edildi
05.08.2020
Milli Məclisdə məktəblərlə bağlı məsələ müzakirə olunub
03.08.2020
Erməni təcavüzü və Paşinyanın uğursuz diaspor siyasəti-“Hədəf”də

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11582

1 Azərbaycanın yeni orfoqrafiya lüğəti sentyabr ayında təqdim olunacaq
2 “Qarabağ münaqişəsi o vaxt bitəcək ki, Azərbaycan özününkü olanı qaytaracaq“
3 Bakıda 34 dərəcə isti, rayonlarda dolu, leysan gözlənilir
4 Avqustun 2-si Azərbaycanda Milli Kino Günüdür
5 Qafqaz uzunömürlülüyünün sirri tapıldı - Kabab yeyin


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info