Otuz ildən sonra Rusiyanın yarısını asiyalılar təşkil edəcək
Tarix: 22.04.2014 | Saat: 01:05:00 | E-mail | Çapa göndər


Rusiyada son dövrlərdə miqrasiyanın səviyyəsi ölkənin milli təhlükəsizliyini təhdid etməkdədir. Ölkənin Milli Strategiya İnstitutunun ekspertlərnin araşdırmalarına görə, bir neçə illiyə Rusiyaya pul qazanmaq üçün gələn miqrantlar sonralar burada ailə qurur, vətəndaşlıq əldə edir və sonradan öz ölkələrinə qayıtmağı bir növ “unudurlar”. Bu sahədə tədqiqat aparan institutun əməkdaşı Iqor Beloborodovun iddiasına görə, rəsmi rəqəmlərlə, gələcəkdə ölkə üçün problemlər kəsb edəcək faktiki miqrasiya arasındakı fərq, özünü son zamanlar qabarıq şəkildə göstərməkdədir.
Belə ki, Rusiyada Federal Miqrasiya Xidmətinin hesablamalarına görə, hazırda Rusiya ərazisində keçmiş SSRİ-dən "yalnız" 3,6 milyon miqrant var. Əslində, bu rəqəm reallığı əks etdirmir. Milli Strategiya İnstitutunun ehtimalına görə, onların sayı dəfələrlə çoxdur: təqribən 30 milyon. Bunu FSB də təsdiq etmək məcburiyyətindədir. Təhlükəsizlik işçilərinin bildirdiyinə görə, təkcə 1999- 2012-ci illər arasında müəyyən fərqlərlə ölkədə 27,75 mln. nəfər miqrant qeydə alınıb. Eyni zamanda, bu ərəfədə rusların özləri demoqrafik böhrana məruz qalıblar. Belə ki, son iyirmi ildə ölkədə ölüm halları doğumla müqayisədə xeyli artıb.
Bunun fövqündə ekspertlər, Sankt-Peterburq və Leninqrad rayonu ərazilərində tədqiqat aparıblar. Bölgədəki Federal Dövlət Statistika Xidmətinin ərazi üzrə əməkdaşı bildirib ki, Sankt-Peterburqda
əhalinin hər 1000 nəfərinə düşən doğum 2013-cü ildə, 2012-ci illə müqayisədə 2% artıb, həmin dövr üçün ölüm dərəcəsi 4% azalıb. 2013-cü ildə Sankt-Peterburqda doğum səviyyəsi ölüm hallarını 6,4% ötüb. Ümumilikdə, bu bölgədə ötən il doğum nisbəti ölüm dərəcəsini 1,2% ötüb. Lakin rusların bəzi bölgələrdə, xüsusən şimal-qərb federal ərazilərində ölüm halları 9,9%-i ötüb.
Belə ki, Milli Strategiya İnstitutunun alimləri ehtimal edirlər ki, əgər bu, belə davam edərsə, yaxın 30 ildən sonra - 2050-ci ilə qədər miqrantlarla yerli Rusiya əhalisinin sayı bərabərləşəcək.
Məlumdur ki, gəlmələr arasında Orta Asiya respublikalarının vətəndaşları çoxluq təşkil edirlər. Qonşu Ukrayna vətəndaşlarından fərqli olaraq, Tacikistan, Özbəkistan və ya Moldovadan gələn miqrantlar rus dilində sərbəst danışa bilməmələrinə baxmayaraq, bu dili öyrənməyə də cəhd etmirlər. Onların təhsil səviyyəsi aşağı səviyyədə olmaqla yanaşı, mədəniyyət, hətta sırf professional bacarıqları da aşağı səviyyədə olur. Bu da, öz növbəsində Rusiyanın təhsil və mədəniyyətinə müəyyən vaxt ərzində təsirsiz ötməyəcək.
Ağasəf Babayev




 
Bölməyə aid digər xəbərlər
15.10.2018
“Ermənistanın yeni hökuməti idarəçiliyə peşəkarları cəlb etmir”
13.10.2018
Koçaryan: “Parlament seçkiləri Paşinyan üçün “zəfər”, dövlətçilik üçün ciddi bir məğlubiyyət olacaq“
12.10.2018
Washington Times: Ermənistanda anarxiya, qanunsuzluq və qarışıqlıq hökm sürür
12.10.2018
Gürcüstanın Azərbaycana 8 milyon dollara yaxın borcu var
12.10.2018
Diaspor rəhbəri Misir Parlamentinin komitə sədri ilə görüşüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10251

1 “Dədə Şəmşir xalq dastanlarının əvəzsiz bilicisi və mahir danışanı olub”
2 Dənizçilər təqaüddə olan həmkarlarını ziyarət ediblər
3 Vətən uzaqda deyil
4 Tovuzda insanların poeziyaya olan məhəbbəti tükənməzdir
5 Krivoy Roqda azərbaycanlı uşaqlar üçün “Bazar günü” məktəbinin açılışı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info