Bakıda səyyar “ASAN xidmət” fəaliyyətə başlayıb
Tarix: 04.02.2014 | Saat: 00:54:00 | E-mail | Çapa göndər


Prezident yanında Vətəndaşlara Xidmət və Sosial İnnovasiyalar üzrə Dövlət Agentliyi pilot layihə çərçivəsində Bakı şəhəri üzrə səyyar formada xidmətlərin həyata keçirilməsinə başlayıb. Bu barədə dövlət agentliyindən məlumat verilib.
Səyyar xidmət dedikdə şəxsin qanunla nəzərdə tutulmuş qaydada əlavə ödəniş aparılmaqla onun iş və yaxud yaşayış yerini, habelə olduğu yeri tərk etmədən xidmətlərdən yararlanması nəzərdə tutulur. Yəni, xidmətin həyata keçirilməsi üçün tələb edilən sənədlər və xidmətin nəticəsi olaraq şəxsə verilməli olan sənədlər onun yaşayış və ya iş yerində, habelə olduğu yerdə təhvil götürülə və verilə bilər. Xidmətin əhatə dairəsi pilot layihə çərçivəsində Bakı şəhərinin Nərimanov rayonudur. Səyyar “ASAN xidmət” çərçivəsində göstərilən xidmətlər aşağıdakılardır: Şəxsiyyət vəsiqələrinin verilməsi və dəyişdirilməsi; Ümumvətəndaş pasportlarının verilməsi və dəyişdirilməsi; Sürücülük vəsiqələrinin dəyişdirilməsi; Məhkumluq barədə arayışların verilməsi; Torpaq kadastrı məlumatları barədə arayışların verilməsi; Daşınmaz əmlakla bağlı əməliyyatların qeydiyyatı; Vətəndaşlıq vəziyyəti aktlarının dövlət qeydiyyatı. Səyyar “ASAN xidmət”in iş rejimi bazar ertəsi-şənbə günü saat 10:00-dan 19:00-dəkdir. Xidmətin sifarişi 108 nömrəli “Çağrı” mərkəzi vasitəsilə həyata keçirilir. İkitərəfli xidmət (sənədlərin qəbulu və hazır sənədin çatdırılması) haqqı 90 manat, birtərəfli xidmət haqqı (hazır sənədin çatdırılması) 50 manatdır. Nikahın qeydə alınması və təntənəli nikahın kəsilməsi 150 manat, təntənəli nikahın kəsilməsi 100 manatdır. Qeyd edilən sifarişin xidmət haqqına dövlət rüsumları, cərimələr və normativ hüquqi aktlarla müəyyən edilən xidmət haqları daxil deyil. Sosial həmrəyliyin təmin edilməsi məqsədilə səyyar xidmətlər kənardan qulluğa və yardıma ehtiyacı olan əlillər (tibbi-sosial ekspertiza komissiyasının arayışında göstərilməklə) və sağlamlıq imkanları məhdud uşaqlar üçün əlavə səyyar xidmət haqqı ödənilmədən həyata keçirilir.




 
Bölməyə aid digər xəbərlər
20.06.2019
Melihə Əsədova: “Müəllimə verilən dəyər onun üçün stimuldur”
20.06.2019
“Uşaq əməyinin istismarının qarşısının alınması” mövzusunda maarifləndirici tədbir keçirilib
20.06.2019
Məşğulluq Mərkəzlərinin əməkdaşlarına əlilliyi olan şəxslər üçün özünüməşğulluq proqramı barədə təqdimat keçirilib
20.06.2019
Azərbaycan əhalisinin sayı açıqlandı
20.06.2019
Yayda Bakının torpaq bazarında qiymətlər necə olacaq?

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10812

1 Minimum aylıq əməkhaqqı artırıldı- Prezident Sərəncam imzaladı
2 Müəllimlərin maaşı artdı - 20 faiz
3 “Balımı daha da artırıb Prezident təqaüdü almaq niyyətindəyəm”
4 Prezidentin Sərəncamı: 160 minə yaxın müəllimin orta aylıq maaşı 605 manat oldu
5 Masallının Lürən kəndində yeni tibb məntəqəsi açılıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info