20 Yanvar - milli şərəf və qürur günü
Tarix: 17.01.2014 | Saat: 20:15:00 | E-mail | Çapa göndər


Naxçıvan Dövlət Universitetitndə 20 Yanvar -- Şəhidlər Günü kitab və rəsm sərgiləri, digər ənənəvi silsilə tədbirlərlə qeyd olunur. Bu münasibətlə təşkil olunan mərasimdə əvvəlcə Azərbaycan xalqının milli müstəqilliyi uğrunda qurban getmiş şəhidlərin ruhu dərin ehtiramla yad edildi. Mərasimi giriş sözü ilə açan rektor, professor Saleh Məhərrəmov 20 Yanvarın Azərbaycan xalqının milli azadlıq hərəkatı və müstəqillik tarixində şanlı səhifə olduğunu bildirdi. Qeyd olundu ki, ümummilli lider Heydər Əliyevin xalqımıza qarşı törədilmiş bu faciəyə siyasi-hüquqi qiymət verilməsində, şəhidlərin xatirəsinin əbədiləşdirilməsi və şəhid ailələrinin sosial şəraitlərinin yaxşılaşdırılmasında mühüm xidmətləri olmuşdur. Bu siyasət bu gün Azərbaycan Respublikasının Prezidenti İlham Əliyev tərəfindən uğurla davam etdirilir.
Sonra Ümumi tarix kafedrasının dosenti, tarix üzrə fəlsəfə doktoru Abdulla Mustafayev “20 Yanvar faciəsinin tarixi, sosial-siyasi kökləri və ibrət dərsləri”, Hüquq fənləri kafedrasının müdiri, tarix üzrə fəlsəfə doktoru, dosent Şükür Məmmədov “20 Yanvar hadisələri beynəlxalq hüquq prizmasında”, Tələbə Elmi Cəmiyyətinin sədri, hüquqşünaslıq ixtisası üzrə III kurs tələbəsi Ramazan Abdullayev “Qəhrəmanlıq tariximizin 20 Yanvar” səhifəsi” mövzusunda məruzə etdilər.
Məruzələrdə qeyd olundu ki, bu faciə XX əsrin sonlarında dünyada baş verən siyasi proseslər, işğalçı sovet imperiyasının son özünüxilas cəhdləri, ermənilərin Azərbaycana qarşı əsassız torpaq iddiaları Azərbaycan xalqını müstəqillik uğrunda mücadiləyə qaldırmışdı. Milli azadlıq hərəkatını boğmaq üçün o zamankı xəyanətkar iqtidarın dəstəyi ilə keçmiş SSRİ-nin böyük əksəriyyəti ermənilərdən ibarət olan xüsusi təyinatlı ordusu Bakıda növbəti soyqırım aktı törətmiş, 20 mindən artıq hərbçinin, güclü hərbi texnikanın iştirakı ilə dinc, günahsız insanlar, qadın və uşaqlar, qocalar kütləvi şəkildə qırılmış, eyni zamanda Naxçıvan erməni işğalına məruz qalmışdır. Təəssüf ki, Azərbaycan xalqının məruz qaldığı bu təcavüz beynəlxalq müstəvidə hələ də bəşəriyyət əleyhinə cinayət kimi yetərincə qiymətləndirilmir. Bu faciəni Azərbaycan tarixinə milli əsarətə, qətliaama qarşı mübarizə günü kimi yazan qəhrəman səhidlərimizin müqəddəs xatirəsi xalqımızın qəlbində daim yaşayacaq.
Azərbaycanın Milli Qəhrəmanıı, Qarabağ müharibəsi şəhidi Səyavuş Həsənovun qardaşı Məhəmməd Həsənov şəhid ailələri adından çıxış edərək şəhidlərə daim diqqət və ehtiram göstərən dövlət başçısına və xalqımıza minnətdarlığını bildirdi, gənc nəslə tövsiyələrini çatdıraraq milli müstəqiliyimizin rəmzi olan dövlət bayrağını hədiyyə etdi.
Tədbirdə slayd və fotosərgi, qısametrajlı sənədli film nümayiş etdirildi, şeirlər bədii qiraət olundu.

Mehriban SULTAN
NDU-nun Mətbuat şöbəsinin müdiri






 
Bölməyə aid digər xəbərlər
19.02.2020
Azərbaycandakı uzunömürlülər “Ginnesin Rekordlar Kitabı“na niyə salınmır?
19.02.2020
Ombudsman Nərminin qətlində təqsirləndirilən şəxslə görüşüb
19.02.2020
Kestutis Yankauskas Gömrük Akademiyasında mühazirə oxuyub
19.02.2020
Daşınmaz əmlakın icbari sığortası kimə daha çox lazımmış…?!
19.02.2020
“DigitaLand – Rəqəmsal Vətən” layihəsi başa çatıb

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11453

1 “Azərbaycanın gələcəyi müasir, vətənpərvər və bilikli gənclərin əlindədir”
2 Türkiyəli youtuber Ermənistanda Xocalı soyqırımı ilə bağlı sorğu keçirib - VİDEO
3 Əhməd Əhmədzadə Tovuzda vətəndaşları qəbul edib
4 Paşinyanın referendum oyunu əks-effekt verə bilər
5 Almaniyalı diplomat: “Azərbaycan ərazi bütövlüyü təmin olunmalıdır”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info