“Multikulturalizm siyasəti millətlərarası sülhün qorunub saxlanmasının yeganə düzgün yoludur”
Tarix: 08.10.2014 | Saat: 23:27:00 | E-mail | Çapa göndər


“Rossiyskaya qazeta”da Rusiya Federasiyası Prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoyun Bakıda keçirilmiş IV Beynəlxalq Humanitar Foruma həsr edilmiş “Tərcümə çətinlikləri” sərlövhəli məqaləsi dərc olunub. M.Şvıdkoy yazır ki, artıq dördüncü dəfə keçirilən və “humanitar Davos” adlandırıla bilən foruma görkəmli alimlər və mədəniyyət xadimləri, dünya şöhrətli siyasətçilər və jurnalistlər toplaşır.
Müəllif yazır: “IV Forumun dəyirmi masa mövzularının adlarından da göründüyü kimi, onlar müasir dünya nizamının çoxsaylı problemlərini əks etdirir: “Müqayisəli multikulturalizm tədqiqatları: nəzəriyyədən humanist praktikaya”, “Rəqəmsal dövrdə medianın transformasiyaları: inkişafın yeni trendləri”, “Qloballaşma çağırışları: ənənə ilə transformasiya arasında”, “İnnovasiyalı inkişafda fənlərarası inteqrasiyanın rolu”, “Texnologiyaların konvergensiyası və gələcəyin cizgiləri: XXI əsrin əsas çağırışları” və s. Məhz bu səbəbdən, həmin problemlərin müzakirə edilməsi üçün kimyadan iqtisadiyyata qədər ən müxtəlif bilik sahələri üzrə Nobel mükafatı laureatlarının böyük bir qrupu Bakıya gəlmişdi”. Onun fikrincə, bu problemlər təkcə nəzəriyyəçiləri deyil, həm də praktiki siyasətçiləri narahat edir. Avropa ölkələrinin keçmiş prezidentləri Azərbaycandan və Rusiyadan başlamış Meksika və Braziliyaya qədər müxtəlif ölkələrin hazırda fəaliyyətdə olan parlamentariləri və senatorları, icra hakimiyyəti nümayəndələri ilə birlikdə bu problemlərin müzakirəsində iştirak etdilər.
Məqalədə deyilir: “Azərbaycan Prezidenti İlham Əliyevin, habelə Rusiya Federal Məclisi Federasiya Şurasının sədri Valentina Matviyenkonun çıxışlarında fundamental və innovasiyalı dəyərlər barədə müasir təsəvvürlər təhlil edildi, dövlətin və cəmiyyətin inkişafında həmin dəyərlərin rolu şərh olundu. Azərbaycan Prezidentinin nitqində Ermənistan-Azərbaycan münasibətləri problemlərinə əvvəlki forumdakı ilə müqayisədə daha çox yer ayrılmışdı. İlham Əliyev öz nitqində çoxmillətli dövlətin lideri kimi onu ciddi maraqlandıran bir mövzuya - müxtəlif dini konfessiyalara mənsub olan millətlərin və xalqların birgəyaşayışı mövzusuna xeyli yer ayırmışdı. Əlamətdar haldır ki, forum çərçivəsində Bakı Beynəlxalq Multikulturalizm Mərkəzinin açılması forumun yekun bəyənnaməsində xüsusi vurğulanıb. “Multikulturalizm” sözü Prezident İlham Əliyevi qorxutmur, özü də təkcə ona görə yox ki, Rusiya Federasiyası kimi, Azərbaycan da müasir dövlətlər çərçivəsində vətəndaşların mədəni fərqlərini və etnosların mədəni müxtəlifliyini nəzərdə tutan bir sıra mühüm beynəlxalq sənədi imzalamış və ratifikasiya etmişdir. Bu gün “titul millət” ilə yanaşı, bir sıra xalqların və etnik qrupların yaşadığı Azərbaycanın rəhbərliyinin fikrincə, mültikulturalizm siyasəti millətlərarası sülhün qorunub saxlanması üçün yeganə düzgün yoldur. Əlbəttə, bu heç də o demək deyildir ki, dövlət dilini bilməyə ehtiyac yoxdur. Əksinə, dövlətdə vəzifə tutmaq, fəal sosial həyat tərzi üçün dövlət dilini bilmək zəruridir. Lakin başqa mədəniyyətlərə və konfessiyalara hörmət, onlara tolerant münasibət dövlətin və cəmiyyətin sabit inkişafının yeganə rəhnidir”.




 
Bölməyə aid digər xəbərlər
21.09.2020
“O riyakar ölkələr Ermənistanın Azərbaycan toraqlarına qarşı hücumlarının qarşısını almaq üçün addım atmırlar”
21.09.2020
Ermənistanın hərəkətləri beynəlxalq sülhə və hüquqa təhdiddir
21.09.2020
KTMT Ermənistanın və ya hər hansı bir digər dövlətin təxribatçı fəaliyyətini dəstəkləmir
19.09.2020
Azərbaycanın bayrağı bizim bayrağımız, şərəfi bizim şərəfimizdir
17.09.2020
Livanlı qaçqınların Dağlıq Qarabağa real axını barədə Rusiyanın təsdiqlənmiş məlumatı yoxdur

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11601

1 “Azərbaycan öz məmləkətimizdir“
2 Ölkəmizə gələn turistlər arasında sorğu keçirilib
3 Sığorta bazarını necə inkişaf etdirmək olar?
4 Türksat 5A rabitә peyki noyabr ayında kosmosa buraxılacaq
5 Ayaqları kəsilən Rüstəm Nəbiyev inanılmazı bacardı - VİDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info