Fri kartofu - 3 ən yaxşı resept
Tarix: 10.09.2014 | Saat: 23:55:00 | E-mail | Çapa göndər


Klassik fri
Fast-fud fri kartofunu sevənlər üçün resept. Bu, məhz məşhur ayaqüstü yemək xidməti göstərən restoranlarda olduğu kimi alınır.

Tərkibi:
7 ortaboy kartof
300 q bitki yağı
duz

Kartofu təmizləyib yuyun, sonra barmaqdan bir az nazik qalınlıqda uzunasına doğrayın. Salfetlə qurudun.
Dərin qazana və ya tavaya bitki yağı töküb onu qızdırın.
Kartofu isti-isti yağa töküb hərtərəfli qızardın, kəfkirlə çıxarıb xırda gözlü aşsüzənə yığın.
Yağı süzüləndən sonra boşqablara yığın, yalnız bundan sonra üzərinə duz səpin. Süfrəyə isti-isti verin.

Yumurta ağı ilə fri kartofu
Əgər fri kartofunu sevir, ancaq qızardılmış yeməklərdən uzaq durmağı üstün tutursunuzsa, əsl sizlikdir. Onu uşaqlarınıza da çəkinmədən yedirə bilərsiniz. belə kartof qıpqırmızı və xırt-xırt alınır.
Tərkibi:
7 kartof
2 yumurtanın ağı
duz və paprika

Kartofu yuyub qabığını soyun, 1 sm qalınlıqda uzun-uzun doğrayın.
Yumurta ağlarını duzla çalın. Bunu doğranmış kartofun üzərinə tökün, yaxşıca qarışdırın, elə edin ki, hər kartof dilimi tamamilə yumurta ağına bulaşsın.
Sobanı yaxşıca qızdırın. Siniyə perqament döşəyin. Kartofu üzərinə yayın, paprika səpin. Kartofu sobada qızıranadək bişirin. Süfrəyə isti-isti verin.

Dietik fri kartofu
Kalorilərdən qorxanlar üçün resept. Bunun yağı az olur, üstəlik, ədviyyatı da dili yandırır.

Tərkibi:
1 kq kartof
50 q bitki yağı
50 q narın suxarı
1 ç.q. şirin paprika
1 ç.q. zirə tozu
1 çimdik qırmızı istiot
duz
qara istiot

Kartofu yuyub təmizləyin, 8 yerə bölün. Salfetlə yaxşıca qurulayın. Bir ləyənə yığın, üzərinə yağ gəzdirin, elə qarışdırın ki, hər bir dilim yağla tamam örtülsün.
Başqa qabda narın suxarı, paprika, qırmızı istiot, qara istiot, zirə və duzu qarışdırın. Kartofu bu qarışığa batırın.
Sobanı yaxşıca qızdırın. Siniyə perqament döşəyin. Kartofu bir lay üstünə düzün. Arada qarışdıraraq yarım saat, qızaranadək bişirin.
Süfrəyə isti-isti verin.

Faydalı məsləhətlər:
Kartofu yağa batırmazdan əvvəl salfetlə tamamilə qurutmağınız yaxşıdır. Əks halda su ilə təmasa girən yağ qızdıqca çırtlayıb sizi yandıra bilər.
Fri kartofunu hazırlayarkən rafinə edilmiş bitki yağlarına üstünlük verin. Bu zaman günəbaxan, zeytun, pambıq, qarğıdalı yağlarından istifadə edə bilərsiniz. Unutmayın ki, kartofda bu yağların dadını hiss edəcəksiniz.
Yağın lazımi temperaturadək qızdığını təyin etmək üçün 1 dilim kartofu tavadakı yağa salın. Əgər dərhal üzə çıxır, kənarlarında da qovuqcuqlar yaranırsa, deməli, əsl vaxtıdır. Ancaq belə olmursa, demək ki, yağın qızmasını bir qədər də gözləmək lazımdır.
Fri kartofunu hazır olduqdan sonra duzlamaq lazımdır, əks halda o, xırt-xırt olmaz. Yaxşı olar ki, kartofu boşqaba çəkib süfrəyə verərkən duzlayasınız.
Nuş olsun!




 
Bölməyə aid digər xəbərlər
23.09.2020
Küftənin daqilmaması üçün 5 vacib sirr -VİDEO
17.09.2020
Ətli dovğa
11.09.2020
Ev şəraitində Xan kababı-VIDEO
05.09.2020
Corat qutabı-VIDEO
28.08.2020
Öz buğunda bişirilmiş kütüm

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11603

1 Təhsil müddəti ümumi pensiya stajına daxil ediləcək
2 Azərbaycan Turizm Assosiasiyası ekspertlər səviyəsində fəaliyyətini genişləndirir
3 Ac qarına bir siqaret 10 ədədə bərabərdir – Xərçəngə yaxınlaşdırır
4 BDU ölkədə təhsil islahatlarının həyata keçirilməsində önəmli rol oynayır
5 Osloda Nizami Gəncəvi adına həftəsonu məktəbi fəaliyyətə başlayıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info