ƏƏSMN işəgötürənləri yeni sistemdən istifadə qaydaları barədə məlumatlandırıb
Tarix: 18.08.2014 | Saat: 18:05:00 | E-mail | Çapa göndər


Əmək və Əhalinin Sosial Müdafiəsi Nazirliyi əmək müqaviləsi bildirişi üzrə elektron informasiya sistemindən (EİS) istifadə qaydaları barədə "Açıq qapı" günü-vətəndaş forumu çərçivəsində məlumatlandırma tədbirlərini avqustun 18-də Quba şəhərində davam etdirib. Tədbirdə Sumqayıt şəhərinin, Quba, Xacmaz, Qusar, Şabran, Siyəzən və Xızı rayonlarının işəgötürənlərinə əmək müqaviləsi bildirişinin EİS-də qeydiyyatdan keçirilməsini nəzərdə tutan yeni islahat tədbiri barədə geniş məlumatlar verilib. Bildirilib ki, Azərbaycan Prezidentinin 2014-cü il 3 fevral tarixli Fərmanına əsasən, əmək müqavilələrinin müvafiq bildiriş formasında EİS-də qeydiyyatdan keçirilməsi prosesinə başlanması işçilərin, eləcə də işəgötürənlərin hüquqlarının daha səmərəli müdafiəsinə yönəlib. Bu proses əmək müqavilələrində əksini tapan, həm işçiyə, həm də işəgötürənə aid hüquqların qarşılıqlı təminatına çevik və obyektiv dövlət nəzarətinin həyata keçirilməsinə, qeyri-leqal əməyin qarşısının alınmasına, işçilərin gələcək sosial təminat hüququna malik olmalarına şərait yaradır. Qeyd olunub ki, Əmək Məcəlləsinin 49.1-ci maddəsinə əsasən, əmək müqaviləsinin bağlanılması, ona dəyişiklik edilməsi və ya xitam verilməsi bununla bağlı EİS-ə daxil edilmiş bildiriş bu sistemdə qeydiyyata alındıqdan və bu barədə işəgötürənə elektron qaydada məlumat verildikdən sonra hüquqi qüvvəyə minir. Bildirişlərin qeydiyyata alınması bir iş günü ərzində həyata keçirilir və işəgötürənə elektron qaydada məlumat verilir. Məcəllənin 12-ci maddəsi əmək müqaviləsi bildirişinin EİS-ə daxil edilməsini işəgötürənlərin vəzifələrindən biri kimi müəyyən edir və bu vəzifəni yerinə yetirməkdən yayınan işəgötürənlərlə bağlı qanunvericiliyə uyğun şəkildə cəza tədbirləri görüləcək. Tədbirdə əmək müqaviləsi bildirişinin gücləndirilmiş imza sertifikatları vasitəsilə “Elektron hökumət” portalı (www.e-gov.az) üzərindən EİS-ə daxil edilməsi və qeydiyyata alınması, bu barədə işəgötürənə məlumat verilməsi prosedurları əyani şəkildə nümayiş etdirilib. İşəgötürənlərin ayrı-ayrı sualları da cavablandırılaraq, bu prosesdə işəgötürənlərə əməli köməklik göstərilməsi məqsədi ilə ölkənin bütün bölgələrində “Yardımçı masaları”nın fəaliyyət göstərdiyi bildirilib. Həmçinin EİS ilə bağlı metodik göstərişlər və sistemdən istifadəyə dair müvafiq yardımçı materialların ƏƏSMN-nin rəsmi internet saytında (www.mlspp.gov.az) yerləşdirildiyi, Nazirliyin “142 Çağrı mərkəzi”nin də müvafiq məlumatlandırma funksiyalarını yerinə yetirdiyi qeyd olunub.

İlkin




 
Bölməyə aid digər xəbərlər
15.11.2019
Naftalanda Regional Bərpa Mərkəzi əsaslı təmirdən sonra istifadəyə verilib
14.11.2019
İcbari tibbi sığorta ilə bağlı klinik diaqnostik laboratoriyalarda beynəlxalq standartlar tətbiq ediləcək
13.11.2019
Yeni doğulan uşağa görə 500 manat verilsin
13.11.2019
Tələbələr ASCO-nun xarici sularda üzən gəmilərində təcrübə keçiblər
13.11.2019
Yasamal Yaşayış Kompleksində 570 güzəştli mənzildən 284-nün alqı-satqısı başa çatıb

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10943

1 Prezident icra başçılarını qəbul edib: “Elə işləməlisiniz ki, xalq sizdən razı olsun”
2 Bölgə müəllimləri yeni layihələr reallaşdırırlar
3 Bakıda rusiyalı şairə Yekaterina Xlebnikovanın ilk dəfə yaradıcılıq gecəsi keçirilib
4 Prof. Aziz Sancar’dan Özbekistan’a çikarma: Hayalim Türk Birliğini görmek
5 Masallının Əmirtürbə kəndində şəhid Səfərəli Alışovun adı əbədiləşdirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info