ÜDM-in 3% artacağı proqnozlaşdırılır
Tarix: 27.10.2014 | Saat: 20:26:00 | E-mail | Çapa göndər


Beynəlxalq Valyuta Fondu (BVF) 2014-cü ildə Azərbaycanda ÜDM-in 4%, 2015-ci ildə isə 3% artacağını proqnozlaşdırır. Bu barədə BVF-nin Azərbaycanda səfərdə olan missiyasının rəhbəri Raca Almarzoqi məlumat verib.
R. Almarzoqi deyib ki, neft hasilatının bir qədər azalması, ehtiyatlı büdcə-vergi siyasəti və zəruri olan makro-prudensial sərtləşmə tədbirləri nəticəsində qeyri-neft sektorunda artım səngiyəcək.
Missiyanın 2015-ci ilin büdcəsində fiskal konsolidasiyanı davam etdirərək fiskal davamlılıq istiqamətində əldə edilən son irəliləyişləri dəstəkləməyi tövsiyə edir.
Onun sözlərinə görə, neftin qiyməti büdcədə ehtiyatlı ehtimal olaraq bir barelə görə 90 dollar nəzərdə tutulsa da, beynəlxalq tədbirlərlə bağlı olan xərc öhdəlikləri fiskal imkanları məhdudlaşdırır.
Missiya rəhbəri bildirib ki, gələcəkdə neftin qiyməti daha əlverişsiz olarsa, bu xərclərin azaldılmasının nəzərdən keçirilməsi üçün əsas ola bilər: “Bununla belə, büdcə təbii qaz ixracının coğrafi baxımdan şaxələnməsini dəstəkləyəcək xərcləri nəzərə ala bilməlidir. Dövlət xərcləri və maliyyə hesabatlılığı üzrə yeni qiymətləndirmənin (PEFA) tamamlanması dövlət xərclərinin səmərəliliyinin daha da artırılması üçün yol açacaq”.

R. Almarzoqi əlavə edib ki, valyuta məzənnəsi geniş ehtiyatlara söykənən pul siyasətinin sabitlik dayağı kimi qalmaqdadır. “Tədricən çevik valyuta məzənnəsinə keçid maliyyə bazarının inkişafına rəvac verə bilər. İstehlak kreditlərinin artım tempinin daha çox səngidilməsi, banklarda davam edən kapitallaşmanın maliyyələşdirilməsi və Azərbaycan Beynəlxalq Bankının restruktruizasiyası bank sisteminin təsirlərə qarşı həssaslığını azaldacaq”, - deyə BVF rəsmisi vurğulayıb.
Missiya rəhbəri həmçinin qeyd edib ki, işgüzar mühitin yaxşılaşdırılması iqtisadiyyatın şaxələndirilməsində həlledici əhəmiyyət kəsb edir və dövlət investisiyalarının bazar iqtisadiyyatına əsaslanan özəl yatırımlarla əvəz edilməsində zəruridir. “Prioritet məsələlərə rəqabət və ticarət qarşısındakı maneələrin aradan qaldırılması üçün tədbirlərin görülməsi, həmçinin korrupsiyaya qarşı mübarizə proqramlarının əhatə dairəsinin genişləndirilməsi daxildir”, - deyə R. Almarzoqi bildirib.
Qeyd edək ki, Azərbaycan hökuməti ÜDM artımını 3,4% səviyyəsində proqnozlaşdırır. Xatırladaq ki, 2013-cü ildə Azərbaycanda iqtisadi artım 5,8% olub.
Tural




 
Bölməyə aid digər xəbərlər
29.03.2020
Koronavirusla Mübarizəyə Dəstək Fonduna köçürülən vəsaitlərin məbləği açıqlandı
29.03.2020
Azərbaycan hökuməti bazar iştirakçılarını dəstəkləməklə mümkün itkiləri minimallaşdırmaq xətti seçib
28.03.2020
Sığorta xidmətlərinin fasiləsizliyi tam təmin edilir
28.03.2020
“Azərişıq” sosial izolyasiyada qalan vətəndaşlara dəstək verməyə daim hazırdır” - VİDEO
28.03.2020
“Azərenerji” strateji əhəmiyyətli müəssisələrdə qabaqlayıcı tədbirlər görür

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11484

1 “Bütün vətəndaşlar xüsusi karantin rejiminə əməl etməlidirlər”
2 Evdə qalmaq niyə vacibdir? – Rəşad Mahmudov səbəbləri açıqladı- VİDEO
3 Biləsuvar Rayon İcra Hakimiyyətinin rəsmi təkzibi
4 Həkim-fitoterapevt: “Koronavirusa qalib gəlmək üçün şəxsi gigiyena qaydalarına tam əməl edilməlidir”
5 Psixoloq Tünzalə Verdiyeva: “Azərbacanda “İtaliya təcrübəsi”ni yaşamamaq üçün son dərəcə məsuliyyətli olmaq vacibdir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info