Orqanizm üçün ən faydalı içkilər
Tarix: 05.07.2014 | Saat: 01:35:00 | E-mail | Çapa göndər


Sağlamlığın qorunması üçün ilkin şərtlərdən biri orqanizmin təmizlənməsidir. Əgər həftə ərzində iki-üç dəfə özünüzdə yorğunluq, halsızlıq, baş ağrıları, mədə problemləri, hər şeyə qıcıqlanma halları hiss edirsinizsə, buna hər hansı bir xəstəliyin başlanması ilə yanaşı, orqanlarınızın zərərli maddələrlə, toksinlərlə yüklənməsi də səbəb ola bilər. Həmçinin üz dərisinin solğunlaşması da bundan xəbər verir. Belə halların meydana çıxması zamanı orqanizmin təmizlənməsinə ehtiyac duyulur.
Orqanizmin təmizlənməsinin bir çox üsulları var. Modern.az-ın məlumatına görə, mütəxəssislər belə üsullardan birinin də müxtəlif içkilərdən istifadə olduğunu deyirlər.
1. Alma şirəsi. Almanın tərkibində olan pektin bağırsaqların fəaliyyətini normallaşdırır ki, bu da toksinlərin orqanizmdən xaric olunmasında mühüm rol oynayır. Alma şirəsi azkalorili olmaqla yanaşı vitamin və mikroelementlərlə, xüsusilə dəmirlə zəngindir. Məhz buna görə alma şirəsi digər orqanların fəaliyyətinə də müsbət təsir göstərir. Orqanizmin təmizlənməsi üçün alma sirkəsindən də istifadə etmək olar. Bunun üçün 3 xörək qaşığı alma sirkəsi 1 litr mineral suya qatılır və sutka ərzində 3-5 dəfəyə qəbul edilir.
2. Cəfəri və limon. 15 dənə saplaqlı cəfərini elektrik üyüdücüdə (blender) tam əzmək, bir stəkan suda qarışdırmaq və üzərinə limon şirəsi əlavə etmək lazımdır. Səhərlər yeməkdən yarım saat əvvəl 15 gün ərzində qəbul edilməlidir. Bu xüsusilə qaraciyərin təmizlənməsi üçün olduqca faydalıdır.
3. Yaşıl kokteyl. Orqanizmin təmizlənməsində yaşıl kokteyli ən faydalı içkilərdən saymaq olar. Bunun üçün kahı, xiyar, kərəviz, ispanaq, turşəng, kivi, üzümdən zövqə uyğun kokteyl hazırlanır. Bu içki orqanizmdən artıq mayeni və toksinləri xaric edir. Yaşıl kokteyl həmçinin qaraciyəri zərərli maddələrdən qoruyur.
4. Kələm şirəsi. Orqanizmin təmizlənməsində kələm şirəsi də effektlidir. Kələm şirəsi xüsusilə həzm orqanlarının zərərli maddələrdən təmizlənməsində faydalıdır.
5. Bitki çayları. Bitkidən dəmlənmiş çayların digər faydaları ilə yanaşı orqanların təmizlənməsində də böyük faydası var. Bu məqsədlə daha çox nanə, adaçayı və qarağat yarpaqlarından dəmlənmiş çaylara üstünlük vermək lazımdır.
6. Zəncəfil. Həzm prosesini və maddələr mübadiləsini yaxşılaşdırmaqla zəncəfil orqanizmi zərərli maddələrdən təmizləyir. Bunun üçün 4-5 santimetrlik zəncəfil kökünü xırda-xırda doğramaq, 500 qram qaynar suya təkmək, 20 dəqiqə dəmdə saxlamaq lazımdır. Hazırlanmış içkini zövqə uyğun istər soyuq, istərsə də isti halda gün ərzində bir-iki dəfə içmək məsləhət görülür.
Orqanizmin təmizlənməsi sağlamlığımız üçün nələri vəd edir:
1. Xərçəng xəstəliklərinin qarşısı alınır
2. Həzm, qaraciyər və öd yollarının fəaliyyəti normallaşır
3. Allergiya əlamətləri aradan qaldırılır
4. Qanda şəkərin və xolesterolun səviyyəsi aşağı düşür
5. İmmun sistemi güclənir
6. Bədən artıq çəkidən xilas olur
7. Təmizlənmə ateroskleroz, ürək xəstəlikləri və hipertoniyanın inkişafına mane olur
8. Dəri sağlam və gümrahlığını bərpa edir
9. Təmizlənmə bioloji yaşı azaldır
Əgər siz də orqanizminizi təmizləmək qərarına gəlmisinizsə və onun faydasını görmək istəyirsinizsə heç olmasa təmizləmə tədbirlərini həyata keçirdiyiniz ərəfədə adlarını sadalayacağımız içkilərdən və qidalardan imtina etməlisiniz:
Qazlı içkilər və hazır şirələr
Kolbasa, hisə verilmiş ət məhsulları
Marqarin və ondan hazırlanmış məmulatlar
Şəkər və şirniyyat
Qəhvə
Spirtli içkilər
Yağlı və qızardılmış qidalar
Kərə yağı
Un və un məmulatları
Yəqin ki, insan üşün ən dəyərli nemət olan sağlamlıq naminə bu adi qaydalara riayət etməklə orqanizmin təmizlənməsinə vaxt ayırmağa dəyər.




 
Bölməyə aid digər xəbərlər
17.09.2019
Adı Qurani-Kərimdə keçən, xərçəngi məhv edən cənnət meyvəsi
17.09.2019
Meyvə-tərəvəzlər 20 dəqiqə suyun içində saxlayın...
16.09.2019
Ankilozlaşdırıcı spondilit
16.09.2019
“Siyasi partiyaların bir araya gəlməsi müsbət qiymətləndiriləsi hadisədir”
14.09.2019
Zəhərlənmisinizsə qatıq içməyin!

Şərh əlavə olunmayıb

    ,    
Ağasəf Babayev
Namiq Əliyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10887

1 Prezident İlham Əliyev AŞPA-nın prezidentini qəbul edib
2 Daxili İşlər nazirindən yeni təyinat
3 Sami Yusifdən möhtəşəm “Nəsimi” kompozisiyası
4 Masallı rayonunun Çaxırlı ərazisinin Kəlbəhüseynli kəndində səyyar görüş
5 5 mindən artıq müəllimin maaşı 1000 manatı ötüb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info