“Rusiya NATO və Amerika ağalığına son qoya bilər”
Tarix: 13.01.2015 | Saat: 00:17:00 | E-mail | Çapa göndər


“Avropa tənəzzül dövrünə qədəm qoyarsa, bütün Qərb bankları
“kağızdan düzəldilmiş evciklər” kimi bir gecədə dağıla bilər”

Prezident Reyqanın məsləhətçilərindən biri olmuş amerikalı iqtisadçı Pol Kreyq Robertsə görə, Moskvanın Qərb üzərində qələbə qazanması üçün NATO ölkələrinə enerji satmaqdan imtina etməsi kifayətdir. Onun iddialarına əsasən, Qərbin aparıcı dövlətlərinin hazırda Rusiyada yaşananlara sevinməsi hələ çox erkəndir:
“Bu gün yayılan xəbərlərdə bəziləri çoşqun sevinclə “nəhayət ki, Rusiya torpaq altına gömülür”, “Rusiya üzərində qələbə çalındı”, “Rusiya artıq sındırıldı və onun Amerikanın vassalı olmaqdan başqa bir yolu qalmayıb” deyə bəyan edirlər. Bütün bu ağılsız fikirləri eşidərkən, məndə bəzi insanların niyə belə məntiqsiz düşünmələri barədə qəribə təəssüratlar yaranır. Təəssüflər ki, belə düşünən şəxslər Vaşinqtonda da kifayət qədərdir”. “King World News” nəşrinə müsahibə verən amerikalı iqtisadçıya görə, Rusiya hökuməti günü sabah Avropa bank sistemini iflic vəziyyətinə sala bilər: “Əgər Rusiya rubla qarşı hücumların siyasi xarakter daşıdığını elan edərək, Avropa banklarına pul köçürmələrini rublun sabitləşməsindən sonra edəcəyini deyərək dayandırsa, Avropa Birliyinin bir çox bankı iflic ola bilər. Avropanın bir çox bankının əsas kapitalını Rusiya kreditləri təşkil edir. Siz təsəvvür edə bilərsinizmi, bunun təsiri Qərbə necə böyük ola bilər? Etiraf etmək lazımdır ki, bunlar bir-biri ilə əlaqəlidir. Sonda bütün bunlar Amerika investisiya bankı “Lehman Brothers”in iflası dövründə olduğu kimi, ABŞ-dan da yan keçməyəcək. Ona görə də başa düşmək lazımdır ki, Avropa tənəzzül dövrünə qədəm qoyarsa, bütün Qərb bankları “kağızdan düzəldilmiş evciklər” kimi bir gecədə dağıla bilər. Əgər Rusiya son həddə qədər özündən çıxmaq dərəcəsinə gətirilərsə, ona yalnız “NATO ölkələrinə təbii qaz və enerji məhsulları satmırıq” demək qalacaq. Bunun nəticəsi alyansın dağılması ola bilər. Hətta Almaniya kimi “oyuncaq dövlət” sənayesinin dayanmasına, işsizliyin 40 faizdən çox artmasına və nəhayət insanların soyuqdan donmasına imkan verməz. Bu, hələ ki, baş verməyib və əgər baş versə, NATO və Amerika ağalığının sonu olacaq”. Roberts bunları əminliklə bəyan edir və xatırladır ki, bütün kartlar Vaşinqtonun yox, Putinin əlindədir: “Putin Rusiyanı Şərqə yönəltmək niyyətindədir. Hamı görəcək ki, Rusiya, Hindistan və Çin necə dünya liderinə çevrilirlər”. İqtisadçının ehtimallarına görə, bütün bunlar 2015-ci ildən öz həllini tapmağa başlayacaq.
Ağasəf BABAYEV




 
Bölməyə aid digər xəbərlər
11.08.2020
Azərbaycan domen adlarının milli inzibatçısı müəyyənləşdi
11.08.2020
Serbiya Azərbaycanın ərazi bütövlüyünü dəstəkləyir
11.08.2020
Azərbaycan və Türkiyə XİN başçıları arasında geniş tərkibli görüş keçirilib
11.08.2020
Qardaş Azərbaycanın yanındayıq, yanında olmağa da davam edəcəyik
11.08.2020
Serbiya Baş Nazirinin müavini, Milli Təhlükəsizlik Şurasının katibi Azərbaycana gəlib

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 Dr. Səttar Yaqubov: Koronovirusla mübarizə aparan Mərkəzi Gömrük Hospitalının tibb personalının sağlamlığının qorunması bizim əsas vəzifə borcumuzdur
2 Statistika sahəsində hesabatlılığın səmərəliliyi artacaq, məlumatlardan istifadə imkanları sadələşəcək
3 Gürcüstanın turizm gəlirləri 80 faiz azalacaq
4 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır
5 Turizm Agentliyi sahibkarlara müraciət edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info