Forum çərçivəsində seminar keçirilib
Tarix: 20.05.2015 | Saat: 01:44:00 | E-mail | Çapa göndər


Kalin Rus: “Şagirdlər, tələbələr fəal
vətəndaşlara çevrilməlidirlər və bu işdə əsas məsuliyyət təhsilin üzərinə düşür”

Dünən Üçüncü Ümumdünya Mədəniyyətlərarası Dialoq Forumu çərçivəsində Avropa Şurasının təşkilatçılığı ilə “Demokratik mədəniyyət səriştə modeli” mövzusunda seminar keçirilib. Avropa Şurasının təhsil siyasəti şöbəsinin nümayəndəsi Kristofer Reynolds seminarda çıxış edərək bildirib ki, təşkilata üzv ölkələrin dövlət başçılarının 2005-ci ildə keçirilən üçüncü zirvə toplantısında demokratik mədəniyyət modelinin təsis edilməsi ilə bağlı razılıq əldə edilib. Bunun əsasında demokratik mədəniyyət layihəsi yaradılıb. Demokratik vətəndaşlıq, insan hüquqları və mədəniyyətlərarası dialoq məsələləri bu layihədə yer alıb. 2008-ci ildə “Bərabər ləyaqətlə birlikdə yaşamalı” adlı sənəd qəbul edilib. Məqsəd mədəniyyətlərarası səriştəni öyrənmək və öyrətmək, mədəniyyətlərarası dialoq üçün məkanlar yaratmaq və onu inkişaf etdirmək olub. Qeyd edilib ki, Avropa Şurası yaradıldığı gündən təhsil sahəsinin inkişafına xüsusi diqqət yetirib və bu istiqamətdə müxtəlif layihələr həyata keçirib. Vurğulanıb ki, mədəniyyətlərarası dialoq dillərlə çox sıx bağlıdır. Ona görə də Avropa dil portfelində mədəniyyətlərarası təcrübəyə əsaslanan xüsusi bölmə var. Bu bölmənin 2009-cu ildə genişləndirilməsinə qərar verilib. 2009-cu ildə mədəniyyətlərarası təmaslara dair sənəd qəbul olunub. Bu da insanların mədəniyyətlərarası təmaslar haqqında düşünmələrinə imkan yaradır. Timişoara Mədəniyyətlərarası İnstitutunun direktoru və əsas ekspert qrupunun üzvü Kalin Rus“Demokratik mədəniyyət səriştə modeli” haqqında geniş məlumat verib. O deyib ki, Avropa Şurası ayrı-ayrı ölkələrdə bu istiqamətdə layihələrin həyata keçirilməsində daha fəal ola bilər. Bir sıra ölkələrin təhsil nazirliklərinin sorğusu əsasında mədəniyyətlərarası dialoq, insan hüquqları, təhsil, demokratik vətəndaşlıq və s. mövzularda təlimlər keçirilib. Bu təlimlərin çox böyük əhəmiyyəti olub. Təhsil fərdləri inkişaf etdirmək və onları yetkin həyata hazırlamaqdan başqa digər vəzifələr də daşıyır. Şagirdlər, tələbələr fəal vətəndaşlara çevrilməlidirlər və bu işdə əsas məsuliyyət təhsilin üzərinə düşür. Mədəni müxtəlifliklə seçilən demokratik cəmiyyətlərdə vətəndaşların fəal iştirakı üçün imkan yaradılmalıdır. Bu, Avropa Şurasının dəyərlərinə tam şəkildə uyğundur. Biz haqqında danışdığımız layihədə bunu çox aydın şəkildə ortaya qoyuruq. Diqqətə çatdırılıb ki, demokratik cəmiyyətlərdə demokratik mədəniyyət olmalıdır. Qanunun aliliyi, insan hüquqlarına hörmət, bir-birini dinləmək qabiliyyəti, əməkdaşlıq mədəniyyəti, münaqişələrin dinc yolla həll edilməsi, azlıqların hüquqlarının qorunması, müxtəlif mədəni qrupların ictimai həyatda fəal iştirakı - bütün bunlar demokratik mədəniyyətin tərkib hissəsidir. Seminarda mədəniyyətlərarası səriştələrin mövcud konseptual modelləri və sxemləri təhlil edilib, geniş fikir mübadiləsi aparılıb.
Qorqud




 
Bölməyə aid digər xəbərlər
23.08.2019
Alınmaz qalamız Sədərək düşmənə gözdağıdır
23.08.2019
Masallı rayonunun Güllütəpə kəndi ərazisində səyyar görüş
22.08.2019
Səfərbərlik və Hərbi Xidmətə Çağırış üzrə Dövlət Xidmətinin rəhbərliyi Şəmkir və Tovuzda vətəndaşları qəbul edib
21.08.2019
Aşura mərasimləri: ənənəvilik və müasirlik
21.08.2019
Masallı rayonunun Birinci Səmidxanlı ərazisində səyyar görüş

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10870

1 Bakıdan avtobusla Naxçıvana gedənlərə şad xəbər
2 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
3 “Stokholmda Rəssamlıq qalereyası açmaq planım var”
4 Prezident Kitabxanasında İrəvan xanları nəslinin nümayəndəsi Əmir Əli Sərdari İrəvani ilə görüş olub
5 Los Anceles sinaqoqunda Azərbaycanın tolerantlığına dair təqdimat keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info