Azərbaycan yazıçısı İtaliyada “Scanno” mükafatına layiq görülüb
Tarix: 21.09.2015 | Saat: 16:58:00 | E-mail | Çapa göndər


İtaliyanın L’Aquila şəhərində Tanturri Fondunun təsis etdiyi məşhur 42-ci “Scanno” mükafatının təqdimat mərasimi keçirilib. Tanınmış Azərbaycan yazıçısı Kamal Abdullanın da layiq görüldüyü bu mükafatın təqdimat mərasimində İtaliyanın ədəbi və mədəni, siyasi dairələrinin nümayəndələri, incəsənət xadimləri, jurnalistlər iştirak ediblər.
Ənənəvi olaraq hər il Tanturri Fondu ədəbiyyat, hüquq, sosiologiya, ekologiya, tibb, musiqi, ədəbiyyat və digər nominasiyalar üzrə fərqlənən şəxslərə “Scanno” mükafatını təqdim edir. Yazıçı Kamal Abdulla da italiyalı oxucular tərəfindən böyük maraqla qarşılanan “Yarımçıq əlyazma” romanına görə bu ölkədə ən prestijli mükafatlardan sayılan ədəbiyyat üzrə xüsusi “Scanno” mükafatına layiq görülüb. 1972-ci ildə italiyalı yazıçı, jurnalist Rikkardo Tanturri de Horatio tərəfindən təsis olunmuş “Scanno” mükafatı müxtəlif sahələr üzrə böyük istedad sahibləri, qeyri-adi yaradıcılıq qabiliyyətinə malik şəxslərin fəaliyyətinin qiymətləndirilməsi baxımından mühüm əhəmiyyət kəsb edir. Bu günədək “Scanno”ya layiq görülmüş şəxslər arasında İtaliyanın sabiq Baş naziri Romano Prodi, Nobel mükafatçısı Mario Vargas Llosa, məşhur aktyor Mikele Plaçido, dünyanın müxtəlif ölkələrinin ali dövlət mükafatları ilə təltif olunmuş görkəmli şəxslər yer alır. Yazıçı Kamal Abdullanın da bu cür mükafata layiq görülməsi Azərbaycan ədibinin yaradıcılığına dünya miqyasında verilən qiymətin göstəricisidir.
Mərasimdə vurğulanıb ki, Kamal Abdullanın “Yarımçıq əlyazma” romanı ədəbi keyfiyyətinə və böyük tirajla satışına görə seçilən nəşrlər arasındadır. Romanda klassik ədəbiyyatla qədim tarixə aid mifologiyanın vəhdətdə təqdim olunması italiyalı ədəbiyyatsevərlərin diqqətini cəlb edib.
Tədbirdə Kamal Abdullanın adından mükafatı alan Azərbaycanın İtaliyadakı səfiri Vaqif Sadıqov çıxış edərək ədəbiyyatımıza verilən bu qiymətə görə Fondun rəhbərliyinə minnətdarlığını bildirib. Səfir qeyd edib ki, Cənubi Qafqaz regionunda ən sürətlə inkişaf edən Azərbaycan multikonfessional və multikultural bir ölkədir. O deyib: “Sülh içində birgəyaşayış və tolerantlıq Azərbaycanda kök salmış ənənələrdir. Tarixən Böyük İpək Yolu üzərində yerləşən, müxtəlif xalqlar və dinlər arasında körpü rolunu oynayan Azərbaycan Qərb və Avropa ilə həmişə yaxın əlaqələr qurub”.
Azərbaycan-İtaliya əlaqələrinə toxunan səfir ölkələrimiz arasında bütün sahələrdə, o cümlədən siyasət, mədəniyyət, iqtisadiyyat və digər istiqamətlərdə münasibətlərin yüksək səviyyədə olduğunu deyib. Bildirib ki, hazırda İtaliya Avropa regionunda Azərbaycanın önəmli tərəfdaşıdır. Ölkəmiz İtaliyada keçirilən mədəni və iqtisadi tədbirlərin fəal iştirakçısıdır. Bu sırada “Milan Expo 2015” beynəlxalq sərgisi və “Venesiya Biennalesi” Beynəlxalq İncəsənət Sərgisi xüsusi önəm kəsb edir.
Tədbirdə mükafata layiq görülənlər çıxış edərək İtaliyanın mədəni həyatında mühüm hadisə sayılan “Scanno” mükafatının müxtəlif sahələrdə uğur qazanan, fəaliyyəti, gördüyü işləri və yaradıcılığı ilə böyük əks-səda doğuran görkəmli şəxslərə təqdim edilməsinin yeni nailiyyətlərə cığır açdığını diqqətə çatdırıblar.
Mərasim konsert proqramı ilə davam etdirilib.
Tural




 
Bölməyə aid digər xəbərlər
24.11.2020
Strakonikeia Antik şəhərində mifoloji maskalar aşkar edilib
24.11.2020
Azıx mağarasına aid arxeoloji tapıntılar Bakıya gətirildi
22.11.2020
Kinorejissor Rasim Ocaqovun xatirəsi anılıb
20.11.2020
“İncəsənət videomühazirələri” adlı yeni layihəyə başlanılıb
18.11.2020
Mədəniyyət Nazirliyi “Xristian irsimizi tanıyaq” layihəsini təqdim edir

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11910

1 Что делали в Карабахе переселенцы из Ливана и Сирии?
2 “Qreçka“, yoxsa düyü – Hansını çox yeməlisiz?
3 Öküz ili bürclərə nə vəd edir?
4 Kinorejissor Rasim Ocaqovun xatirəsi anılıb
5 Azərbaycan dilinin yeni Orfoqrafiya lüğətinə iki mindən çox söz əlavə edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info