Uorlik Dağlıq Qarabağın azərbaycanlı icmasının nümayəndələri ilə görüşəcək
Tarix: 09.10.2014 | Saat: 21:51:00 | E-mail | Çapa göndər


ATƏT-in Minsk Qrupunun amerikalı həmsədri Ceyms Uorlikin Dağlıq Qarabağın azərbaycanlı icmasının rəhbərliyi ilə görüşü nəzərdə tutulur.
Bu barədə ABŞ-ın Azərbaycandakı səfirliyinin mətbuat xidmətindən bildirilib.
Səfirliyin mətbuat xidməti C. Uorlikdən sitat gətirib: “Mən yenidən Dağlıq Qarabağın azərbaycanlı icmasının nümayəndələri ilə görüşməyi səbirsizliklə gözləyirəm. Həmsədrlər bundan əvvəl Bakıya təşkil olunmuş səfərdə onlarla görüşmüşdülər və mən inanıram ki, biz açıq dialoqu davam etdirə bilərik. Mən münaqişədən zərər görən istənilən qrupla görüşməyə hazıram və münaqişəni sülh yolu ilə həll etmək üçün əlaqə saxladığımız insanların fikirlərini eşitmək imkanını yüksək qiymətləndirirəm”.
C. Uorlikin Bakıya səfəri və Dağlıq Qarabağın azərbaycanlı icması ilə keçirəcəyi görüşün vaxtı barədə məlumat verilməyib.
“Dağlıq Qarabağın Azərbaycanlı İcması” İctimai Birliyinin sədri Bayram Səfərov isə deyib ki, sonuncu dəfə həmsədrlərlə görüş üç ay əvvəl olub: “Ümumiyyətlə, bu görüşlər çox zaman nəticəsiz keçib. Onların fəaliyyətindən narazıyıq. Nə qədər ki, biz öz evimizə qayıtmamışıq, razı olmayacağıq. İstəyirik ki, ilk növbədə qaçqın və məcburi köçkünlərin öz torpaqlarına qayıtması məsələsi qabardılsın”.
B. Səfərov C. Uorlikin bu yaxınlarda “Dağlıq Qarabağın de-fakto rəhbərliyinin səsini eşitmək lazımdır” sözlərinə də toxunub: “Bizim də səsimiz eşidilməlidir. Amma təəssüf ki, həmsədrlər tərəfindən bu istiqamətdə yetərincə səy görmürük. İcmaların görüşü barədə məsələ gündəmdə idi. Biz bunu çox istəyirik, rəsmi Bakı da dəstəkləyir. Hələ bu cür görüşlər baş tutmur, çünki Ermənistan hakimiyyəti əngəllər törədir. Əgər Ceyms Uorlik bizimlə görüşmək istəyirsə, əvvəlcədən demək istərdim ki, bizim mövqeyimiz dəyişməz qalır və Azərbaycanın siyasətini dəstəkləyirik. Həmsədrlər qaçqın və məcburi köçkünlərin torpaqlarına qayıtmasını gündəmdə saxlamalıdır”.
Tural




 
Bölməyə aid digər xəbərlər
22.08.2019
Azərbaycan XİN: Ermənistan heç bir halda demokratiyanın qasidi statusuna iddia edə bilməz
22.08.2019
Əli Kərimli mərasimləri, məzarlıqları özünün təbliğat tribunasına çevirməyə çalışır
21.08.2019
Əli Kərimlinin hərəkətləri şəhidlərimizə, onların yaxınlarına hörmətsizlikdən başqa bir şey deyil
21.08.2019
Mühacirlərin internet TV-ləri haradan maliyyələşir?
20.08.2019
Saakaşvili: “Qarabağ Azərbaycandır, bütün dünya bu fikirdədir”

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10868

1 Bakıdan avtobusla Naxçıvana gedənlərə şad xəbər
2 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
3 “Stokholmda Rəssamlıq qalereyası açmaq planım var”
4 Prezident Kitabxanasında İrəvan xanları nəslinin nümayəndəsi Əmir Əli Sərdari İrəvani ilə görüş olub
5 Los Anceles sinaqoqunda Azərbaycanın tolerantlığına dair təqdimat keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info