ARGTMŞ sərhədçilərin peşə bayramı münasibəti ilə cəbhə bölgəsində əsgərlərlə görüşüb
Tarix: 18.08.2014 | Saat: 21:28:00 | E-mail | Çapa göndər


Azərbaycan Respublikası Gənclər Təşkilatları Milli Şurasının (ARGTMŞ) nümayəndə heyəti “18 avqust – Azərbaycan Respublikası Dövlət Sərhəd Qoşunları Əməkdaşlarının Peşə Bayramı” münasibəti ilə cəbhə bölgəsində yerləşən, Fizuli rayonunun “N” saylı hərbi hissəsində əsgərlərlə görüşüb. ARGTMŞ nümayəndə heyətinin tərkibində təşkilatın əməkdaşları, ARGTMŞ-a üzv olan bir sıra gənclər təşkilatlarının rəhbərləri və fəal gənclər iştirak ediblər. Hər il mütəmadi olaraq ARGTMŞ tərəfindən üzvləri ilə birlikdə təşkil olunan əsgərlərlə görüşün məqsədi üzv təşkilatların gənc liderləri arasında vətənpərvərlik hisslərinin yüksəldilməsi, əsgərlərə mənəvi dəstək olunması və xidmət zamanı ruh yüksəkliyinin artırılmasıdır.
Tədbir çərçivəsində ARGTMŞ nümayəndə heyəti əvvəlcə gənc hərbi qulluqçuların andiçmə mərasimində iştirak edib. Andiçmə mərasimində çıxış edən ARGTMŞ-nın sədri Şahin Seyidzadə hərbi qulluqçuları və onların valideynlərini üzərlərinə götürdükləri bu çətin, şərəfli vəzifəyə görə təbrik edib, Azərbaycan gənclərinin ölkə sərhədlərinin təhlükəsizliyindən əmin olduğunu və təhlükəsiz şəraitdə hər gün daha böyük uğurlar əldə etdiyini vurğulayıb.
Tədbir xidmət zamanı yüksək nizam-intizam və fəallığı ilə seçilən hərbi qulluqçuların ARGTMŞ tərəfindən müxtəlif hədiyyələrlə mükafatlandırılması və fəxri fərmanla təltif olunması ilə davam edib.
Daha sonra ARGTMŞ nümayəndə heyəti sözü gedən hərbi hissənin rəhbərliyinin müşayiəti ilə hərbi hissədə hərbi qulluqçular üçün yaradılmış şəraitlə tanış olmaq imkanı əldə ediblər. Hərbi hissə ilə tanışlıq zamanı hərbi hissə rəhbərliyi tərəfindən ARGTMŞ nümayəndə heyətinə hərbi hissədə hərbi qulluqçular üçün yaradılmış şərait haqqında ətraflı məlumat verilib, əyani şəkildə nümayiş etdirilib və onların sualları cavablandırılıb. ARGTMŞ nümayəndə heyəti tərəfindən bu istiqamətdə görülmüş işlər və əldə olunmuş nailiyyətlər yüksək qiymətləndirilib.

Fuad




 
Bölməyə aid digər xəbərlər
28.11.2020
Şəhid ailələri və müharibə əlilləri ilə bağlı yeni tədbirlər planı hazırlanıb
27.11.2020
Ailə planlaşdırılması mövzuları dərsliklərə daxil ediləcək
27.11.2020
Məişət zorakılığından zərər çəkənlər müvəqqəti sığınacaqla təmin ediləcək
27.11.2020
Anasız böyümüşəm, anam Vətənimdir...
27.11.2020
Qızları Allahverdi Bağırovun Ağdamdakı məzarını ziyarət edib – VİDEO

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 12006

1 İşğaldan azad edilən rayonlarda turizm necə təşkil olunacaq? - Agentlik açıqladı
2 Minsk qrupu uzunmüddətli və dayanıqlı həll üzrə danışıqlara kömək göstərməlidir - Almaniya səfiri
3 Azıx mağarasına aid arxeoloji tapıntılar Bakıya gətirildi
4 “Ezo gəlin” şorbası necə bişirilir?
5 Birinci vitse-prezident Mehriban Əliyeva Kəlbəcərin işğaldan azad olunması münasibətilə xalqımızı təbrik edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info