Tatarıstanda Azərbaycanın şirə istehsalı zavodunun təməli qoyulub
Tarix: 08.10.2015 | Saat: 01:12:00 | E-mail | Çapa göndər


Dünən Tatarıstan Respublikasının Laişevski bələdiyyə rayonunda şirə istehsalı zavodunun və logistika mərkəzinin tikintisi üzrə investisiya layihəsinin həyata keçirilməsinin başlanmasına həsr edilmiş təntənəli mərasim keçirilib.
Obyektin tikinti meydançası Sokura kəndinin yaxınlığında yerləşir. Layihənin investoru qismində Azərbaycanın “Benkons Group” şirkəti çıxış edir. “Tatar-inform” agentliyi xəbər verir ki, investisiya layihəsinin həyata keçirilməsinin başlanmasına həsr edilmiş tədbirdə Tatarıstan Prezidenti Rüstəm Minnixanov iştirak edib. Mərasimdə çıxış edən Prezident Minnixanov deyib: “Bu, yetərincə iri layihədir, respublikada indiyə qədər bu cür layihə olmayıb. Zavod həm Tatarıstan bazarı, həm də yaxınlıqdakı regionların bazarları üçün nəzərdə tutulub. Mən investorlara təşəkkür etmək istərdim. Bu qərarı Azərbaycandan olan həmkarlarımız qəbul edib, onlar həmin qərarı hərtərəfli təkmilləşdiriblər, yaxın vaxtlarda bu layihəyə təqribən 4 milyard sərmayə qoyulacaq. Müəssisə ildə 50 min tondan çox şirə istehsal edəcək. Ən başlıcası, bizim istehsalçılar üçün də bazar yaranacaq. Onlar bu zavodu xammal ilə təchiz edə biləcəklər. Xammalın bir hissəsini yerli təchizatçılardan, qalan hissəsini kənardan alacaqlar. Fikrimcə, bu hələ başlanğıcdır. Gələcəkdə biz bu istehsalatların genişləndirilməsini planlaşdıracağıq”. “Benkons Group” şirkətinin kommersiya direktoru Elin Zalov bu hadisəni həmin şirkətlə Tatarıstan Respublikasının İnvestisiya İnkişaf Agentliyi arasında səmərəli əməkdaşlığın nəticəsi adlandırıb. Təntənəli tədbir gələcək zavodun təməlinə xatirə kapsulu qoyulması ilə başa çatıb. Elin Zalov jurnalistlərin suallarını cavablandıraraq qeyd edib ki, Azərbaycan şirkəti Tatarıstanda tikilən gələcək zavodun məhsullarını həm Rusiya bazarına, həm də Çinin və bəzi başqa Avropa ölkələrinin bazarlarına çıxarmağı planlaşdırır. Gələcək zavodun və logistika mərkəzinin işçilərinin sayının 250 nəfər olması nəzərdə tutulur. Gözlənildiyinə görə, müəssisə 2017-ci ilin əvvəlində işə başlayacaq. “Benkons Group” şirkəti Tatarıstanda 75 hektar torpaq sahəsi alıb. Bu sahənin 12 hektarı həmin layihənin həyata keçirilməsi üçün istifadə ediləcək.




 
Bölməyə aid digər xəbərlər
15.10.2019
ABAD kəndlərdə yaşayan qadınlara böyük dəstək verir
15.10.2019
“Hunter“ layihəsi çərçivəsində gömrük əməkdaşları üçün seminar keçirilir
15.10.2019
Bakıda “İsrael open” yarmarkası keçiriləcək
15.10.2019
Özbəkistan Prezidenti: “Nəqliyyat əlaqələri türkdilli dövlətlər arasında münasibətlərin inkişafına töhfə verəcək”
15.10.2019
Vergiödəyicisi ilə vergi orqanının məlumat mübadiləsi fərdi elektron kabinet vasitəsilə aparılır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Namiq Əliyev
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10914

1 Aşqabadda Azərbaycan və Türkmənistan prezidentlərinin görüşü olub
2 Azərbaycanda sifilis xəstəliyinə yoluxmuş insanların sayı artıb
3 Ankarada “Buta Bakı“
4 Bakıda Rus Kitab Evinin açılmasının 10 illik yubileyi qeyd olunub
5 Aşqabadda MDB Dövlət Başçıları Şurasının geniş tərkibdə iclası keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info