İtaliyanın “Limes” nəşri: “Azərbaycan Avropa üçün enerji mənbəyidir”
Tarix: 24.12.2013 | Saat: 00:03:00 | E-mail | Çapa göndər


Massimo Nikolaççi: “ARDNŞ bu gün Yunanıstanın qaz şəbəkəsini 400 milyon dollara ala, İsveçrədə öz brendi ilə yanacaqdoldurma məntəqələri istifadəyə verə bilən şirkətə çevrilib”

İtaliyanın “Limes” nəşrində Azərbaycanın təbii ehtiyatlarının Avropaya ixracı ilə bağlı məqalə dərc edilib. Massimo Nikolaççi məqaləsində Karlo Frappi və Matteo Verdinin “Azərbaycan Avropa üçün enerji-Xəzərin enerji ehtiyatlarının tarixi, iqtisadiyyat və geosiyasət” adlı kitabından istifadə edib. “Bakıdan Piriney yarımadasına: Azərbaycan Avropa üçün enerji mənbəyidir” adlı məqalədə müəlliflərin “Azəri-Çıraq-Günəşli” yatağı ilə bağlı imzalanan müqavilədə iştirak məqsədilə Bakıya etdikləri səfərdən söhbət açılır.

Qeyd edilir ki, təxminən 100 il əvvəl Azərbaycanın təbii resurslarının işlənməsinə başlanılıb: “Nobel Brothers” şirkəti sənaye üsulu ilə neft istehsalına başladı və gəlirin 12 faizi Nobel mükafatı üçün yaradılan fonda köçürüldü. 1904-ci ildə Amerikadan kənar ilk neft kəməri - Bakı-Batumi kəməri çəkildi. Kəmərin çəkilməsini Rotşild maliyyələşdirdi. İlk neftdaşıyan gəmi - “Murex” 1892-ci ildə qanunsuz olaraq Süveyş kanalına daxil oldu ki, Azərbaycan neftini Şərqə doğru daşıya bilsin. Əgər “Murex” olmasaydı, biz heç vaxt “Şell” haqqında eşitməzdik. Sonradan bolşevik inqilabı oldu və Qərblə əlaqələr kəsildi, amma neftin çıxarılması davam etdi. Sovet hökumətinin vaxtında bütün problemlər dondurulmuş vəziyyətdə saxlanmışdı. Sovetlər dondurma kamerasına bənzəyirdi. Sovetlər dağılan kimi bütün problemlər, o cümlədən münaqişələr üzə çıxdı. Donun açılması Dağlıq Qarabağ münaqişəsinin yaranmasına, stabilliyin pozulmasına səbəb oldu. “Əsrin müqaviləsi”nin imzalanması iqtisadi inkişaf və sabitlik yolunda ilk addım oldu”. Müəlliflər qeyd ediblər ki, həmin vaxt Bakıda köhnə, şəraiti olmayan oteldə qalıblar. Təxminən bir il sonra Bakıda və Almatıda “Hyatt” otelinin açılışı olub. Həmin dövrün Azərbaycanını və Azərbaycan Dövlət Neft Şirkətini (ARDNŞ) indiki vəziyyəti ilə müqayisə edən müəllif yazır ki, hazırda ARDNŞ-də 65 min nəfər işləyir. Şirkətin dəyəri təxminən 20 milyard dollar qiymətləndirilir: “ARDNŞ bu gün Yunanıstanın qaz şəbəkəsini 400 milyon dollara ala, İsveçrədə öz brendi ilə yanacaqdoldurma məntəqələri istifadəyə verə bilən şirkətə çevrilib. Ölkənin belə iqtisadi inkişafı neft zənginliyi ilə bağlıdır. Xəzərin sahilində baş verən dəyişikliklər inanılmazdır”. Məqalədə qeyd edilir ki, lazımi infrastruktur yaratmadan neft-qaz ehtiyatlarını ixrac etmək, dünya bazarına çıxarmaq mümkün deyil: “Xəzərin sahilində infrastruktur yaratmağın ciddi çətinlikləri var. Bakı-Ceyhan Azərbaycan neftini açıq dənizə çıxaran ilk böyük regional layihə oldu. Zəngin ehtiyatlara rəğmən, layihəni reallaşdırmaq baha başa gəlirdi. Daha sonra BP “Amoco” ilə birləşərək “amerikalı” oldu. Amerika gəldi. Bundan sonra Bakı-Ceyhan əsrin ən prioritet layihəsi oldu. Dövlət Deparatmentinin dili ilə desək, bu layihə Rusyia təsirini azaltmağa hesablanmışdı və bu, baş verdi. Layihənin reallaşmasında siyasi təkanlar böyük rol oynadı. Neftə çıxış əldə etdikdən sonra, növbə qaza çatdı. İnfrastruktur olmadan qazı bazara çıxarmaq mümkün deyil. Qazın mənbəyindən onu istehlak edəcək ölkəyə qədər kəmərin çəkilməsinə ehtiyac var. İlk başda hamı “Nabucco” haqqında danışırdı. Hamı kəməri tərifləyirdi, amma heç kim fikirləşmirdi ki, həmin kəmər hansı qazla doldurulacaq, kəmərin çəklməsini kim maliyyələşdirəcək və s”. Məqalədə qeyd edilir ki, Avropada mavi yanacağa olan tələbatın artması bir sıra layihələrin gündəmə gəlməsinə səbəb olub. Azərbaycan isə öz mavi yanacağını Avropa bazarına çıxarmaq üçün TAP layihəsini seçib. Bu kəmər sırf Azərbaycan qazını satmaq üçün nəzərdə tutulsa da, gələcəkdə digər istehsalçılarla da rəqabət aparmaq iqtidarındadır”.
Anar




 
Bölməyə aid digər xəbərlər
10.12.2018
“Bu seçkilər ən utancverici seçkilərdən biri kimi Ermənistan tarixinə düşəcək”
04.12.2018
Sosial şəbəkə təxribatı: Fransanı qarışdıran “sarı jilet” və Honkonqda sınaqdan keçirilən “sarı çətir”
20.11.2018
“Sondakika.com”: “Sumqayıtda açılan zavod dünyada ən müasir müəssisə xüsusiyyətinə malikdir”
16.11.2018
Şervin Nəcəfpur: “Norveçdə doğulub boya-başa çatsam da, Vətən uzaqda deyil”
14.11.2018
Türkiyə mediası: “Star” zavodu satış üçün istehsala yanvarda başlayacaq”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10527

1 “Macarıstandakı Azərbaycan icmasının böyük əksəriyyətini gənclər təşkil edir”
2 Bill Klinton Heydər Əliyevlə görüntülərini paylaşdı
3 “Xəzər hövzəsi və enerji təhlükəsizliyi” - Rufiz Qonaqov yeni kitabını təqdim etdi
4 Əli Həsənov: “Nə qədər Azərbaycan var, Heydər Əliyevin ideyaları yaşayacaqdır...”
5 OPEK-ə üzv ölkələr neft hasilatını azaltmaq barədə razılığa gəliblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info