“Avronest və Avropa Parlamenti ölkəmizə qarşı aparılan qarayaxma kampaniyasında alətə çevriliblər”
Tarix: 21.09.2015 | Saat: 20:05:00 | E-mail | Çapa göndər


Azərbaycan Milli Məclisinin deputatı Rauf Əliyev Avronest Parlament Assambleyasının həmprezidenti, Avropa Parlamentinin Finlandiyadan olan üzvü xanım Heidi Hautalanın Azərbaycanla bağlı səsləndirdiyi fikirlərə cavab verib.
R.Əliyevin sözlərinə görə, H.Hautala müsahibədə deyir ki, “Avronesti tərk etmək Azərbaycan xalqının maraqlarında” deyil: “Onda sual yaranır. Niyə Azərbaycan Avronestə üzv olduqdan sonra bu qurumun, eləcə də Avropa Parlamentinin iclaslarında Azərbaycan xalqının, dövlətinin maraqlarını müdafiə edən heç bir sənəd qəbul olunmayıb? Əksinə, ələlxüsus son dövrlərdə bu qurumlar Azərbaycana qarşı aparılan qarayaxma kampaniyasında bir alətə çevriliblər”.
Avronest-in həmprezidentinin "Ortaq dəyərlər olmadan əməkdaşlıq ola bilməz" fikrinə gəlincə isə, R.Əliyev deyib ki, H.Hautaladan soruşmaq lazımdır ki, görəsən, o hansı ortaq dəyərləri nəzərdə tutur?
Deputat qeyd edib ki, əgər söhbət insan hüquq və azadlıqlarından, cəmiyyətdə mövcud olan tolerantlıqdan gedirsə, bu dəyərlərlə Azərbaycan artıq dünyada nümunə göstərilə bilən bir dövlətə çevrilib: "Dağlıq Qarabağ problemi ilə bağlı xanım Heidi Hautala bildirir ki, Avropa Parlamenti Dağlıq Qarabağın işğalını inkar etmir. Sual olunur - o zaman niyə uzun illərdir ki, bu qurumlar Ermənistanın Azərbaycan ərazilərinin işğalını qınayan, Ermənistanı birbaşa təcavüzkar adlandıran qətnamə qəbul etməyiblər? Niyə işğal olunmuş torpaqlardan qovulmuş bir milyondan çox azərbaycanlının pozulmuş hüquqları müdafiə olunmur?”
R.Əliyev bildirib ki, H.Hautala “Bakı-2015” Avropa Oyunları ərəfəsində deputatların Bakıya getməsinə qadağa qoyulması ilə əlaqədar Avropa Parlamentinin sədri Martin Şultsun tapşırığının doğru olmadığını deyir: “Bəs onda İlk Avropa Oyunlarının başlanmasına 9 gün qalmış cənab Şultsun təşəbbüsü ilə Avropa Parlamentinin Birinci Avropa Oyunlarının baykot edilməsi ilə bağlı qətnaməsini başqa cur necə qiymətləndirmək olar? Qətnamənin Erməni lobbisinin təsiri ilə qəbul edilməsi barədə suala cavabında həmprezident bildirir ki, bu doğru deyil. Qətnamə bir qrup siyasi məhbusun riskli durumları ilə bağlı qəbul edilib. Çox maraqlıdır, bir neçə şəxsin yol verdikləri konkret cinayət əməllərinə görə cəzalandırılmasının bu qədər siyasiləşdirilməsi kimə və niyə lazımdır? Əlbəttə, bu bir bəhanədir. Avropa Parlamentinin bu qətnaməni qəbul etməkdə əsas məqsədi Azərbaycanın son illərdə beynəlxalq aləmdə artan nüfuzuna zərbə vurmaq, özlərinin istədikləri kimi idarə olunan bir dövlətə çevirməkdir”.
Deputat qeyd edib ki, Azərbaycan artıq öz cavabını verib: “Azərbaycan ancaq ona qarşı bərabər hüquqlu tərəfdaş kimi münasibətləri hiss etdikdə, bu qurumlarla əməkdaşlığın davam etdirilməsi məsələsinə baxa bilər. Azərbaycan müstəqil bir dövlət kimi bütün dövlətlərlə, müxtəlif beynəlxalq təşkilatlarla bərabər hüquqda, qarşılıqlı əməkdaşlıq şəraitində əlaqələrini davam etdirir. Bu, ancaq belə də olacaq”.




 
Bölməyə aid digər xəbərlər
24.08.2019
Jewish Journal: Azərbaycanda qadınlara seçki hüququ verilməsinin 100 illiyi tamam olur
22.08.2019
Azərbaycan XİN: Ermənistan heç bir halda demokratiyanın qasidi statusuna iddia edə bilməz
22.08.2019
Əli Kərimli mərasimləri, məzarlıqları özünün təbliğat tribunasına çevirməyə çalışır
21.08.2019
Əli Kərimlinin hərəkətləri şəhidlərimizə, onların yaxınlarına hörmətsizlikdən başqa bir şey deyil
21.08.2019
Mühacirlərin internet TV-ləri haradan maliyyələşir?

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10870

1 Bakıdan avtobusla Naxçıvana gedənlərə şad xəbər
2 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
3 “Stokholmda Rəssamlıq qalereyası açmaq planım var”
4 Prezident Kitabxanasında İrəvan xanları nəslinin nümayəndəsi Əmir Əli Sərdari İrəvani ilə görüş olub
5 Los Anceles sinaqoqunda Azərbaycanın tolerantlığına dair təqdimat keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info