“Kənd təsərrüfatı ili”ndə Qubada yeni regional laboratoriya qurulur
Tarix: 16.01.2015 | Saat: 19:02:00 | E-mail | Çapa göndər


Qubada Kənd Təsərrüfatı Nazirliyinin təşkilatçılığı ilə “Meyvəçilikdə mütərəqqi becərmə texnologiyalarının tətbiqi və tingçiliyin inkişafı” mövzusunda regional müşavirə keçirilib. Rayonun Zərdabi qəsəbəsində yerləşən Aqrar Elm Mərkəzi Elmi-Tədqiqat Bağçılıq və Subtropik Bitkilər İnstitutunda keçirilən müşavirədə Quba, Qusar, Xaçmaz, Şabran, Siyəzən və Xızı rayonlarında fəaliyyət göstərən kənd təsərrüfatı qurumlarının rəhbərləri, alimlər, mütəxəssislər, fermerlər və digər özəl bölmələrin nümayəndələri iştirak ediblər.
Müşavirənin əsas məqsədi bitkiçilik məhsullarının istehsalçılarına, eyni zamanda, meyvəçiliklə məşğul olan fermerlərə məhsuldarlığın yüksəldilməsində, ting istehsalının müasir standartlara uyğun səviyyədə qurulmasında kömək etməkdir.
Regional müşavirədə Kənd Təsərrüfatı Nazirliyi Aparatının bitkiçilik şöbəsinin müdiri İmran Cümşüdov “Quba-Xaçmaz bölgəsində meyvəçiliyin vəziyyəti və inkişaf perspektivləri”, Kənd Təsərrüfatı Nazirliyi yanında Bitki Sortlarının Qeydiyyatı və Toxum Nəzarəti üzrə Dövlət Xidmətinin rəisi Möhtəsim Əhmədov “Tingçiliyin mövcud vəziyyəti və İnkişaf etdirilməsi”, Azərbaycan Elmi-Tədqiqat Bağçılıq və Subtropik Bitkilər İnstitutunun elmi işlər üzrə direktor müavini Vahid Əliyev “Meyvə bağlarında mövsümü qulluq işləri” mövzularında çıxışlar ediblər.
Bununla yanaşı, “Yeni texnologiya ilə salınmış bağlarda becərmə tədbirləri”, “Mütərəqqi becərmə texnologiyalarında gübrələrdən istifadənin əhəmiyyəti”, “Amerika ağ kəpənəyinin bioloji xüsusiyyətləri və ona qarşı mübarizə tədbirləri” mövzuları da əsas müzakirə predmeti olub.
Regional müşavirədə Azərbaycan Respublikasının Prezidenti İlham Əliyevin sərəncamına əsasən 2015-ci ilin “Kənd təsərrüfatı ili” elan edilməsi bir daha diqqətə çatdırılıb. Bu sərəncamın ölkəmizdə kənd təsərrüfatı sahəsinin daha da inkişaf etdirilməsində müstəsna rol oynayacağı xüsusi vurğulanıb.
Müşavirədə, həmçinin qeyd olunub ki, şimal bölgəsində tingçilik və toxumçuluq sahəsində sertifikatlaşdırılmanın həyata keçirilməsi üçün Qubada yeni regional laboratoriyanın qurulmasına başlanılıb.
Mövzular ətrafında müzakirələrdən sonra müşavirə iştirakçıları yeni texnologiyaların tətbiq edildiyi bağ sahələrinə baxış keçiriblər.
Tarla şəraitində müasir becərmə sistemini nümayiş etdirmək məqsədilə rotorlu kultivatorların cərgələrarası becərməsi, eyni zamanda, budama zamanı bitki qalıqlarını xırdalayıb doğrayan aqreqatların iş prinsipi fermerlərə əyani şəkildə göstərilib. Bildirilib ki, bu müasir texnikalardan istifadə etməklə meyvəçilikdə məhsuldarlığı yüksəltmək və əl əməyini azaltmaqla iqtisadi rentabelliyin səviyyəsini yüksəltmək olar.

Nigar




 
Bölməyə aid digər xəbərlər
14.08.2020
Azərbaycanda 103 nəfər koronavirusa yoluxdu, 221 nəfər sağaldı
14.08.2020
Azəriqaz: İstixana sahiblərinə güzəştlər təklif oluna bilər
14.08.2020
Neftçalada 300 ailəyə ərzaq yardımı paylanıb
13.08.2020
Azərbaycanda 91 nəfər koronavirusa yoluxdu, 211 nəfər sağaldı
13.08.2020
Baş Nazir 48 dövlət orqanında işçilərin işə cəlb edilməsi qaydasına dair tapşırıq verib

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11586

1 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır
2 Azərbaycanda böyrək transplantasiyası əməliyyatlarına yenidən başlanacaq
3 Tanınmış şair Cəlal Qurbanov: “Sənin önündə əyilirəm Xanlar əmim”
4 Sabahdan Rusiyadan Türkiyənin turizm mərkəzlərinə aviareyslər başlayır
5 Almaniyada həşəratların qorunması haqqında qanun layihəsi


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info