Aqrar sahədə Almaniya ilə birgə müəssisələr yaradılacaq
Tarix: 14.01.2014 | Saat: 23:39:00 | E-mail | Çapa göndər


Kənd təsərrüfatı naziri Heydər Əsədov Almaniyanın ölkəmizdəki səfiri xanım Haydrun Tempel ilə görüşüb.

Nazirliyin mətbuat xidmətindən verilən məlumata görə, nazirin Almaniyaya səfəri ərəfəsində keçirilən görüşün əsas məqsədi iki ölkə arasında kənd təsərrüfatı sahəsində əməkdaşlığın gələcək istiqamətlərinin müzakirəsi olub.
H.Əsədov Almaniyanın Azərbaycanın aqrar sahədəki təşəbbüslərini dəstəkləyən bir ölkə olduğunu və bu sahədə əlaqələrin genişlənməsinə, həmçinin Almaniya ilə çoxşaxəli əməkdaşlığa önəm verdiyini xüsusilə vurğulayıb. Bu ölkəyə səfəri ərəfəsində əməkdaşlığa dair fikir mübadiləsinin aparılmasının vacibliyini bildirib. H.Əsədov Almaniyanın aqrar sahədə böyük təcrübəyə malik ölkə olduğunu bildirərək, Almaniyadan bu il 100 ədəd «Klaas» modeli olan kombaynların alınmasının nəzərdə tutulduğunu qeyd edib. Almaniya ilə əməkdaşlıq üçün böyük potensialın olduğunu nəzərə çatdıran nazir, texniki avadanlıqların istehsalı, həmçinin baytarlıq və bitki mühafizə vasitələrinin istehsalı üzrə birgə müəssisələrin yaradılması imkanlarına baxılması, Almaniya Beynəlxalq Əməkdaşlıq Cəmiyyəti ilə Kənd Təsərrüfatı Nazirliyi arasında əməkdaşlığın genişləndirilməsinin vacibliyini diqqətə çatdırıb. H.Əsədov bu ilin may ayında Bakıda keçiriləcək Qida və Kənd təsərrüfatı Sərgisində iştirak etməyə Almaniya şirkətlərini dəvət edib və Azərbaycanın aqrar sektorunda investisiya üçün əlverişli mühitin olduğunu bildirib. Səfir H.Tempel qida təhlükəsizliyinin təminatı, elm və tədqiqat sahəsində, xüsusilə gen mühəndisliyi, ərzağın keyfiyyətinin artırılması, kənd təsərrüfatının kadr potensialı və texniki təminatı sahələrində ikitərəfli əməkdaşlıq əlaqələrinin davam etdiriləcəyini bildirib.




 
Bölməyə aid digər xəbərlər
05.12.2020
TAP 2021-ci ildə boru kəmərinin buraxılış gücünün artırılması məqsədilə sınaq keçirəcək
04.12.2020
Serbiya Azərbaycana 170 milyon avro borcunu ödəyəcək
04.12.2020
“Ural Hava Yolları“ Rusiya vətəndaşlarının Azərbaycandan daşınmasını həyata keçirəcək
04.12.2020
SOCAR təsdiq olunmuş neft ehtiyatlarının həcmini açıqlayıb
04.12.2020
Ceyhan terminalından 195 milyon bareldən çox AÇQ nefti nəql edilib

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 12130

1 Dağlıq Qarabağ və ətraf regionların bərpa olunan enerji resurslarından səmərəli istifadə qarşıda duran əsas prioritetdir - Pərviz Şahbazov
2 Azan sədasında quşların möhtəşəm rəqsi - VİDEO
3 Distant təhsilin müddəti uzadıldı - QƏRAR
4 Laçını ziyarət etmək üçün səbirsizlənirəm...- Sami Yusuf
5 Turizm Təlim və Sertifikasiya Mərkəzi 2021-ci il üçün təlim proqramını elan edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info