Aşkelon sakinləri Azərbaycanın mədəniyyəti, tarixi və bu günü ilə tanış olublar
Tarix: 19.12.2013 | Saat: 17:14:00 | E-mail | Çapa göndər


İsrail-Azərbaycan Beynəlxalq Assosiasiyası (Azİz) ölkənin cənubunda yerləşən Aşkelon şəhər bələdiyyəsinin və Heydər Əliyev Fondunun dəstəyi ilə bu şəhərin sakinlərini Azərbaycanın mədəniyyəti, tarixi və bugünkü reallıqları ilə tanış edib.
Azİz-in mətbuat xidmətindən bildiriblər ki, tədbirin əvvəlində 1992-ci ilin fevralında Azərbaycanın Xocalı şəhərində baş vermiş faciəli hadisələri əks etdirən sənədli fotoşəkillər nümayiş etdirilib. Aşkelon sakinləri bu dəhşətli fotoşəkillərə baxdıqdan sonra son dərəcə hiddətləndiklərini bildiriblər. Onların çoxu sadəcə inana bilmirdi ki, dinc sakinlərə qarşı bu qədər qeyri-insani qəddarlıq erməni separatçılarının işğalçılıq planlarının nəticəsi olub. Aşkelon şəhərinin sakinləri öz təəssüratlarını “Justice for Khojaly” sənədli fotosərgisinə dair Rəy Kitabında ifadə ediblər. Aşkelon şəhər merinin müavini Alik Soltanoviç də Xocalı faciəsi barədə öz fikrini Rəy Kitabına yazıb.
Tədbir iştirakçıları qarşısında çıxış edən A.Soltanoviç deyib ki, dünyada hələ də müharibələr, ərazi iddiaları və siyasətçilərin işğalçı məqsədləri ucbatından insanların bir-birini məhv etməsini, bütün bunların nəticəsində heç bir təqsiri olmayan dinc insanların həlak olmasını düşünəndə bir israilli kimi şəxsən onun ürəyi ağrıyır.
Aşkelon şəhər bələdiyyə şurasının üzvü Boris Manor da tədbir iştirakçılarını salamlayıb. O, informasiya baxımından zənginliyi ilə fərqlənən bu tədbirin yaxşı təşkil edilməsinə görə Azİz-in rəhbərliyinə təşəkkürünü bildirib.
Azİz yanında Azərbaycan Mədəniyyət Mərkəzinin direktoru Yeganə Salman Ermənistan-Azərbaycan, Dağlıq Qarabağ münaqişəsinin tarixi, Xocalı faciəsi, habelə bugünkü Azərbaycanın iqtisadi və mədəni inkişafı barədə məlumat verib.
Sonra müasir Azərbaycan haqqında sənədli film nümayiş etdirilmişdir. Gecənin sonunda israilli artistlər Azərbaycan incəsənətini təbliğ edən konsert proqramı ilə çıxış ediblər. Assosiasiyanın baş direktoru Lev Spivak tədbir iştirakçılarının diqqətinə görə onlara təşəkkür etmiş, bu tədbirin keçirilməsinə göstərilən köməyə görə Aşkelon şəhərinin rəhbərlərinə minnətdarlığını bildirib.
Zalda olan keçmiş bakılılar, habelə başqa icmaların nümayəndələri tədbirin təşkilatçılarına bu gözəl gecəyə, dünya şöhrətli “Natali” firmasına isə əla şirniyyatlara görə təşəkkür ediblər
İlkin




 
Bölməyə aid digər xəbərlər
23.02.2020
Rustavidə Xocalı soyqırımı qurbanlarının xatirəsi anılıb
23.02.2020
Hulusi Akar vǝ Sergey Şoyqu arasında telefon danışığı olub
21.02.2020
“Paşinyan beynəlxalq aləmdə Ermənistanı rüsvay edir”
21.02.2020
Moskvada 2,5 mindən artıq şəxs koronavirus şübhəsi ilə karantinə götürülüb
20.02.2020
«Qolos Armenii»: “Münxen görüşü göstərdi ki, Paşinyan beynəlxalq hüququ və diplomatiyanı bilmir”

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11453

1 “Qarabağda Ermənistanin heç biri tarixi irsi yoxdur” mövzusunda konfrans keçirilib
2 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
3 “Bu ilin “Könüllü ili” elan olunması gənclərin inkişafı üçün böyük təkandır”
4 Münhen dərsi: Prezident bütün dünyaya sübut etdi ki, Qarabağ Azərbaycandır!
5 Altı il ərzində Ermənistanın dövlət borcu iki dəfə artıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info