İzmirdə “Qanlı Yanvar şəhidlərini anma mərasimi” keçirilib
Tarix: 21.01.2014 | Saat: 17:38:00 | E-mail | Çapa göndər


Türkiyənin İzmir şəhərində 20 Yanvarla bağlı keçirilən tədbirdən Rəsmiyə Nasiboğlunun göndərdiyi yazını oxuculara təqdim edirik:
“Biz, Azərbaycan Qadınları Mədəniyyət Mərkəzi Dərnəyi olaraq bir neçə aydır ki, fəaliyyət göstəririk. Məqsədimiz öz həmvətənlərimizlə bir araya gəlmək, Azərbaycan qadınının simasında Azərbaycan dövlətinin tarix və mədəniyyətini Türkiyədə tanıtmaq, Azərbaycan qadınının problemləri ilə tanış olub qismən də olsa onların hüquqlarının qorunmasına yardım etməkdən ibarətdir.
Deyə bilərik ki, bu qısa zaman içində çox gözəl, səmimi bir ailə ortamı yaratmışıq. Dərnəyimizdə savadlı, bacarıqlı, işgüzar xanımlar toplaşıblar. İçərimizdə Iğdır, Kars azərbaycanlıları da var.
Bacardığımız qədər ölkəmiz, millətimiz üçün xeyirli ola biləcək işlər görməyə çalışırıq.
Dekabr ayının sonunda "Dünya Azərbaycanlılarının Həmrəyliyi Günü" münasibətilə bir tədbir keçirdik. Tədbirə, çox əvvəllər burda məskunlaşan azərbaycanlılar da qatıldılar. Ən azından, onlar da bizim belə bir tarixi günümüzün olduğunu öyrəndilər. Xeyli iştirakçımız oldu və gələnlər Azərbaycan musiqilərinin sədaları altında əyləndilər.
Yanvarın 20-də isə "Qanlı Yanvar şəhidlərini anma mərasimi" təşkil etdik. Həqiqətən, sandığımızdan da gözəl bir tədbir oldu. Burda adətdir, ehsan verilən zaman lokma tökdürürlər. Dərnəyimizin rəhbəri Cəvahir Damar (Əhmədova) xanımın təşəbbüsü və bilavasitə rəhbərliyi ilə min nəfərlik lokma tökdürüb dağıtdıq, plov və s. yeməklər hazırladıb şəhidlərimizə ehsan verdik. Bundan əlavə, camidən, bizim təbirimizcə desək, molla çağırtdırıb şəhidlərin ruhuna Yasin və digər dualar oxutdurduq. Xanımlardan Nurgül Iğdır, Arzu Abbasova, Nazilə Atayeva, Dəniz Damar, Fidan Çelik, Səriyyə Yılmaz və digərləri bu tədbirin nöqsansız keçməsi üçün əllərindən gələni əsirgəmədilər.
Cəvahir xanım 20 Yanvarda baş verən hadisələr haqqında danışdı və məlumatı olmayanlara bu qırğın haqqında bilgi verdi. Mərasimə xeyli adam qatıldı. Gələn qonaqlar çox razı qaldılar və bu qırğını törədənləri lənətlədilər.”




 
Bölməyə aid digər xəbərlər
10.08.2020
Dillər Universiteti “Mənim Çinim“ adlı onlayn-foto sərgi keçirir
08.08.2020
Baş nazir magistratura və rezidentura ilə bağlı qərar imzalayıb
08.08.2020
Operativ Qərargah karantin rejimində yumşalmalarla bağlı brifinq keçirir
07.08.2020
İşçi sayına tətbiq edilən 50 faizlik məhdudiyyət ləğv edilir
07.08.2020
Sərt karantin rejiminin tətbiq edildiyi rayonlarda fəaliyyətinə icazə veriləcək sahələr

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 İspaniyaya turist axını 70 faizdən çox azalıb
2 Dr. Səttar Yaqubov: Koronovirusla mübarizə aparan Mərkəzi Gömrük Hospitalının tibb personalının sağlamlığının qorunması bizim əsas vəzifə borcumuzdur
3 Statistika sahəsində hesabatlılığın səmərəliliyi artacaq, məlumatlardan istifadə imkanları sadələşəcək
4 Gürcüstanın turizm gəlirləri 80 faiz azalacaq
5 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info