Mətbuat Şurasının təşəbbüsü ilə yubilyar jurnalist ziyarət edilib
Tarix: 21.11.2014 | Saat: 17:07:00 | E-mail | Çapa göndər



Mətbuat Şurasının Ahıl Jurnalistlər Məclisinin təşəbbüsü ilə ömrünün 35 ilini “Xalq qəzeti”ndə çalışmış Tamara Əliyeva ziyarət edilib. Şuranın «Ahıl jurnalistlərə qayğı: keçmişimizə ehtiram gələcək üçün təcrübə qaynağımızdır» layihəsi çərçivəsində gerçəkləşdirilmiş ziyarət veteran qələm sahibinin 85 illiyi ilə bağlı olub.
MŞ sədri Əflatun Amaşov T.Əliyevanın milli jurnalistikamızın inkişafındakı xidmətlərindən söz açıb. Yubilyarı Azərbaycanda qadınları jurnalist peşəsinə bağlayan canlı örnəklərdən biri kimi dəyərləndirib. O, rəhbərlik etdiyi qurumun yubiley plaketini xanım jurnalistə təqdim edib. T.Əliyeva həmçinin Ahıl Jurnalistlər Məclisinin xatirə hədiyyəsi ilə də mükafatlandırılıb.
MŞ-nin Ahıl Jurnalistlər Məclisinin rəhbəri Yusif Kərimov qocaman jurnalistin mənalı ömür yoluna dair müxtəlif maraqlı məqamlar üzərində dayanıb. Vaxtilə T.Əliyeva ilə birlikdə işləmiş jurnalistlərdən Rafiq Həsənov, Flora Sadıqova, Məzahir Süleymanzadə onun məsuliyyətli işçi və bacarıqlı jurnalist, yaxşı təşkilatçı və qayğıkeş yoldaş kimi kollektivdə böyük nüfuz qazandığını məmnunluqla yada salıblar. “Xalq qəzeti”nin təmsilçiləri Tahir Aydınoğlu, İlqar Musaoğlu, Rafiq Salmanov T.Əliyevanın bugün də keşmiş iş yoldaşları ilə yaxın təmasda olduğunu, redaksiyanın məclislərinə qatıldığını diqqətə çatdırıblar.

85 yaşlı T.Əliyeva jurnalist həmkarlarını özü dəmlədiyi plova qonaq edib. Süfrə arxasında davam edən söhbətdə yubilyar jurnalistikada keçən günlərdən xoş duyğularla söhbət açıb, həmkarlarına peşəkar mətbuatımızın sınaqdan çıxmış ənənələrini xatırladıb, yeni nəsil qələm sahiblərinin söz azadlığından bacarıqla yararlanmasının vacibliyini önə çəkib.

Qeyd edək ki, T.Əliyeva Bakı Dövlət Universitetinin İkinci Dünya Müharibəsindən sonra açılmış jurnalistika şöbəsinin üçüncü buraxılış məzunu olub. 1953-cü ildə ölkənin avanqard dövri nəşri sayılan “Kommunist” (indiki “Xalq qəzeti”) qəzetində ilk ali təhsilli jurnalist qadın kimi fəaliyyətə başlayıb. 35 il fasiləsiz olaraq burada çalışıb, müxtəlif şöbələrdə müxbir, müdir vəzifələrini tutub, ayrı-ayrı illərdə redaksiyanın partiya və həmkarlar təşkilatlarına rəhbərlik edib. T.Əliyevanın bir sıra aktual mövzulara dair yazıları oxucular tərəfindən maraqla qarşılanıb, geniş əks-səda doğurub. Xanım jurnalist təqaüdə çıxandan sonra da respublikanın kütləvi informasiya vasitələri ilə əməkdaşlığını davam etdirib.
Tural




 
Bölməyə aid digər xəbərlər
16.10.2019
70 saylı Masallı şəhər və 71 saylı Masallı kənd seçki dairələrində seminarlar keçirilib
16.10.2019
Masallıda Nəsiminin yubileyinə həsr olunmuş rəsm müsabiqəsi keçirilib
16.10.2019
Gənclər Fondunun Müşahidə Şurasının növbəti iclası keçirilib
16.10.2019
Misirdə Azərbaycanın Müstəqillik Günü münasibətilə müsabiqə keçirilib
16.10.2019
AGAT-a yeni sədr seçilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Namiq Əliyev
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10916

1 Aşqabadda Azərbaycan və Türkmənistan prezidentlərinin görüşü olub
2 Bakıda Rus Kitab Evinin açılmasının 10 illik yubileyi qeyd olunub
3 Aşqabadda MDB Dövlət Başçıları Şurasının geniş tərkibdə iclası keçirilib
4 “Xoşbəxtlikdən, Azərbaycanın qolu sayılmadı“
5 Vasim Məmmədəliyev vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info