Təbrizdə “Ustad Şəhriyar adına birinci mədəniyyət medalı” festivalı keçirilib
Tarix: 15.09.2015 | Saat: 20:49:00 | E-mail | Çapa göndər


İranın Azərbaycandakı səfiri Möhsün Pakayin “Ustad Şəhriyar adına birinci mədəniyyət medalı” festivalında görkəmli şair Məhəmmədhüseyn Şəhriyarın bir şəxsiyyət kimi milli və beynəlxalq arenada tanıtdırılması məqsədilə iki təkliflə çıxış edib. Bu barədə İranın Azərbaycandakı səfirliyindən məlumat verilib.
Məlumata əsasən, Təbrizdə keçirilən festivalda çıxış edən M.Pakayin hər il M.Şəhriyarla bağlı hər dəfə İranın bir əyalətində yazıçı və şairlərin, ədəbiyyatçıların iştirakı ilə beynəlxalq konfransın, həmçinin İranın və Azərbaycanın şəhərlərində M.Şəhriyarın yad edilməsi məqsədilə toplantı və simpoziumların keçirilməsini təklif edib: “İran və Azərbaycan rəhbərliklərinin mədəni əlaqələrin genişlənməsi sahəsində olan siyasi iradəsi, həmçinin iki ölkənin xalqlarının ustad Şəhriyara olan məhəbbətini nəzərə alaraq, ardıcıl şəkildə İranın və Azərbaycanın şəhərlərində şairin yad edilməsi üçün toplantı və simpoziumların keçirilməsini təklif edirəm”.
Səfir İranın Bakıdakı səfirliyinin bu kimi proqramların daha yaxşı şəkildə həyata keçirilməsi üçün hazır olduğunu bildirib.
M.Pakayin “Ustad Şəhriyar adına mədəniyyət medalı” festivalının keçirilməsi ilə bağlı bildirib ki, şübhəsiz, belə tədbirlər fars şeiri və ədəbiyyatı, habelə mərhum M.Şəhriyarın tanıtdırılması sahəsində böyük bir addım sayılmaqla, regionda yaşayan müsəlman alimlərin İran diyarının iftixarlarından sayılan bir şəxsiyyətlə tanışlığına səbəb olacaq.
M.Pakayin ustad Şəhriyarı müasir dövr fars və Azərbaycan ədəbiyyatında böyük şairlərdən biri kimi təqdim edib və deyib ki, məhz bu baxımdan M.Şəhriyar təkcə İranda deyil, həm də Azərbaycan Respublikası, Əfqanıstan, Tacikistan, Mərkəzi Asiya və Qafqaz ölkələrində şöhrət və sevgi qazanıb.
Səfir, həmçinin M.Şəhriyarın Azərbaycan dilində söylədiyi “Heydər Babaya salam” şeirinə diqqət çəkərək bu şeirin təkcə İranda deyil, həm də Azərbaycan Respublikasında şöhrət qazandığı və onun unudulmaz şeirlərindən biri olduğunu vurğulayıb.
Beynəlxalq festivalda Azərbaycan Milli Elmlər Akademiyasının Ədəbiyyat İnstitutunun direktoru İsa Həbibbəyli və Bakı Dövlət Universitetinin İlahiyyat fakültəsinin rəhbəri akademik Vasim Məmmədəliyev İran İslam Respublikasının Azərbaycan Respublikasındakı səfiri M.Pakayin və Təbriz Universitetinin Azərbaycanşünaslıq İnstitutunun direktoru doktor Məhəmmədrza Pur Məhəmmədi tərəfindən “Ustad Şəhriyar mədəniyyət medalı” ilə təltif edilib.
Qeyd edək ki, bu gün Təbriz Universitetinin Azərbaycanşünaslıq İnstitutu tərəfindən “Ustad Şəhriyar adına birinci mədəniyyət medalı” festivalı keçirilib.




 
Bölməyə aid digər xəbərlər
19.10.2019
Azərbaycan kinosunun inkişafına ayrılan vəsait 5 dəfə artırılır
19.10.2019
“Maşın“ı türkiyəli apardı
18.10.2019
Nizami Gəncəvinin “Yeddi gözəl” əsəri özbək dilində Daşkənddə çapdan çıxıb
18.10.2019
Tələbələr “YARAT”ın təşəbbüsü ilə təşkil olunan sərgini ziyarət ediblər
18.10.2019
İmadəddin Nəsiminin yaradıcılığına həsr olunmuş rəsm müsabiqəsinə qeydiyyat başa çatıb

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10922

1 Prezident: Gələn ilin büdcəsi həm sosial, həm investisiya yönümlü olmalıdır
2 Vasim Məmmədəliyev vəfat edib
3 Mitinqi yox, Türk Şurasının nailiyyətini təbliğ edin...
4 Gələn il əmək pensiyaları bir daha artırılacaq
5 “Xoşbəxtlikdən, Azərbaycanın qolu sayılmadı“


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info