Komitə sədri Neftçalada vətəndaş qəbulu keçirib
Tarix: 11.12.2015 | Saat: 18:11:00 | E-mail | Çapa göndər


Azərbaycan Respublikasının Prezidenti cənab İlham Əliyevin tapşırıqlarına əsasən, Əmlak Məsələləri Dövlət Komitəsinin sədri Kərəm Həsənov 11 dekabr 2015-ci il tarixində Neftçalada vətəndaşları qəbul edib. Vətəndaş qəbulu şəhərdə yerləşən Heydər Əliyev Mərkəzində keçirilib. Komitə sədri qəbulda Neftçala, Şirvan, Hacıqabul, Salyan, Sabirabad və Saatlı rayonlarından olan vətəndaşların müraciətlərinə baxıb.
Müraciətlərin əksəriyyəti daşınmaz əmlakın, o cümlədən torpaq sahələrinin dövlət qeydiyyatı ilə bağlı olub. Vətəndaşlar onlara ayrılmış torpaq sahələri, fərdi həyət evləri və mənzillər, habelə kommersiya məqsədilə istifadə etdikləri qeyri-yaşayış sahələrinə çıxarış və digər qeydiyyat sənədlərinin alınması ilə bağlı müraciətlərini çatdırıblar. Eyni zamanda, pay torpaqlarının, kənd təsərrüfatı təyinatlı torpaqların dövlət reyestrində qeydiyyatı ilə bağlı müraciətlər də səsləndirilib.
Bir neçə vətəndaş dövlət əmlakının özəlləşdirilməsi və icarəsi ilə bağlı müraciət edib. Həmçinin, vətəndaşlar işlə təmin olunma və komitənin səlahiyyətinə aid olmayan məsələlərlə bağlı köməklik göstərilməsi barədə xahişlərini bildiriblər.
Komitə sədri qəbulda səsləndirilən bir sıra müraciətlərin dərhal həlli üçün göstərişlərini verib. Vətəndaşlara onların müraciətləri ilə bağlı mövcud qanunvericiliyin tələbləri çatdırılıb. Araşdırılması zəruri olan müraciətlər isə qeydiyyata alınıb.
Komitə sədri qəbulda komitə tərəfindən daşınmaz əmlakın qeydiyyatında vətəndaş məmnunluğunu təmin etmək məqsədilə sosial yönümlü tədbirlərin artırıldığını nəzərə çatdırıb. Bildirilib ki, artıq ayda bir neçə dəfə olmaqla, həm Bakıda, həm də regionlarda “Kütləvi çıxarış” kampaniyası keçirilir, mobil ofis xidmətləri göstərilir. Daşınmaz əmlakın qeydiyyatı ilə bağlı xidmətlər birbaşa vətəndaşların ünvanına çatdırılır və yerlərdə rahat və operativ şəkildə təqdim olunur. Qeyd olunub ki, mülkiyyət hüquqlarının tənzimlənməsində, o cümlədən daşınmaz əmlakın qeydiyyatı və torpaq idarəçiliyində “bir pəncərə” prinsipinin tətbiq edilməsi nəticəsində bütün qeydiyyat prosesi bir ünvanda – Daşınmaz Əmlakın Dövlət Reyestri Xidmətində aparılır. Bu isə əlavə vaxt itkisini aradan qaldırıb, müxtəlif idarələrə getməyə ehtiyac qalmayıb. Bu tədbirlərlə yanaşı, komitənin 3 SMS, 2 onlayn və 31 elektron xidməti də vətəndaşların istifadəsindədir. Bütün bu tədbirlər xidmətlərdə çeviklik, şəffaflıq və rahatlığı kifayət dərəcədə yüksəldib.
Qəbulda torpaq idarəçiliyi ilə bağlı məsələlərə toxunan komitə sədri artıq Torpaqların Elektron Kadastr Uçotu Sisteminin yaradılması istiqamətində işlərin aparıldığını qeyd edib. Bu Sistemin yaranması ilə respublikada torpaqların dəqiq sərhədləri və koordinatlarının müəyyənləşəcəyi bildirilib. Qeyd olunub ki, bu proses nəticəsində vətəndaşların, həmçinin bələdiyyələrin torpaqlar üzərində mülkiyyət hüquqlarının daha operativ və dəqiq qeydiyyata alınmasını təmin edəcək.
Komitə sədri torpaq qanunvericiliyinin tələblərinə riayət olunması ilə bağlı məsələlərə də toxunub. Bildirilib ki, Azərbaycan Respublikası Prezidenti tərəfindən imzalanmış müvafiq Sərəncamla torpaq sahələrindən qanunsuz istifadə və özbaşına tikintilərlə bağlı cəzalar sərtləşdirilib. Komitə tərəfindən artıq Sərəncamın icrası ilə bağlı respublikanın müxtəlif bölgələrində monitorinq-araşdırma tədbirləri həyata keçirilir. Torpaqların özbaşına zəbt olunması, qanunsuz tikintilərin aparılması, torpaq sahələri barədə qanunsuz qərarların verilməsi faktları araşdırılır. Analoji hadisələrin qarşısını almaq məqsədilə aşkar olunmuş belə hüquq pozuntuları ilə bağlı müvafiq qanunvericiliyə, eləcə də qeyd olunan Sərəncama əsasən tədbirlər görülür.
Qəbulda iştirak edən vətəndaşlar göstərilən xidmətlərdən razılıqlarını və komitə sədrinə təşəkkürlərini bildiriblər. Həmin gün birbaşa müraciət edən vətəndaşlar da komitə sədri tərəfindən qəbul edilib.
Əmlak Məsələləri Dövlət Komitəsinin sədri tərəfindən respublika üzrə belə vətəndaş qəbullarının keçirilməsi qarşıdakı aylarda da davam etdiriləcəkdir.

Fuad




 
Bölməyə aid digər xəbərlər
27.02.2020
Prezident Artur Rasi-zadəyə 1-ci dərəcəli “Vətənə xidmətə görə” ordenini təqdim edib
27.02.2020
Yoluxucu xəstəliklərdən qorunmaq və onların yayılmasının qarşısını almaq üçün zəruri tövsiyələr
27.02.2020
Pərviz Şahbazov: Bu ilin payızında Cənub Qaz Dəhlizi tam hazır olacaq
27.02.2020
Dövlət Neft Fondunun aktivləri 43,3 milyard dollara çatıb
27.02.2020
Prezident Britaniya Baş Nazirinin Azərbaycan üzrə ticarət elçisini qəbul edib

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11456

1 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
2 Ağstafada Xocalı soyqırımının 28-ci ildönümü qeyd olunub
3 “Gənclərin vətənpərvər, savadlı, yüksək mənəvi dəyərlərə, tərbiyəyə malik olması dövlətin gələcəyi üçün önəmlidir”
4 Masallıda Xocalı soyqırımının 28-ci ildönümü anıldı
5 Azərbaycanın birinci xanımı Mehriban Əliyeva İtaliyanın Kuirinale Sarayı ilə tanış olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info