“Növbəti bir neçə ay ərzində Ukrayna tam müflis olacaq”
Tarix: 10.12.2014 | Saat: 23:21:00 | E-mail | Çapa göndər


“Əvvəla ondan başlayaq ki, Ukraynanın iflası bir neçə ayın məsələsidir». Bunları əminliklə amerikalı iqtisadçı və politoloq Riçard Ran bildirir. O, “Washington Times” nəşrində dərc etdirdiyi məqalədə iddia edir ki, Kiyevin ölkədə islahatlar keçirəcəyi barədə Beynəlxalq Valyuta Fondu tərəfindən ayrılmış maliyyə yardımının taleyi müəmma olaraq qalır. Ölkədə heç bir islahat keçirilmədi və pullar isə korrupsiya sxemi üzrə aradan çıxarıldı. Ranın fikrincə, kənardan gələcək vəsait, bundan sonra da, əgər ölkədə korrupsiyanın kökü aradan qaldırılmayıbsa, heç bir nəticə
verməyəcək.

«Növbəti bir neçə ay ərzində, çox güman ki, Ukrayna tam müflis olacaq». Bu, Ricard Ranın gəldiyi qənaətdir. Onun fikrincə, Ukraynanın 10 milyarddan da az valyuta ehtiyatları qalıb. Və nəzərə alsaq ki, bu ölkə hər ay təqribən üç milyard itirir, qarşıda bu ölkəni nələr gözlədiyi başadüşüləndir.
İqtisadçı politoluqun sözlərinə görə, Rusiya prezidenti Vladimir Putin bu məsələdə hər şeyi yaxşı başa düşür. Məhz ona görə də o , oturub gözləyir. Amma hələ ki, Ukraynanın iqtisadiyyatı tam dağılmayıb. Bundan əlavə, neftin qiymətinin düşməsi ilə əlaqədar əlverişsiz iqtisadi məqam Putini yeni addımlar atmaqdan çəkindirir.
“Bu ilin aprelində Beynəlxalq Valyuta Fondu Ukraynaya ayrılmış 17 milyard dollar kredit verilməsini təsdiq edib. Verilən kreditin müəyyən hissəsi ölkədə kök salan korrupsiyanın aradan qaldırılmasına sərf edilməli idi. Fondun menecerlərinə görə, təqdim edilmiş plan Kiyevin öz məqsədlərinə nail olmaq istədiyini vəd edirdi. Ancaq bu vədlərin heç biri yerinə yetirilməyib”. Bunlar da Riçard Ranın gəldiyi qənaətdir. O, belə bir sualla çıxış edir: “Bəs, Beynəlxalq Valyuta Fondu tərəfindən ayrılmış bu qədər pul hara xərclənib? Əlbəttə, Kiyev arqument kimi ölkənin şərqindəki müharibəni əsas gətirə bilər. Lakin bu inandırıcı görünmür. Bəli, başa düşüləndir ki, müharibə də müəyyən qədər xərc tələb edir. Amma, mənim təbirimcə, bu ayrılan vəsaitin olsa-olsa bir faizini təşkil edə bilər: Görünür, Ukraynada büdcənin əksər hissəsi müxtəlif «səs alma» sxeminə və rüşvətə sərf edilib».
Ölkə ordusuna gəldikdə isə, onların silahlanması ilə yanaşı ərzaq təminatına da, əsasən, könüllülər sponsorluq edirlər.
«Maliyyənin dağılmasının qarşısını almaq üçün çalışırıq». Ukrayna parlamentinin təsdiq etdiyi və bəzi xaricilərin, o cümlədən, "Gürcüstannın iqtisadi möcüzəsi memarları»nın da cəlb edildiyi bu çağırış, Ukrayna üçün bərpa planı hazırlayacağını nəzərdə tutsa da, məqalə müəllifinin fikrincə, bu, artıq gecikmiş bir çağırış idi: «Bəli, Ukraynadakı böhranı aradan qaldırmaq üçün öz xidmətlərini təklif edən iqtisadçılar ölkənin özündə də çoxdur. Lakin bunlar bütün siyasi qərarların qəbul edilməsinə səbəb olmayacaqdı: siyasətçilər qısamüddətli zəruri iqtisadi islahatların onların iqtisadi maraqlarına zidd olduğunu başa düşürdülər”.
Bəs, Amerika Birləşmiş Ştatları, Avropanın güc mərkəzləri, Beynəlxalq Valyuta Fondu kimi beynəlxalq institutlar Ukraynanın pulunun tükənməsinə necə reaksiya verməlidirlər? Məqalə müəllifinin fikrincə, islahatlar olmadan yeni maliyyə yardımı barədə düşünməyə də dəyməz. Amma burada da başqa bir problem meydana çıxır. Belə ki, vəziyyət belə davam edərsə, bu zaman Putinin Ukrayna üzərində nəzarəti əldə etmək üçün yeni imkanları yarana bilər. Ranın fikrincə, belə görünür ki, Qərb ölkələri hansı nəticələrə səbəb olacağı bilinməyən müəyyən tədbirlər görməli olacaqlar.
Məqalənin bu yerində amerikalı iqtisadçı Polşanın da 25 il bundan əvvəl Ukrayna ilə təxminən eyni mövqedə olduğunu xatırladaraq bildirir ki, həmin ərəfədə polyaklar müdriklik və qətiyyət nümayiş etdirərək zəruri iqtisadi və siyasi islahatlar aparmışdılar, o cümlədən, korrupsiyadan qurtulmağa nail ola bilmişdilər. Məqalə müəllifinin fikrncə, ukraynalılar buna nə rəhbər seçimində, nə də islahatlar sahəsində hələ ki, nail ola bilməyiblər: «Ukraynalılar öz müqəddəratlarını özləri həll edə bilmirlər və çətin ki, xarici qüvvələr onlara yaxından yardımçı ola bilərlər». Bu, politoloqun gəldiyi qənaətdir.
Ağasəf BABAYEV




 
Bölməyə aid digər xəbərlər
19.11.2019
Sərksyan istintaqa çağırılır...
18.11.2019
Tbilisidə aksiyanın dağıdılması zamanı biri polis olmaqla 3 nəfər yaralanıb
18.11.2019
“Ermənistanda işsizliklə bağlı sosial proqramlar iflasa uğrayıb”
18.11.2019
Azərbaycan vətəndaşları Türkiyədə 900-dən çox daşınmaz əmlak əldə edib
18.11.2019
Tiflisdə nümayişlərə 5,5 min nəfər qatılıb

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10944

1 Prezident icra başçılarını qəbul edib: “Elə işləməlisiniz ki, xalq sizdən razı olsun”
2 Bölgə müəllimləri yeni layihələr reallaşdırırlar
3 Masallının Əmirtürbə kəndində şəhid Səfərəli Alışovun adı əbədiləşdirilib
4 Bakıda rusiyalı şairə Yekaterina Xlebnikovanın ilk dəfə yaradıcılıq gecəsi keçirilib
5 Prezident Naxçıvan Muxtar Respublikası Ali Məclisinin Sədri Vasif Talıbovu qəbul edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info