Ədəbiyyat İnstitutunun 80 illik yubileyinə həsr olunmuş kitab
Tarix: 19.12.2013 | Saat: 20:21:00 | E-mail | Çapa göndər


Azərbaycan Milli Elmlər Akademiyasının Nizami adına Ədəbiyyat İnstitutunun fəaliyyətinin 80 ili tamam olub. Bu münasibətlə “Nurlar” Nəşriyyat-Poliqrafiya Mərkəzi tanınmış ədəbiyyatşünas-alim, publisist Teymur Əhmədovun elm məbədinin 80 illiyinə həsr edilmiş monoqrafiyasını nəfis şəkildə, kütləvi tirajla çapdan buraxıb.
Kitabın redaktoru AMEA-nın müxbir üzvü Nizami Cəfərovdur.
Kitab ümummilli lider Heydər Əliyevin və Prezident İlham Əliyevin Milli Elmlər Akademiyasının Azərbaycan zəkasının, ictimai-humanitar düşüncə tərzinin fundamental mərkəzinə çevrildiyini ifadə edən müdrik fikirləri ilə açılır.
Azərbaycan Milli Elmlər Akademiyasının prezidenti Akif Əlizadənin monoqrafiyaya yazdığı “Ön söz”də deyilir: “Bu elm ocağında xalqın şifahi və yazılı abidəsinin, zəngin klassik irsinin, müasir ədəbiyyatının və milli ədəbiyyatşünaslığın tədqiqi, nəşri və təbliği sahəsində tarixi əhəmiyyətli işlər görülüb”.
Kitabda ən qədim dövrlərdən başlayaraq bu günədək xalqımızın mifik-şifahi və yazılı ədəbiyyat nümunələrini toplayıb araşdıran, milli filoloji elmi-nəzəri düşüncəmizi ümumdünya ədəbi-bədii fikri ilə qarşılıqlı əlaqədə tədqiqata cəlb edib nəşrə hazırlayan bu elm və irfan ocağının keçdiyi inkişaf yolu Azərbaycan humanitar fikrini formalaşdırmış möhtəşəm alim-tədqiqatçılar nəslinin həyat və yaradıcılığı kontekstində işıqlandırılır. Zəngin arxiv materialları əsasında hazırlanmış kitabın özəlliyi institutun keçdiyi inkişaf yolunu nostalji məmnunluğu ilə izləməyə imkan verir.
Monoqrafiyanın “80 yaşlı elm ocağı” adlı bölməsində Yaxın Şərq arealında birinci “ədəbiyyat elmi” məbədinin ağrılı-acılı, həmçinin şərəfli inkişaf yolu işıqlandırılır. Müxtəlif illərin elmi-nəzəri və tətbiqi fikir zərurətindən yaranan, formalaşan, eləcə də zamana uyğun olaraq şaxələnən institutun struktur genişliyi, yeni-yeni şöbələrin yaradılması siyasətinin şərhi müvafiq elmi nailiyyətlər fonunda açıqlanır. Mövzunun bu istiqamətdə şərhi oxucuya 80 ilin mərhələlərindəki elmi zərurəti aydın qavramağa kömək edir.
Xalqımızın milli-mənəvi və ədəbi-bədii sərvətinin araşdırıcısı, həm də hamisi olan Ədəbiyyat İnstitutuna müxtəlif illərdə Azərbaycan filoloji düşüncəsində özünə layiqli yer titan ədəbiyyatçı-alimlər pleyadası rəhbərlik edib. Onların elmi imzalarından doğulan auranı bir daha duymaq üçün təkcə bu adlara diqqət yetirmək kifayətdir: Vəli Xuluflu, Heydər Hüseynov, Mirzə İbrahimov, Məmməd Arif, Məmmədağa Şirəliyev, Mirzəağa Quluzadə, Kamal Talıbzadə, Məmməd Cəfər, Əziz Mirəhmədov, Yaşar Qarayev, Vilayət Quliyev, Bəkir Nəbiyev, Məhərrəm Qasımlı, Teymur Kərimli, İsa Həbibbəyli. “Elm xadimləri” bölməsində Ədəbiyyat İnstitutu rəhbərlərinin yığcam elmi portretləri fədakar mübarizələrin filologiya elmi sahəsində xidmətləri barədə müəyyən təsəvvür yaradır.
Azərbaycan şifahi və yazılı ədəbiyyatının zəngin irsini, müasir ədəbi prosesi, tənqidi fikri və milli ədəbiyyatşünaslığı tədqiq, nəşr və təbliğ edən ayrı-ayrı şöbələrin fəaliyyəti kitabda ensiklopedik səpgidə şərh olunsa da, ümumiyyətlə, institutda elmi araşdırmaların müxtəlifliyi, vüsəti, zənginliyi barədə yaranan təsəvvür iftixar doğurur. AMEA-nın Ədəbiyyat İnstitutu müstəqil elm mərkəzinə çevrilib, beynəlxalq aləmdə layiqli tərəfdaş kimi tanınmaqdadır. Müstəqillik illərində beynəlxalq əlaqələrin genişlənməsi – kitab mübadiləsi, sərgilər, elmi simpoziumlar və s. bu cəhətdən diqqəti cəlb edir.
Kitabın “Ədəbiyyat İnstitutunun tarixindən səhifələr” adlanan son bölməsində 80 illik dövrdə ötən günlərin xatirələrini əks etdirən tarixi fotoşəkillər verilib.
İnstitutun elmi şurasında müdafiə olunmuş doktorluq və namizədlik dissertasiyalarının və elmi nəşrlərdən nümunələrin əlifba sırası və xronoloji ardıcıllıqla təqdimatı keçilən yolun mərhələlərini izləmək baxımından, həmçinin alim əməyinə ehtiram nümunəsi kimi diqqəti cəlb edir.




 
Bölməyə aid digər xəbərlər
21.02.2020
Berlin Film Festivalında terror aktının qurbanları yad edilib
21.02.2020
Muğam Mərkəzində Xalq artisti Rübabə Muradovanın xatirəsi anılıb
21.02.2020
Rossininin “Sevilya bərbəri” nümayiş olunacaq
21.02.2020
“Suyima Qəniyevanın elmi irsi və mətnşünaslıq məsələləri”
21.02.2020
“Doktor Dulittlin heyrətamiz səyahəti”

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11453

1 “Qarabağda Ermənistanin heç biri tarixi irsi yoxdur” mövzusunda konfrans keçirilib
2 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
3 “Bu ilin “Könüllü ili” elan olunması gənclərin inkişafı üçün böyük təkandır”
4 Münhen dərsi: Prezident bütün dünyaya sübut etdi ki, Qarabağ Azərbaycandır!
5 Altı il ərzində Ermənistanın dövlət borcu iki dəfə artıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info