ABŞ mətbuatı: “Ermənistanın təcavüzkar dövlət olması şübhə doğurmayan faktdır”
Tarix: 05.10.2015 | Saat: 11:50:00 | E-mail | Çapa göndər
“Rusiya və Ermənistan üçün beynəlxalq hüquq mənasız anlayışdır”.

Bu barədə ABŞ-ın nüfuzlu “The Washington Times” qəzetində dərc olunan “Dağlıq Qarabağ hadisələrinə yenidən baxış” sərlövhəli yazıda bildirilir.
Yazının müəllifi Aleksandr Murinson Dağlıq Qarabağ hadisələrinin qısa xronikasını verərək erməni tərəfinin işğalı Dağlıq Qarabağdan kənar ərazilərə - Kəlbəcər, Ağdam, Füzuli, Cəbrayıl, Zəngilan və Laçına yaydıqlarını bildirib. O, Beynəlxalq Böhran Qrupunun hesabatlarına əsasən münaqişə nəticəsində 1 milyona yaxın azərbaycanlının qaçqın-köçkün vəziyyətinə düşdüyünü diqqətə çatdırıb: “Ermənistanın təcavüzkar dövlət olması şübhə doğurmayan faktdır. Ermənistan bu gün beynəlxalq hüquqla Azərbaycanın suveren ərazisi sayılan torpaqların qeyri-qanuni işğalını davam etdirir. Kapitol Hilldə olan çoxsaylı ermənipərəst qüvvələr bunun əksini iddia etməyə çalışsalar da, BMT Təhlükəsizlik Şurasının qətnamələri məsələyə həqiqi qiymət verir və faktları təbliğatdan ayırır”.
Yazıda Dağlıq Qarabağ münaqişəsi ilə bağlı BMT Təhlükəsizlik Şurası tərəfindən qəbul edilən qətnamələr, eləcə də “Çıraqov və digərləri Ermənistana qarşı” işi ilə bağlı Avropa İnsan Haqları Məhkəməsinin qərarı xüsusi qeyd edilib: “Ən əsası, məhkəmə qərarı Ermənistanın Dağlıq Qarabağ və 7 ətraf rayon üzərində effektiv hakimiyyəti və yurisdiksiyasının olmadığı barədə Ermənistan hökumətinin etirazlarını əsassız sayıb. Ermənistana görə, Dağlıq Qarabağ suveren dövlətdir. Avropa İnsan Haqları Məhkəməsinin məsələ ilə bağlı yekun qərarı isə belədir: Ermənistan hazırda Dağlıq Qarabağ və ətraf ərazilərdə effektiv nəzarət həyat keçirir”.
A. Murinsonun sözlərinə görə, Ermənistanın xarici işlər naziri Edvard Nalbandyan münaqişənin Avropa İnsan Haqları Məhkəməsi çərçivəsində və ya onun vasitəçiliyi ilə deyil, ATƏT-in Minsk Qrupunun həmsədrlik institutu çərçivəsində aparıldığını deyərək məhkəmənin qərarını ciddiyə almadığını göstərib: “Azərbaycanın qaydalara əməl etməsinə, məhkəmədə şikayətlərinin təmin olunmasına, ədalətli sülhə çalışmasına baxmayaraq, Ermənistan qanunlara məhəl qoymur, beynəlxalq institutlar, məhkəmələr və qanunun aliliyini görməzdən gəlir”.
Tural




 
Bölməyə aid digər xəbərlər
26.05.2018
İstanbulda AXC-nin 100 illiyi münasibəti ilə qəbul keçirilib
26.05.2018
Klivlend meri Azərbaycan Xalq Cümhuriyyətinin 100 illiyi ilə bağlı Bəyannamə imzalayıb
25.05.2018
“Mübariz” filminin çəklişlərinə bu ilin yay aylarında başlanılacaq
25.05.2018
Paşinyan yeni baş nazir oldu, ancaq Ermənistanın siyasi kursu öz əvvəlki vəziyyətində qalır
25.05.2018
“AXC həyata keçirdiyi islahatlarla Qərb ölkələrini də üstələmişdi”

Şərh əlavə olunmayıb



    ,    
Hüseyn Babayev
Fuad HÜSEYNZADƏ
Tural Tağıyev
Elşad QOCA
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9309

1 Yaponiyada Azərbaycan məhsullarına böyük maraq var
2 Almaniyadakı soydaşlarımızdan AXC-nin 100 illiyilə bağlı təbrik mesajı
3 “Bəzən valideynlər övladlarının saatlarla cizgi filminə baxması ilə fərəhlənirlər”
4 Səadət Qarayeva: “PBİF Azərbaycanın biznes potensialı üçün mühüm meydançalardan biridir”
5 Monteneqrodakı soydaşlarımızdan AXC-nin 100 illiyi ilə bağlı təbrik mesajı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info