Fransa mətbuatında “Azərbaycan: Avropa Oyunları diqqət mərkəzində“ başlıqlı məqalə
Tarix: 10.10.2014 | Saat: 21:48:00 | E-mail | Çapa göndər


Fransanın nüfuzlu "Les Echos" qəzetində 2015-ci ilin iyun ayında Bakıda keçiriləcək ilk Avropa Oyunlarından həhs edən "Azərbaycan: Avropa Oyunları diqqət mərkəzində" başlıqlı məqalə dərc olunub. Bu barədə Azərbaycan Xarici İşlər Nazirliyinin mətbuat xidmətindən məlumat verilib.
Məqalədə Azərbaycanın Avropa Oyunlarını yüksək səviyyədə təşkil etməyə və bununla da dünya ictimaiyyətinə ölkəmizi olimpiada vətəni kimi təqdim etməyə səy göstərdiyi yer alıb.
Müəllif Olivye Bunden qeyd edib ki, regionun aparıcı dövləti olan Azərbaycan bir neçə ildir, inkişaf səviyyəsi ilə beynəlxalq aləmdə ciddi nüfuz qazanıb və bununla da Qərb qonşularının diqqətini özünə cəlb edib.
Məqalədə Azərbaycanın iki dəfə Olimpiya Oyunlarına ev sahibliyi etməyə cəhd göstərməsi və sonda istəyinə nail olması xüsusi qeyd olunub. Fransız jurnalist Avropa Oyunlarının yüksək səviyyədə təşkilinin Azərbaycana tez-tez belə beynəlxalq miqyaslı yarışların keçirilməsinə imkan verəcəyini bildirib.
O.Bunden Rusiya, Türkiyə və İranla sərhəddə yerləşən və 10 milyon əhalisi olan ölkəmizin neftlə zənginliyindən bəhs edib, müxtəlif xidmət növləri sektorunu inkişaf etdirməklə və turizm imkanlarını genişləndirməklə iqtisadiyyatını daha da inkişaf etdirməkdə maraqlı olduğunu diqqətə çatdırıb.
Məqalədə Azərbaycan xalqının tolerant sivilizasiya keyfiyyətinə malik olduğu, ölkəmizin Avropa və Asiya arasında körpü rolu oynadığı, öz coğrafi vəziyyətinə görə mühüm geosiyasi məkanda yerləşdiyi və daha çox Qərbə inteqrasiyaya maraqlı olduğu, Avropaya özünün yüksək inkişafı ilə nəyə qadir olduğunu göstərməyə cəhd etdiyi barədə fransız oxuculara ətraflı məlumat verilib. Habelə, məqalədə 2015-ci ilin iyun ayında təşkil olunacaq Avropa Oyunlarında Avropanın 49 ölkəsini təmsil edən 6 min idmançının iştirak edəcəyi diqqətə çatdırılıb.
O.Bunden gözlənilən etimadı doğrultmaq məqsədilə Avropa Oyunları üçün 65 min tamaşaçı yerlik və bütün tələblərə cavab verən müasir tipli stadionun tikintisinin sürətlə aparıldığını vurğulayıb.
Avropa Oyunlarına hazırlığın gedişatını izləmək məqsədilə təşkilat komitəsinin artıq dörd dəfə ölkəmizə səfər etdiyi, Oyunların televizor vasitəsilə bütün dünyaya yayımlanacağı məqalədə qeyd olunub. Avropa Oyunlarının keçirilməsində Azərbaycanın xüsusi inadkarlıq göstərdiyini diqqətə çatdıran müəllif qeyd edir ki, bununla da Azərbaycan ölkənin inkişaf strategiyasını dünya ictimaiyyətinə çatdırmaq istəyib.
Sonda bildirilir ki, 2024-cü ildə keçiriləcək Yay Olimpiya Oyunlarına ev sahibliyi etmək istəyən namizəd şəhərlər arasında Bakının şansı daha çoxdur.
Məqalə ilə aşağıdakı link vasitəsilə tanış olmaq mümkündür: http://www.lesechos.fr/idees-debats/cercle/cercle-110513-azerbaidjan-les-jo-en-ligne-de-mire-1046163.php

Tural




 
Bölməyə aid digər xəbərlər
22.03.2019
Birinci qrup əlilliyə görə əmək pensiyası alanlara gələn aydan Prezident təqaüdü veriləcək
20.03.2019
Tovuzda şəhid ailələrinə bayram sovqatı paylanıb
19.03.2019
Məcburi köçkün qəsəbələrində Novruz şənlikləri keçirilib
19.03.2019
Qaradağda bayram münasibəti ilə aztəminatlı ailələrə yardım edilib
18.03.2019
Müharibə əlilləri və onlara bərabər tutulanlar üçün bu il əlavə 400-dən çox avtomobil alınıb veriləcək

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Azərbaycan xalqı zəngin mədəniyyətə sahibdir
3 Lənkəranın ucqar kənd məktəbində Novruz şənliyi keçirilib
4 İraqda bərə qəzaya uğrayıb: 71 ölü
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info