Kompüteri necə müdaxilədən qorumaq olar
Tarix: 29.07.2015 | Saat: 22:40:00 | E-mail | Çapa göndər


“The Guardian” nəşri yazır ki, “Google” şirkəti kompüteri müdaxilədən qorumaq üçün təhlükəsizlik üzrə ekspertlərin fikrini öyrənib.

Həmişə sistem
yeniləmələrini yükləyin

Ekspertlər ilk növbədə sistem yeniləmələrinin quraşdırılmasını tövsiyə edirlər. “Zecurion” analitik mərkəzinin direktoru Vladimir Ulyanov bildirir ki, əgər sistem vaxtında yenilənməsə, o zaman boşluqlar vasitəsilə kompüterə müdaxilə ediləcək.

Mürəkkəb parollardan
istifadə edin

“ESET Russia”nın texniki və marketinq xidmətinin direktoru Andrey Oskin bildirib ki, əksər hallarda hesablara müdaxilə və parolların oğurlanması istifadəçilərin öz günahı ucbatından (sadə parollar seçirlər) baş verir.
"Məsələn, keçirdiyimiz sorğuya əsasən, respondentlərin 16 faizi parol və “PIN” kodları kağız üzərinə yazır, 14 faizi fərdi kompüter, noutbuk və ya smartfonlarda bunun üçün qeyd yaradırlar" - deyə, Oskin qeyd edib.
Ekspert on simvol uzunluğunda mürəkkəb parollardan istifadəni tövsiyə edir. Rəqəm və xüsusi simvollar, böyük, həm də kiçik hərflərdən istifadə edin. Bundan başqa, o bildirib ki, istənilən bioqrafik informasiya (doğum tarixi və sairə), ev heyvanları, hərf və ya rəqəm ardıcıllığı, lüğət sözlərinə əsaslanan parollardan imtina etmək lazımdır.

İnternetdə sayıqlığı
əldən verməyin

“Kasperski Laboratoriyası”nın əsas antivirus eksperti Aleksandr Qostev hesab edir ki, kompüterə müdaxilədən xilas olmağın əsas üsulu internetdə iş zamanı sayıq olmaqdır. "Məsələn, kiməsə öz fərdi məlumat və ya məxfi informasiyanızı göndərərkən əmin olun ki, adresat həqiqidir" - o deyib. Qostev, həmçinin müxtəlif xidmətlər üçün eyni loqin və paroldan istifadə etməməyi tövsiyə edib, çünki bir xidmət üzrə hesab məlumatlarının oğurlanması digər xidmətlərinizi də zərbə altına qoyur.
Bütün ekspertlərin fikri belədir ki, fərdi məlumatların ələ keçirilməsi və kompüterə müdaxilənin əsas səbəblərindən biri fişinqdir. Diqqətsiz istifadəçilər populyar internet xidmətinin saxta avtorizasiya səhifəsinə daxil olaraq öz hesab məlumatlarını daxil edə bilər. Nəticədə məlumatlar kibercinayət karların verilənlər bazasına yazılır.

Hesab məlumatlarını mobil telefon
nömrəsinə bağlayın

Ekspertlər imkan daxilində profil mobil telefon nömrəsinə bağlamağı tövsiyə edirlər. Əgər sizin hesabınızı ələ keçirsələr, o zaman mobil telefon nömrəsinin köməyi ilə hesaba girişi bərpa etmək daha sadə olacaq.
Bundan başqa, bir çox xidmətlərdə telefon nömrəsinə bağlama iki addımlı avtorizasiyadan istifadəyə imkan verir: paroldan başqa, mobil telefona göndərilmiş birdəfəlik istifadə üçün “PIN” kodu daxil etmək lazım gələcək.





 
Bölməyə aid digər xəbərlər
11.11.2018
“Instagram“ tənhalıq və depressiyaya səbəb olur?
11.11.2018
Düşənbədə “Oşi palav” festivalında 10 ton plov bişirilib
03.11.2018
“Airbus” Aya səyahət üçün modul elektrik stansiyası hazırlayıb
03.11.2018
Yaponiyanın “Euglena” startap şirkəti yosunlardan bioyanacaq istehsal edəcək
03.11.2018
Norveçdə poçt bağlamalarının çatdırılması robotlara həvalə ediləcək

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10471

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info