Bakı Beynəlxalq Humanitar Forumu çərçivəsində “dəyirmi masa” keçirilib
Tarix: 08.10.2014 | Saat: 21:35:00 | E-mail | Çapa göndər


AMEA Mərkəzi Kitabxana-İnformasiya Resursları Mərkəzində Bakı Beynəlxalq Humanitar Forumu çərçivəsində “Qloballaşmanın çağırışları: ənənə və transformasiya arasında” mövzusunda V “dəyirmi masa” keçirilib.
Tədbirdə ABŞ, İtaliya, Rusiya, Özbəkistan, Türkiyə, Misir, Malta, Koreya Respublikası, Serbiya, Macarıstan, Almaniya və Tacikistandan gəlmiş alimlər, Nobel mükafatı laureatları, beynəlxalq təşkilatların təmsilçiləri, tanınmış ictimai-siyasi xadimlər iştirak ediblər.
“Dəyirmi masa”nın rəhbəri AMEA-nın vitse-prezidenti, akademik İsa Həbibbəyli tədbir iştirakçılarını salamlayaraq Forumun əhəmiyyətindən danışıb. Bildirib ki, forumun vəzifəsi ideyalar, nəzəri və praktiki bilik mübadiləsi, konstruktiv debat və müzakirələr üçün platforma formalaşdırmaqdır: “Dünyanın müxtəlif ölkələrindən olan alimlərin, ictimai-siyasi xadimlərin və ziyalıların müzakirə aparmaları üçün önəmli olan bu tədbir Azərbaycanın dünya ilə dialoqudur”.
“Dəyirmi masa”da ilk olaraq “Oriyentalizm və postorientalizm: elmi tədqiqatların yeni problematikası” adlı mövzu ətrafında həmsədrlər: akademik İsa Həbibbəyli, Nobel mükafatçısı, ABŞ-ın Massaçuset Texnologiya İnstitutunun professoru Peter Artur Daymond və UNESCO-nun İcra Şurasının sədri Məhəmməd Sami Əmir çıxış ediblər.
Bildirilib ki, coğrafi mövqeyindən asılı olmayaraq elmi təfəkkür sahibləri Şərqi öyrənməkdə qarşılıqlı əlaqələri daha da genişləndirməlidir. Qloballaşma şəraitində Şərq ədəbi-mədəni xəzinəsinin əvəzsiz dəyərlərini bəşəriyyətin istifadəsinə verməklə oriyentalistikanın müsbət ənənələrini uğurla davam etdirməlidir.
Daha sonra “Yeni sosio-mədəni meyllər və postsovet məkanında identiklik axtarışları” mövzusunda məruzəçilər müasir dünyanı düşündürən məsələlərdən söz açıblar. Qloballaşmanın mənəvi-mədəni faktorları, identikliyin formalaşmasına təsiri, mədəniyyətlərin qarşılıqlı təsirinin forma, prinsip və meylləri müzakirə olunub.
Tədbirin növbəti mərhələsi “Şərq-Qərb dialoqu: qloballaşma şəraitində Şərqin mənəvi-mədəni həyatının transformasiyaları və yeni paradiqmalar” adlı mövzu ətrafında məruzəçilərin çıxışları ilə davam etdirilib.
Müzakirələrin yekunu olaraq bildirilib ki, qloballaşma şəraitində inteqrasiya meylləri cəmiyyətimiz üçün aktuallaşan yeni paradiqmalar bütün xalqları və dövlətləri yaxınlaşdırır. Bu səbəbdən qloballaşma dövründə Şərq və Qərb fəlsəfi fikir ənənələrinin yaxınlaşması və insanların dünyaya baxışlarının ortaq konseptual sisteminin yaradılması işində beynəlxalq əlaqələrin inkişafına böyük ehtiyac vardır.
“Dəyirmi masa”da müzakirə olunan məsələlərə dair çıxışlar ətrafında fikir mübadiləsi aparılıb, iştirakçıları maraqlandıran suallar cavablandırılıb.
Sonda beynəlxalq təşkilatlara, ölkə liderlərinə və ayrılıqda hər bir şəxsə tövsiyə və müraciətləri əks etdirən IV Bakı Beynəlxalq Forumun Bəyannaməsi qəbul olunub.

Nigar Abdullayeva




 
Bölməyə aid digər xəbərlər
18.09.2019
Masallıda gənc müəllimlərlə görüş
18.09.2019
Diaspor rəhbəri qalib monteneqrolu məktəbliyə diplomunu təqdim edib
18.09.2019
DMX Nepal və Hindistan vətəndaşlarının saxlanılmasına dair məlumat yayıb
18.09.2019
Mehriban Əliyeva: Hər iki dahi şəxsiyyətimizin - Üzeyir Hacıbəyli və Müslüm Maqomayevin xatirəsini dərin ehtiramla yad edirik
17.09.2019
Ağsu və İsmayıllıda Heydər Əliyev Fondu tərəfindən inşa olunan yeni məktəb binaları istifadəyə verilib

Şərh əlavə olunmayıb

    ,    
Ağasəf Babayev
Namiq Əliyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10887

1 Prezident İlham Əliyev AŞPA-nın prezidentini qəbul edib
2 В Великобритании перешли на систему образования СССР
3 Prezident Bakı Metropoliteninin “Xətai” stansiyasında görülən işlərlə tanış olub
4 Vilayət Eyvazovdan yeni təyinat
5 “Siyasi partiyaların bir araya gəlməsi müsbət qiymətləndiriləsi hadisədir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info