Qrant Baqratyan: “Erməni tarixi və dərslikləri yalanlarla doludur”
Tarix: 06.01.2015 | Saat: 20:36:00 | E-mail | Çapa göndər


“Tarixdə ilk xristian dövlət Ermənistan yox, Osroena olub”

Ermənistan saytı olan “1in” Ermənistanın keçmiş baş naziri, parlamentdə Ermənistan Milli Konqresi fraksiyasının üzvü Qrant Baqratyanın erməni tarixinin və dərsliklərinin yalanlarla dolu olmasını etiraf etməsi barədə maraqlı xəbər yayıb. Məlumatda bildirilir: “Ermənistanın keçmiş baş naziri, parlamentdə Ermənistan Milli Konqresi fraksiyasının üzvü Qrant Baqratyan özünün “Facebook” səhifəsində yazıb: “Milad liturgiyası. Ermənilər xristianlığın yayılmasına öz ciddi töhfələrini veriblər. Bu mübahisəsizdir. Amma bəzən biz dövlətlə dini qarışdırırıq və dərsliklərimizi, tarixi yalanlarla doldururuq. Tarixi saxtalaşdırmaq olmaz.
Məsələn,dünyada birinci xristian dövlət Osroena olub. Heç olmasa, bir dəfə ensiklopediyanı vərəqləyin. Biz özümüz-özümüzü tərifləyə-tərifləyə bilmirik ki, dünyada ən geridə qalmış dövlətlərdən biriyik. Biz həqiqətən də fəxr etməli olan nə etmişik? Öz barəmizdə bu cür düzgün olmayan məlumatları yaymaq birinci növbədə, özümüzə qarşı yönəlib. Hamını öyrətməyə iddia edirik, amma bu zaman özümüz barədə unuduruq”.

“Heç olmasa, bir dəfə ensiklopediyanı vərəqləyin. Biz özümüz-özümüzü tərifləyə-tərifləyə bilmirik ki, dünyada ən geridə qalmış dövlətlərdən biriyik. Biz həqiqətən də fəxr etməli olan nə etmişik? Öz barəmizdə bu cür düzgün olmayan məlumatları yaymaq birinci növbədə, özümüzə qarşı yönəlib”


Göründüyü kimi, artıq neçənci erməni ictimai xadimidir ki, erməni mifləri və yalanlarını, tarixi uydurmalarını inkar edir. Təsadüfi deyil ki, xeyli müddət öncə Azərbaycan Prezidenti Administrasiyasının rəhbəri, akademik Ramiz Mehdiyev özünün “Ermənilərin mif yaradıcılığı tarixdə ilk xristian dövləti kontekstində” əsərində bu məqama çox əhatəli və dərin əsaslandırılmış faktlarla toxunub. Akademikin fikrincə, erməni Apostol kilsəsi, erməni diasporu, siyasi elita, ideoloqlar və “tarixçilər” birlikdə dünya ermənilərini miflər aləmində saxlamaqda davam edir. Akademik bunları nəzərə alaraq, mötəbər mənbələrdən, o cümlədən erkən xristianlığın tarixindən, habelə erməni mənbələrindən gətirilən təkzibedilməz tarixi dəlillər əsasında sübut edir ki, ermənilərin xristianlığı dövlət səviyyəsində birinci olaraq qəbul etmələri barədə dedikləri uydurmadan başqa bir şey deyil: “Tarixçilər çoxdan eyni fikrə gəliblər ki, xristianlığa üz tutan ilk monarx aramidilli Osroyenanın hökmdarı, eramızdan əvvəl 4-cü ildən bizim eranın 7-ci ilinə qədər, sonra isə bizim eranın 13-50-ci illərində hakimiyyətdə olmuş Edessa çarı V Abqardır”. Qeyd edək ki, sözügedən kitabda bu çarlığın bütün hökmdarlarının siyahısı xronoloji ardıcıllıqla verilib. Osroyenanın xristianlığı birinci olaraq qəbul etməsini S.Moffet, U.Smit, Artur MakQiffert, Samuel Çetham, Ceyms Hastinq və bir çox başqaları təsdiq edirlər. Akademik Ramiz Mehdiyevin kitabında bu tarixçi və ilahiyyatçıların fikirlərindən iqtibaslar gətirilir...
Beləliklə, akademik sübut edir ki, ermənilərin ilk xristianlığa və digər qədim tarixə aid iddiaları tamamilə absurddur və heç bir elmi-tarixi əsasa söykənmir. İndi isə bunu erməni başbilənlərinin özləri də təsdiq edir...

İlkin AĞAYEV






 
Bölməyə aid digər xəbərlər
11.08.2020
Azərbaycan domen adlarının milli inzibatçısı müəyyənləşdi
11.08.2020
Serbiya Azərbaycanın ərazi bütövlüyünü dəstəkləyir
11.08.2020
Azərbaycan və Türkiyə XİN başçıları arasında geniş tərkibli görüş keçirilib
11.08.2020
Qardaş Azərbaycanın yanındayıq, yanında olmağa da davam edəcəyik
11.08.2020
Serbiya Baş Nazirinin müavini, Milli Təhlükəsizlik Şurasının katibi Azərbaycana gəlib

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 Dr. Səttar Yaqubov: Koronovirusla mübarizə aparan Mərkəzi Gömrük Hospitalının tibb personalının sağlamlığının qorunması bizim əsas vəzifə borcumuzdur
2 Statistika sahəsində hesabatlılığın səmərəliliyi artacaq, məlumatlardan istifadə imkanları sadələşəcək
3 Gürcüstanın turizm gəlirləri 80 faiz azalacaq
4 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır
5 Turizm Agentliyi sahibkarlara müraciət edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info