“Fransa ABŞ tərəfindən diktə edilən xarici siyasətini dəyişməlidir”
Tarix: 04.03.2015 | Saat: 23:22:00 | E-mail | Çapa göndər


“Fransa Suriya ilə diplomatik münasibətləri bərpa edərək Rusiya ilə birlikdə terrorizmə qarşı mübarizə aparmalıdır”. Bu fikirləri özünün şəxsi “Twitter” səhifəsində yazan Fransa "Milli Cəbhə" partiyasının lideri Marin Le Pen ölkəsinin xarici siyasətini dəyişməyə çağırış edib: “Fransa Amerika Birləşmiş Ştatları tərəfindən diktə edilən xarici siyasətini kökündən dəyişməlidir”.
Bundan əlavə, siyasətçi hesab edir ki, Fransa hökuməti Suriya ilə əlaqələrini bərpa etməlidir. O, rəsmi Parisi Rusiya ilə münasibətləri də yaxşılaşdırmağa çağırıb. Son hadisələrlə bağlı Fransanın başqa bir siyasətçisi, sabiq prezident Jiskar Desten də maraqlı fikirlər səsləndirib. İlk öncə, Ukraynada baş verənlərə münasibət bildirən siyasətçi bu ölkənin əvvəlki hakimiyyətinin idarəçiliyinin narazılıq yaratdığını etiraf edib. Siyasətçi prezident Yanukoviçin hakimiyyətdən getməsində bunu əsas olaraq göstərir. Amma onun fikrincə, Ukraynada vəziyyət qeyri-müəyyən olaraq qalır və hakimiyyət dəyişikliyi demokratik baş verməyib: “ABŞ-a gəldikdə isə bütün bu oyunlara dəstək verdiyi açıqca sezilir”. Siyasətçiyə görə, ABŞ-ın Rusiyaya qarşı sanksiyalar siyasətinə rəhbərlik etməsi beynəlxalq hüquq pozuntusudur. Jiskar Desten Fransız diplomatiyasının Avropada rəhbərlik səylərini genişləndirmək, Ukraynadakı hadisələrin siyasi həllində aparıcı rol oynamaq istəyini də gizlətmir. Onun fikrincə, Kiyevin Avropa arzusu bir yuxu idi: “Çünki qarşıda heç bir perspektiv görməyən ukraynalılar gözəl həyat arzusunda idilər. Lakin bu məqamda realist olmaq lazımdır. Müqayisə üçün bildirək ki, Avropanın mərkəzində yaşayan macarlar Avropa Birliyində olmaq istəmirlər. Avropa Birliyi isə 7 ildən sonra da Bolqarıstan və Rumıniyanı qənaətbəxş səviyyədə inteqrasiya edə bilməyib. Əlbəttə, tərk edilmiş insanlar üçün Avropa Birliyi cazibədar görünür. Bura sülhlə təmin edilmiş ərazi olmasına baxmayaraq, bu, təşkilata üzvlük haqq qazandırmaq üçün kifayət deyil. Ukrayna Avropa Birliyinə üzv ola bilməz”.
Ağasəf Babayev




 
Bölməyə aid digər xəbərlər
16.01.2019
Nikola Sturgeon: Brexitlə bağlı yeni referendumun keçirilməsi vacibdir
14.01.2019
“Azərbaycan hər ili əvvəlki ildən daha möhtəşəm uğurlara imza atır”
13.01.2019
Prezident Ermənistandakı böyük problemlərin məhz Sarkisyan rejiminin mahiyyətindən irəli gəldiyini təkzibolunmaz faktlarla sübut etdi
13.01.2019
2019-cu ilin “Nəsimi ili” elan edilməsi Nəsimi ideyaları əsasında azərbaycançılıq təfəkkürünün inkişaf etdirilməsi baxımından çox mühümdür
13.01.2019
Azərbaycanın uğurlu siyasəti Ermənistanın kriminal xunta rejiminin mahiyyətini açıb ortaya qoydu

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10562

1 “Azərbaycan güclü ölkə kimi dünya miqyasında özünü təsdiqləyib”
2 Xocalı tarixi və mədəniyyəti
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycan Dövlət Pedaqoji Universitetində doktoranturaya və dissertanturaya qəbul başlanıb
5 Azərbaycanın qonşu ölkələrlə əlaqələri yüksək səviyyədədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info