Fransa səfirliyinin nümayəndəsi ənənəvi frankofoniya bayramında iştirak edib
Tarix: 14.03.2014 | Saat: 19:54:00 | E-mail | Çapa göndər


Fransanın Azərbaycandakı səfirliyinin əməkdaşlıq və mədəniyyət attaşesi Vənsan Lorenzini Naxçıvan Dövlət Universitetində olub. Universitetin rektoru, biologiya elmləri doktoru, professor Saleh Məhərrəmov qonağı salamlayaraq milli elm və təhsilin inkişafına göstərilən dövlət qayğısından danışıb. Qeyd olunub ki, dünya təhsilinə inteqrasiya yolu tutan universitet dünyanın tanınmış 80 ali məktəbi ilə beynəlxalq əməkdaşlığa malikdir. Bu ali məktəbdə 5000-dən yuxarı tələbə, o cümlədən 12 ölkənin 344 vətəndaşı ali təhsil alır. Bir çox beynəlxalq layihədə uğurla təmsil olunan universitetdə tələbə mobilliyinin artırılması istiqamətində də mühüm işlər görülür. Burada Avropa dillərinin, eləcə də fransız dilinin, ədəbiyyatının tədrisinə xüsusi əhəmiyyət verilir. Fransanın Azərbaycandakı səfirliyinin əməkdaşlıq və mədəniyyət attaşesi Vənsan Lorenzini Azərbaycan və Fransa dövlətləri arasında bir çox sahələrlə yanaşı elm və təhsil sahəsində də əməkdaşlığın inkişafından danışıb. Görüşdə gələcək tərəfdaşlıq məsələləri müzakirə olub, səfirliyin təşkilatçılığı ilə həyata keçiriləcək layihələr haqqında məlumat verilib. Fransanın diplomatik təmsilçisi Azərbaycan və Fransa universitetləri təmsilçiləinin görüşünün keçiriməsinin, fransız dili müəllimlərinin yayda Naxçıvan şəhərində bir həftəlik stajlarının, tələbələrin isə Fransada bir ayıq təcrübələrinin təşkilinin planlaşdırılığını bildirib, bütün bunların qarşılıqlı əməkdaşlığın inkişafı, xalqlar arası elm, dil və mədəniyyətlərin təbliği baxımından əhəmiyyətini vurğulayıb. Azərbaycan Dillər Universitetinin professoru Çəmən xanım Babaxanova fransız dilinin tədrisinin mövcüd problemlərindən, bu sahədə aparılan son elmi-tədqiqat işlərindən, dərslik və dərs vəsaitlərinin, lüğət və digər məlumat nəşrlərinin hazırlanmasından danışıb. Fransa səfirliyinin əməkdaşı Dünya Frankofoniya günləri çərçivəsində universitetdə keçirilən ənənəvi bayram tədbirində iştirak edib. Fransız dili ixtisasının müəllim və tələbələrinin hazırladıqları bayram tədbiri Azərbaycan Respublikasının və Fransanın Dövlət himnləri ilə başlayıb. Universitetin rektoru, biologiya elmləri doktoru, professor Saleh Məhərrəmov və Fransanın Azərbaycandakı səfirliyinin əməkdaşlıq və mədəniyyət attaşesi Vənsan Lorenzini çıxış edərək Azərbaycan-Fransa əlaqələrindən, iki ölkə arasında müxtəlif sahələri əhatə edən əməkdaşlıqdan, universitetdə Fransız dili ixtisasının daha mükəmməl formalaşması, tədrisin səviyyəsinin yüksəldilməsinin zəruriliyindən danışıblar. Sonra Frankofoniya bayramının tarixi və ənənəsi haqqında məlumat verilib. Qeyd olunub ki, hər il ali məktəbdə Frankofoniya (fransız dili günləri) kimi qeyd olunan bayram 1970-ci ildən fəaliyyət göstərən Beynəlxalq Frankofoniya Təşkilatı tərəfindən təsis olunub, fransız dilini və mədəniyyəti sevdirməyə, təbliğ etməyə xidmət edir. Təbirdə tələbələrin ifasında fransız dilində şeir və mahnılar səsləndirilmiş, böyük dramaturq Mirzə Fətəli Axundovun “Hekayəti Müsyo Jordan və Dərviş Məstəli şah” əsərindən səhnələr təqdim olunub. Qeyd edək ki, frankofoniya bayramı münasibətilə Fransa səfirliyi tərəfindən tələbələr arasında fransız dilində imla müsabiqəsinin keçirilməsi, qaliblərin bir aylıq təcrübə keçmək üçün Fransaya göndərilməsi nəzərdə tutulur.

Mehriban SULTAN
NDU-nun Mətbuat şöbəsinin müdiri





 
Bölməyə aid digər xəbərlər
18.10.2019
Azərbaycanın Milli Qəhrəmanı Elşad Hüseynovun xatirəsi anılıb
18.10.2019
Birinci vitse-prezident Mehriban Əliyeva Dövlət Müstəqilliyi Günü münasibətilə Azərbaycan xalqını təbrik edib
18.10.2019
Azərbaycanın dövlət müstəqilliyinin bərpasının 28-ci ildönümü qeyd olunur
17.10.2019
Naxçıvanda muzey quruculuğu
17.10.2019
“Coca-Cola Məktəbli Kuboku”-nun yeni mövsümü başlayır

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10921

1 Prezident: Gələn ilin büdcəsi həm sosial, həm investisiya yönümlü olmalıdır
2 Vasim Məmmədəliyev vəfat edib
3 “Xoşbəxtlikdən, Azərbaycanın qolu sayılmadı“
4 “Zəngəzurun Ermənistana birləşdirilməsi böyük Türk Dünyasını parçaladı”
5 70 saylı Masallı şəhər və 71 saylı Masallı kənd seçki dairələrində seminarlar keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info