“Bizim diaspor, bizim media” mövzusunda dəyirmi masa keçirilib
Tarix: 06.11.2014 | Saat: 17:44:00 | E-mail | Çapa göndər


Azərbaycanda Vətəndaş Cəmiyyətinin İnkişafına Yardım Assosiasiyasının “1905.az” portalının Diskussiya Klubunda növbəti müzakirə keçirilib. “Bizim diaspor, bizim media” adlı dəyirmi masa, portalın Diaspor Jurnalistlər Birliyi ilə müştərək təşkilatçılığı sayəsində baş tutub. Müzakirələrdə “1905.az” portalından Fuad Babayev, Diaspor Jurnalistlər Birliyindən Fuad Hüseynzadə, Diasporla iş üzrə Dövlət Komitəsindən Elşad Miraləm, “Karabakhinfo.com” beynəlxalq elektron jurnalından Zaur Əliyev, “Baymedia.az” saytından Əli Zülfüqaroğlu və Elnur Eltürk, “Binəqədi” qəzetindən Siyavuş Əmirli və Vətənpərvər Gənclər Klubunun nümayəndəsi Vüqar Nuriyev iştirak ediblər. İnternet körpü vasitəsilə Diaspor Jurnalistlər Birliyinin Ukrayna təmsilçisi Qaraş Tağıyev də müzakirələrə qatılıb.
Fuad Babayev dəyirmi masanı açıq elan edərək qonaqları salamlayıb və hər kəsə tədbirdə iştirak etdiyinə görə təşəkkür edib.
Fuad Hüseynzadə bildirib ki, KİV diasporun əsas silahdır: “Xarici ölkələrdə çalışan Azərbaycan milli mədəniyyət mərkəzləri, orada yaranan Azərbaycan mühacirət ədəbiyyatı, nəşr olunan ayrı-ayrı mətbu orqanlar, kütləvi informasiya vasitələri bir daha sübut edir ki, bu gün Azərbaycan diasporunun fəaliyyət dairəsi genişdir. Bir sıra ölkələrdə Azərbaycan dilində radio və televiziya verilişlərinin, milli məktəblərin, ayrıca nəşriyyatların mövcudluğu Azərbaycan diasporunun böyük potensial gücə malik olduğunu sübut edir”.
Onun sözlərinə görə, Azərbaycan diaspor mətbuatının tarixini və bu gününü araşdıranda burada iki mövqedən yanaşmaq lazımdır: çap və elektron mediası.
Elşad Miraləm diasporun fəaliyyətində KİV-in əhəmiyyətli rol oynadığını vurğulayıb.
Dəyirmi masada Azərbaycan diasporunun fəaliyyətinin yerli, həmçinin xarici mediada işıqlandırılması sahəsində rast gəlinən problemlərin həlli imkanları tədbirdə geniş müzakirə edilib. Tədbirdə diaspor mediasının gücləndirilməsi ilə bağlı təkliflər irəli sürülüb. Qeyd edək ki, bütün bu təkliflər aidiyyəti qurumlara göndəriləcək.
Xatırladaq ki, “1905.az” Diskussiya Klubunda keçirilmiş dəyirmi masadan hazırlanmış geniş yazı 12 noyabrda “1905.az” portalında dərc ediləcək.

Fuad Hüseynzadə




 
Bölməyə aid digər xəbərlər
18.09.2020
Baş Prokurorluq ibtidai sinif müəlliminin intiharı ilə bağlı yeni məlumat yayıb
18.09.2020
Bu il 947 nәfәr daimi yaşamaq üçün Azәrbaycana gəlib
17.09.2020
Azərbaycanda qeyri-maddi mədəni irsin qorunması ilə bağlı qanun layihəsi hazırlana bilər
17.09.2020
Gələcəkdə fəxri ad alan şəxslərin üzərinə müəyyən öhdəliklər qoyula bilər
17.09.2020
Qeyri-peşəkar mətbuat işçilərinə nəzarət mexanizmi olmalıdır

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11601

1 Aparıcı dovşanlarına malikanə tikdirib-VIDEO
2 Masallıda “Bu günün gəncləri sabahın qurucularıdır ” mövzusunda onlayn videokonfrans keçirilib
3 “Məhəbbət əfsanəsi” və ya əfsanəyə dönmüş ömür
4 Baş Prokurorluq prokurorluq orqanlarına qəbul olmaq istəyən şəxslərə müraciət edib
5 Avropada nümayişçilər polis zorakılığına məruz qalır, amma bu məsələlər heç vaxt müzakirəyə çıxarılmır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info